Maak 2
2
Yesu vaarɛ gbɛrɩgɛ
Mat. 9.1-8; Luuk 5.17-26
1Tapʋlaa baŋmɛnɛ harɩŋ, Yesu mɩɩra mʋ Kapɛnam. Nɩaa nɩɩ dɩ ʋ mɩɩra kɔ a hɛ dɩa lɛ. 2Ŋɩɩ nɛ nɩ-daŋ gire kɔ a tɔ lee-la kala a tɔ boiŋ niiŋ ma. Ka ʋ bʋl Wɩa wɩaa pɩpɩba. 3Ŋɩɩ nɛ dɩ nɩaa dɔnsʋŋ nɛ ŋɩɩ. Ba banɛsɛ joŋ gbɛrɩgʋ kʋbala kaa kɔ. Ʋ pɩŋ ʋ bɔsɔ lɛ. 4Nɩaa sɩ tɔ leriŋ kala ŋɩɩ, ba bɩ jɩŋ lee-la ba sɩ jaŋ to a jʋʋ. Ŋɩɩ nɛ ba jɩl lusuŋ nyuŋ a ta luri a joŋ bɔsɔ-la arɩ gbɛrɩgʋ-la kala a to bʋa-la ta ʋ tuu Yesu sɩpaaŋ. 5Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Mɩ bii, mɩ joŋ ŋ wʋbɔŋŋɔɔ chɛŋ nɛ.”
6Dɩ Wɩa teniŋ kerichiba dɔnsʋŋ ma hɔŋ nɩmɛ a bʋbʋl ba tʋɔŋ lɛ, 7“Bɛɛ nɛ tɩɩ baala deeŋ bʋbʋl ŋɩɩ? Ʋʋ tʋʋsɛ Wɩa joŋŋoo nɛ. Kʋbɛɛ nɛ jaŋ wuo joŋ wʋbɔŋŋɔɔ chɛ nʋʋ, dɩ Wɩa dʋndʋŋa dee?”
8Yesu guu jɩŋ ba tʋɔbɩɩnaa a pɩɛsɛba, “Bɛɛ nɛ tɩɩ ma bɩbɩɩnɛ wɩaa deemba? 9Mɩ sɩ jaŋ bʋl gbɛrɩgʋ-la lɛ arɩ mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii chuoli ʋ bɔsɔ a viiri nɛ ŋaa mɔlɩɩ? 10Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” 11Ŋɩɩ nɛ ʋ bʋla pɩ gbɛrɩgʋ-la, “Sii a joŋ ŋ bɔsɔ mʋ dɩa.” 12Baal-la guu sii a joŋ ʋ bɔsɔ a vɛnɛ lɩɩ ka nɩalɩŋ bibenu. Ba kala hirigi a dɛnnɛ Wɩa a bʋl, “La ha bɩ wɩɩŋ deeŋ dɔŋɔ na.”
Yesu yɩrɛ Levi
Mat. 9.9-13; Luuk 5.27-32
13Ŋɩɩ nɛ Yesu sii nɩmɛ a mɩɩra tuu mʋga niiŋ. Nɩaa yʋgɛ a kʋ hilimi, ʋ dɩdagɛba. 14Ʋ sɩ kiele mʋ sɩpaaŋ, ʋ na baal kʋbala baa yɩrɛ Levi. Ʋ nyɩmma yɩrɩŋ nɛ Alɩfɩyas. Levi fa ŋaa lampoo laarʋ nɛ a hɔŋ ʋ tɩntɩnnɩ dɩa lɛ. Ŋɩɩ nɛ Yesu yɩrʋ a bʋla pʋ, “Sii a tuto mɩ harɩŋ.” Ʋ sii to.
15Ŋɩɩ nɛ Yesu mʋ jʋʋ Levi dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laara-la dɔnsʋŋ arɩ wʋbɔŋ ŋaaraa ma kɔ, ba kala didii kɩalɩŋ. Ba fa yʋga woruŋ a tuto Yesu harɩŋ. 16Wɩa teniŋ kerichiba arɩ Farisii tɩŋŋaa naba a pɩɛsɛ Yesu harɩ-tooroo, “Bɛɛ nɛ tɩɩ Yesu arɩ wʋbɔŋ ŋaaraa arɩ lampoo laaraa kala hɔnɔ didii kɩaa?”
