Matiu 28
28
Yesu sii sʋʋŋ lɛ
Maak 16.1-10; Luuk 24.1-12; Jɔɔŋ 20.1-10
1Ba chɛ-wiesii-la chɛɛŋ sɩ dɛrɛ, Lahadi chɛɛŋ sɩɩpʋʋraa, Mɛɛrɩ Magɩdalɩŋ arɩ Mɛɛrɩ-la dɔŋɔ mʋ bʋa-la niiŋ dɩ ba na lee-la ba sɩ hugi Yesu. 2Ba sɩ yi lee-la, leriŋ guu faasa zigili, Wɩa tɩndaara lɩɩ wɩa-nyuŋ kʋ tuu a bilimi tabɩɩ-la fa sɩ tɔ bʋa-la ta aŋ hɔŋ ʋ nyuŋ. 3Ʋ sɩaa nagɛ duonuŋ sɩ lɩgɩsa nɛ, aŋ ka ʋ gɛnnɩŋ pʋllɛ kpʋl kpʋl. 4Laalɩyuoro-la fa sɩ pɔ bʋa-la, fawʋllʋŋ kɛmba, ba chel a kpaŋa chɩŋ a nagɛ ba sʋba. 5Ŋɩɩ nɛ Wɩa tɩndaarʋ-la bʋla pɩ haala-la sɩ hɛ nɩmɛ, “Má sɩ́ fawʋllʋŋ fá. Mɩ jɩma arɩ Yesu nɛ maa chɛ, nɩɩ-la ba sɩ kpaasa mɛrɛ daagɛsɛ nyuŋ. 6Ʋ tuo daha, ʋ sie nɛ arɩ ʋ fa sɩ bʋl ŋɩɩ pɩma. Má kʋ na lee-la ba fa sɩ hugu. 7Má mʋ lɩma lɩma a bʋla pɩ ʋ harɩ-tooroo arɩ ʋ sii sʋʋŋ lɛ nɛ. Má bee na, ʋ laa ma sɩpaaŋ a mʋ Galilii nɛ. Dɩ ma nɛ mʋ nɩmɛ, ma jaŋ naʋ. Ma laa wɩɩ-la mɩ sɩ bʋla pɩma dii.” 8Ŋɩɩ nɛ ba lɩɩ vaaŋ-la leriŋ aa tuosi. Fawʋllʋŋ fa kɛmba nɛ, ama ba tʋɔŋ ma tɔrɛ. Ba fá mʋ dɩ ba bʋla pɩ Yesu harɩ-tooroo wɩɩ-la sɩ ŋaa. 9Ŋɩɩ nɛ Yesu guu chemba a bʋla pɩba, “Ma jaŋ hɔŋ arɩ yarɩfɩɛlaa.” Ba mʋ ʋ teeŋ a kɛŋ ʋ naaŋ lɛ a chʋɔlʋ. 10Ŋɩɩ nɛ Yesu bʋla pɩba, “Má sɩ́ leŋe dɩ fawʋllʋŋ kɛmma. Má mʋ bʋla pɩ mɩ harɩ-tooroo dɩ ba mʋ Galilii, ba jaŋ namɛ nɩmɛ.”
Nɩalɩŋ sɩ pɔ vaaŋ-la nyɩɛ wɩaa a tɩgɛ Yesu lɛ
11Haala-la sɩ mɩɩra viiri, laalɩyuoro-la fa sɩ pɔ bʋa-la dɔnsʋŋ mɩɩra mʋ taŋ tʋɔŋ a bʋla pɩ Wɩɩsʋllɩ sɩpaalaaraa kʋhɩasɩŋ wɩɩ-la sɩ ŋaa. 12Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ hɔŋ a vʋʋrɛ wɩɩ-la ba sɩ jaŋ ŋaa. Ba vʋʋra dɩ ba jaŋ joŋ moribii-daŋ a kpal laalɩyuoro-la fa sɩ pɔ bʋa-la aŋ bʋla pɩba, 13“Má bʋla pɩ nɩaa arɩ ma pɩŋ doŋ nɛ, aŋ ka ʋ harɩ-tooroo kʋ gaa a kuusu. 14Dɩ nɩɩ-la sɩ hɔŋ kuoru-balɩŋ nyuŋ nɛ nɩɩ wɩɩŋ deeŋ, la jaŋ bʋla pɛ ma lɛ arɩ ma bɩ wɩɩ cheye. Wɩɩkala bɩ jaŋ walɩmɛma.” 15Ŋɩɩ nɛ laalɩyuoro-la fa sɩ pɔ vaaŋ-la laa moribie-la aŋ nyɩɛ wɩaa arɩ Wɩɩsʋllɩ sɩpaalaaraa kʋhɩasɩŋ fa sɩ dagɛba ŋɩɩ. Wɩɩ-la Juu tɩŋŋaa fa sɩ nyɩa teeli leriŋ kala a kaa kɔ arɩ jɩnɩŋ.