17Yesu sɩ nɩɩ wɩɩ-la, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ. Mɩ kɔ dɩ mɩ yɩrɛ wʋbɔŋ ŋaaraa nɛ. Nɩalɩŋ sɩ kɛŋ tʋɔpʋla dee mɩ kɔ dɩ mɩ yɩrɛ.”
Ba bʋl niiŋ vɔbʋŋ wɩaa
Mat. 9.14-17; Luuk 5.33-39
18Chɛɛ dɔŋ Jɔɔŋ, Wɩa lɩɩ-fooru-la harɩ-tooroo arɩ Farisii tɩŋŋaa harɩ-tooroo vʋvɔɔ niiŋ. Ŋɩɩ nɛ nɩaa sii kʋ pɩɛsɛ Yesu, “Bɛɛ nɛ tɩɩ Jɔɔŋ harɩ-tooroo arɩ Farisii tɩŋŋaa harɩ-tooro-naa vɔɔ niiŋ, aŋ ka ŋ harɩ-tooro-na bɩ vɔɔ?”
19Ŋɩɩ nɛ Yesu pɩɛsɛba, “Dɩ nʋʋ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la jaŋ vɔɔ niiŋ? Aɩ, dɩ baal-la arɩ ʋ nandɔnsʋŋ nɛ hɔnɔ, ba bɩ niiŋ ka vɔɔ. 20Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”
21Ŋɩɩ nɛ ʋ bɩra bʋla pɩba, “Dɩ ŋ nɛ kɛŋ gɛrɩ-bɩnɩŋ dɩ ʋ luri, ŋ jaŋ joŋ gɛrɩpɛ-falɩŋ a tɔɔ? Aɩ, ŋ ŋaa ŋɩɩ, kʋfalɩɩ-la jaŋ kʋʋrɛ dɩ gɛrɩ-la wasa kɩɛsa kɩɩ ŋɩɩ. 22Nʋʋkala bɩ jaŋ joŋ girep nɛnɛɛ sɩ-falɩŋ a hɛ pupo-kpaaŋ lɛ. Ŋ nɛ ŋaa ŋɩɩ, pupoi-la jaŋ yɛrɛ, dɩ sɩŋ-la kala ta. Ŋ yie joŋ girep nɛnɛɛ sɩ-falɩŋ a hɛ pupoi-zɔmʋŋ lɛ nɛ.”
Ba bʋl chɛ-wiesii-la wɩaa
Mat. 12.1-8; Luuk 6.1-5
23Chɛ-wiesiŋ chɛɛ kʋbala Yesu arɩ ʋ harɩ-tooroo sii to nyonso baga tʋɔŋ mʋmʋ. Ba sɩɩ mʋmʋ ŋɩɩ, ʋ harɩ-tooro-la bubori nyonso-la nyusuŋ. 24Ŋɩɩ nɛ Farisii tɩŋŋaa pɩɛsʋ, “Ŋ bɩ naa? Chɛ-wiesii-la chɛɛŋ kɩsɩŋ nɛ ba chichei ŋɩɩ. Bɛɛ nɛ tɩɩ?”
25Ŋɩɩ nɛ Yesu pɩɛsɛba, “Ma ha bɩ wɩɩ-la Devit fa sɩ ŋaa bʋa-la lɛ losuŋ fa sɩ kɛŋ ʋ dɩ ʋ harɩŋ nɩaa ba chɩchɛ kʋdiilee dɩ ba dii karɩmaa? 26Ʋ fa jʋʋ Wɩa dɩa nɛ bʋa-la lɛ Abɩata sɩ ŋaa Wɩɩsʋllɩ sɩpaalaaraa nɩhɩaŋ, a joŋ boroboro-la ba sɩ yie joŋo bil Wɩa sɩpaaŋ a chɔgɔ dii aŋ chɔgɔ pɩ ʋ harɩŋ nɩaa ba dii. Ʋ fa ŋaa kɩsɩŋ nɛ arɩ nɩwogo sɩ jaŋ joŋ boroboro-la dii, see Wɩɩsʋllɩ sɩpaalaara dʋndʋŋa.”
27Ŋɩɩ nɛ Yesu bɩra bʋla pɩba, “Wɩa lɩɩsɛ chɛ-wiesii-la pɩ nɩaa nɛ dɩ ba tɩɩʋ. Ʋ bɩ sɩ dɩ chɛ-wiesii-la nɛ tɩɩ nɩaa. 28Mɩ-na Nuhuobiine Bie nɛ ŋaa chɛ-wiesii-la Tɩɩna ŋɩɩ.”
Currently Selected:
Maak 2: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Maak 2
2
Yesu vaarɛ gbɛrɩgɛ
Mat. 9.1-8; Luuk 5.17-26
1Tapʋlaa baŋmɛnɛ harɩŋ, Yesu mɩɩra mʋ Kapɛnam. Nɩaa nɩɩ dɩ ʋ mɩɩra kɔ a hɛ dɩa lɛ. 2Ŋɩɩ nɛ nɩ-daŋ gire kɔ a tɔ lee-la kala a tɔ boiŋ niiŋ ma. Ka ʋ bʋl Wɩa wɩaa pɩpɩba. 3Ŋɩɩ nɛ dɩ nɩaa dɔnsʋŋ nɛ ŋɩɩ. Ba banɛsɛ joŋ gbɛrɩgʋ kʋbala kaa kɔ. Ʋ pɩŋ ʋ bɔsɔ lɛ. 4Nɩaa sɩ tɔ leriŋ kala ŋɩɩ, ba bɩ jɩŋ lee-la ba sɩ jaŋ to a jʋʋ. Ŋɩɩ nɛ ba jɩl lusuŋ nyuŋ a ta luri a joŋ bɔsɔ-la arɩ gbɛrɩgʋ-la kala a to bʋa-la ta ʋ tuu Yesu sɩpaaŋ. 5Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Mɩ bii, mɩ joŋ ŋ wʋbɔŋŋɔɔ chɛŋ nɛ.”
6Dɩ Wɩa teniŋ kerichiba dɔnsʋŋ ma hɔŋ nɩmɛ a bʋbʋl ba tʋɔŋ lɛ, 7“Bɛɛ nɛ tɩɩ baala deeŋ bʋbʋl ŋɩɩ? Ʋʋ tʋʋsɛ Wɩa joŋŋoo nɛ. Kʋbɛɛ nɛ jaŋ wuo joŋ wʋbɔŋŋɔɔ chɛ nʋʋ, dɩ Wɩa dʋndʋŋa dee?”
8Yesu guu jɩŋ ba tʋɔbɩɩnaa a pɩɛsɛba, “Bɛɛ nɛ tɩɩ ma bɩbɩɩnɛ wɩaa deemba? 9Mɩ sɩ jaŋ bʋl gbɛrɩgʋ-la lɛ arɩ mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii chuoli ʋ bɔsɔ a viiri nɛ ŋaa mɔlɩɩ? 10Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” 11Ŋɩɩ nɛ ʋ bʋla pɩ gbɛrɩgʋ-la, “Sii a joŋ ŋ bɔsɔ mʋ dɩa.” 12Baal-la guu sii a joŋ ʋ bɔsɔ a vɛnɛ lɩɩ ka nɩalɩŋ bibenu. Ba kala hirigi a dɛnnɛ Wɩa a bʋl, “La ha bɩ wɩɩŋ deeŋ dɔŋɔ na.”
Yesu yɩrɛ Levi
Mat. 9.9-13; Luuk 5.27-32
13Ŋɩɩ nɛ Yesu sii nɩmɛ a mɩɩra tuu mʋga niiŋ. Nɩaa yʋgɛ a kʋ hilimi, ʋ dɩdagɛba. 14Ʋ sɩ kiele mʋ sɩpaaŋ, ʋ na baal kʋbala baa yɩrɛ Levi. Ʋ nyɩmma yɩrɩŋ nɛ Alɩfɩyas. Levi fa ŋaa lampoo laarʋ nɛ a hɔŋ ʋ tɩntɩnnɩ dɩa lɛ. Ŋɩɩ nɛ Yesu yɩrʋ a bʋla pʋ, “Sii a tuto mɩ harɩŋ.” Ʋ sii to.
15Ŋɩɩ nɛ Yesu mʋ jʋʋ Levi dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laara-la dɔnsʋŋ arɩ wʋbɔŋ ŋaaraa ma kɔ, ba kala didii kɩalɩŋ. Ba fa yʋga woruŋ a tuto Yesu harɩŋ. 16Wɩa teniŋ kerichiba arɩ Farisii tɩŋŋaa naba a pɩɛsɛ Yesu harɩ-tooroo, “Bɛɛ nɛ tɩɩ Yesu arɩ wʋbɔŋ ŋaaraa arɩ lampoo laaraa kala hɔnɔ didii kɩaa?”