Yesu kɛŋ ʋ tɩtɩa kʋ dagɛ ʋ harɩ-tooroo
Maak 16.14-18; Luuk 24.36-49; Jɔɔŋ 20.19-23; Yesu nanz. 1.6-8
16Ŋɩɩ nɛ Yesu harɩ-tooroo fii arɩ kʋbala-la mʋ Galilii tinteeŋ a jɩl peel-la nyuŋ, arɩ Yesu fa sɩ bʋl ŋɩɩ pɩba. 17Ŋɩɩ nɛ ba naʋ nɩmɛ a chʋɔlʋ, ama dɔnsʋŋ bɩ laa dii. 18Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ. 19Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ. 20Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”
Currently Selected:
Matiu 28: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 28
28
Yesu sii sʋʋŋ lɛ
Maak 16.1-10; Luuk 24.1-12; Jɔɔŋ 20.1-10
1Ba chɛ-wiesii-la chɛɛŋ sɩ dɛrɛ, Lahadi chɛɛŋ sɩɩpʋʋraa, Mɛɛrɩ Magɩdalɩŋ arɩ Mɛɛrɩ-la dɔŋɔ mʋ bʋa-la niiŋ dɩ ba na lee-la ba sɩ hugi Yesu. 2Ba sɩ yi lee-la, leriŋ guu faasa zigili, Wɩa tɩndaara lɩɩ wɩa-nyuŋ kʋ tuu a bilimi tabɩɩ-la fa sɩ tɔ bʋa-la ta aŋ hɔŋ ʋ nyuŋ. 3Ʋ sɩaa nagɛ duonuŋ sɩ lɩgɩsa nɛ, aŋ ka ʋ gɛnnɩŋ pʋllɛ kpʋl kpʋl. 4Laalɩyuoro-la fa sɩ pɔ bʋa-la, fawʋllʋŋ kɛmba, ba chel a kpaŋa chɩŋ a nagɛ ba sʋba. 5Ŋɩɩ nɛ Wɩa tɩndaarʋ-la bʋla pɩ haala-la sɩ hɛ nɩmɛ, “Má sɩ́ fawʋllʋŋ fá. Mɩ jɩma arɩ Yesu nɛ maa chɛ, nɩɩ-la ba sɩ kpaasa mɛrɛ daagɛsɛ nyuŋ. 6Ʋ tuo daha, ʋ sie nɛ arɩ ʋ fa sɩ bʋl ŋɩɩ pɩma. Má kʋ na lee-la ba fa sɩ hugu. 7Má mʋ lɩma lɩma a bʋla pɩ ʋ harɩ-tooroo arɩ ʋ sii sʋʋŋ lɛ nɛ. Má bee na, ʋ laa ma sɩpaaŋ a mʋ Galilii nɛ. Dɩ ma nɛ mʋ nɩmɛ, ma jaŋ naʋ. Ma laa wɩɩ-la mɩ sɩ bʋla pɩma dii.” 8Ŋɩɩ nɛ ba lɩɩ vaaŋ-la leriŋ aa tuosi. Fawʋllʋŋ fa kɛmba nɛ, ama ba tʋɔŋ ma tɔrɛ. Ba fá mʋ dɩ ba bʋla pɩ Yesu harɩ-tooroo wɩɩ-la sɩ ŋaa. 9Ŋɩɩ nɛ Yesu guu chemba a bʋla pɩba, “Ma jaŋ hɔŋ arɩ yarɩfɩɛlaa.” Ba mʋ ʋ teeŋ a kɛŋ ʋ naaŋ lɛ a chʋɔlʋ. 10Ŋɩɩ nɛ Yesu bʋla pɩba, “Má sɩ́ leŋe dɩ fawʋllʋŋ kɛmma. Má mʋ bʋla pɩ mɩ harɩ-tooroo dɩ ba mʋ Galilii, ba jaŋ namɛ nɩmɛ.”
Nɩalɩŋ sɩ pɔ vaaŋ-la nyɩɛ wɩaa a tɩgɛ Yesu lɛ
11Haala-la sɩ mɩɩra viiri, laalɩyuoro-la fa sɩ pɔ bʋa-la dɔnsʋŋ mɩɩra mʋ taŋ tʋɔŋ a bʋla pɩ Wɩɩsʋllɩ sɩpaalaaraa kʋhɩasɩŋ wɩɩ-la sɩ ŋaa. 12Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ hɔŋ a vʋʋrɛ wɩɩ-la ba sɩ jaŋ ŋaa. Ba vʋʋra dɩ ba jaŋ joŋ moribii-daŋ a kpal laalɩyuoro-la fa sɩ pɔ bʋa-la aŋ bʋla pɩba, 13“Má bʋla pɩ nɩaa arɩ ma pɩŋ doŋ nɛ, aŋ ka ʋ harɩ-tooroo kʋ gaa a kuusu. 14Dɩ nɩɩ-la sɩ hɔŋ kuoru-balɩŋ nyuŋ nɛ nɩɩ wɩɩŋ deeŋ, la jaŋ bʋla pɛ ma lɛ arɩ ma bɩ wɩɩ cheye. Wɩɩkala bɩ jaŋ walɩmɛma.” 15Ŋɩɩ nɛ laalɩyuoro-la fa sɩ pɔ vaaŋ-la laa moribie-la aŋ nyɩɛ wɩaa arɩ Wɩɩsʋllɩ sɩpaalaaraa kʋhɩasɩŋ fa sɩ dagɛba ŋɩɩ. Wɩɩ-la Juu tɩŋŋaa fa sɩ nyɩa teeli leriŋ kala a kaa kɔ arɩ jɩnɩŋ.
Yesu kɛŋ ʋ tɩtɩa kʋ dagɛ ʋ harɩ-tooroo
Maak 16.14-18; Luuk 24.36-49; Jɔɔŋ 20.19-23; Yesu nanz. 1.6-8
16Ŋɩɩ nɛ Yesu harɩ-tooroo fii arɩ kʋbala-la mʋ Galilii tinteeŋ a jɩl peel-la nyuŋ, arɩ Yesu fa sɩ bʋl ŋɩɩ pɩba. 17Ŋɩɩ nɛ ba naʋ nɩmɛ a chʋɔlʋ, ama dɔnsʋŋ bɩ laa dii. 18Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ. 19Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ. 20Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014