17Yesu sɩ nɩɩ wɩɩ-la, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ. Mɩ kɔ dɩ mɩ yɩrɛ wʋbɔŋ ŋaaraa nɛ. Nɩalɩŋ sɩ kɛŋ tʋɔpʋla dee mɩ kɔ dɩ mɩ yɩrɛ.”
Ba bʋl niiŋ vɔbʋŋ wɩaa
Mat. 9.14-17; Luuk 5.33-39
18Chɛɛ dɔŋ Jɔɔŋ, Wɩa lɩɩ-fooru-la harɩ-tooroo arɩ Farisii tɩŋŋaa harɩ-tooroo vʋvɔɔ niiŋ. Ŋɩɩ nɛ nɩaa sii kʋ pɩɛsɛ Yesu, “Bɛɛ nɛ tɩɩ Jɔɔŋ harɩ-tooroo arɩ Farisii tɩŋŋaa harɩ-tooro-naa vɔɔ niiŋ, aŋ ka ŋ harɩ-tooro-na bɩ vɔɔ?”
19Ŋɩɩ nɛ Yesu pɩɛsɛba, “Dɩ nʋʋ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la jaŋ vɔɔ niiŋ? Aɩ, dɩ baal-la arɩ ʋ nandɔnsʋŋ nɛ hɔnɔ, ba bɩ niiŋ ka vɔɔ. 20Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”
21Ŋɩɩ nɛ ʋ bɩra bʋla pɩba, “Dɩ ŋ nɛ kɛŋ gɛrɩ-bɩnɩŋ dɩ ʋ luri, ŋ jaŋ joŋ gɛrɩpɛ-falɩŋ a tɔɔ? Aɩ, ŋ ŋaa ŋɩɩ, kʋfalɩɩ-la jaŋ kʋʋrɛ dɩ gɛrɩ-la wasa kɩɛsa kɩɩ ŋɩɩ. 22Nʋʋkala bɩ jaŋ joŋ girep nɛnɛɛ sɩ-falɩŋ a hɛ pupo-kpaaŋ lɛ. Ŋ nɛ ŋaa ŋɩɩ, pupoi-la jaŋ yɛrɛ, dɩ sɩŋ-la kala ta. Ŋ yie joŋ girep nɛnɛɛ sɩ-falɩŋ a hɛ pupoi-zɔmʋŋ lɛ nɛ.”
Ba bʋl chɛ-wiesii-la wɩaa
Mat. 12.1-8; Luuk 6.1-5
23Chɛ-wiesiŋ chɛɛ kʋbala Yesu arɩ ʋ harɩ-tooroo sii to nyonso baga tʋɔŋ mʋmʋ. Ba sɩɩ mʋmʋ ŋɩɩ, ʋ harɩ-tooro-la bubori nyonso-la nyusuŋ. 24Ŋɩɩ nɛ Farisii tɩŋŋaa pɩɛsʋ, “Ŋ bɩ naa? Chɛ-wiesii-la chɛɛŋ kɩsɩŋ nɛ ba chichei ŋɩɩ. Bɛɛ nɛ tɩɩ?”
25Ŋɩɩ nɛ Yesu pɩɛsɛba, “Ma ha bɩ wɩɩ-la Devit fa sɩ ŋaa bʋa-la lɛ losuŋ fa sɩ kɛŋ ʋ dɩ ʋ harɩŋ nɩaa ba chɩchɛ kʋdiilee dɩ ba dii karɩmaa? 26Ʋ fa jʋʋ Wɩa dɩa nɛ bʋa-la lɛ Abɩata sɩ ŋaa Wɩɩsʋllɩ sɩpaalaaraa nɩhɩaŋ, a joŋ boroboro-la ba sɩ yie joŋo bil Wɩa sɩpaaŋ a chɔgɔ dii aŋ chɔgɔ pɩ ʋ harɩŋ nɩaa ba dii. Ʋ fa ŋaa kɩsɩŋ nɛ arɩ nɩwogo sɩ jaŋ joŋ boroboro-la dii, see Wɩɩsʋllɩ sɩpaalaara dʋndʋŋa.”
27Ŋɩɩ nɛ Yesu bɩra bʋla pɩba, “Wɩa lɩɩsɛ chɛ-wiesii-la pɩ nɩaa nɛ dɩ ba tɩɩʋ. Ʋ bɩ sɩ dɩ chɛ-wiesii-la nɛ tɩɩ nɩaa. 28Mɩ-na Nuhuobiine Bie nɛ ŋaa chɛ-wiesii-la Tɩɩna ŋɩɩ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014