Matiu 9
9
Yesu vaarɛ gbɛrɩgɛ
Maak 2.1-12; Luuk 5.17-26
1Ŋɩɩ nɛ Yesu sii jʋʋ lɩɩŋ daboro a mɩɩra chol a mʋ ʋ jaŋ, 2dɩ nɩaa chʋŋ gbɛrɩgʋ kʋbala sɩ pɩŋ ʋ bɔsɔ nyuŋ a kaa kɔ Yesu teeŋ. Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Sɩ́ fawʋllʋŋ fá mɩ bii, mɩ joŋ ŋ wʋbɔŋŋɔɔ chɛŋ nɛ.” 3Ŋɩɩ nɛ Wɩa teniŋ kerichiba-la dɔnsʋŋ pɩpɩɛsɛ dɔŋɔ, “Baala deeŋ tʋʋsɛ Wɩa joŋŋoo nɛ.” 4Ama Yesu jɩŋ wɩɩ-la ba fa sɩɩ bɩɩnʋ a pɩɛsɛba, “Bɛɛ nɛ tɩɩ maa bɩɩnɛ wʋbɔmʋŋ deeŋ? 5Mɩ sɩ sɩ mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii a chuoli ʋ bɔsɔ a viiri nɛ ŋaa mɔlɩɩ? 6Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la, “Sii a joŋ ŋ bɔsɔ a mʋ dɩa.” 7Baal-la guu duori a sii a mʋ dɩa. 8Nɩ-daŋ-la sɩ na ŋɩɩ, fawʋllʋŋ kɛmba. Ba dɛnnɛ Wɩa arɩ ʋ sɩ wuo joŋ doluŋ ŋɩɩ a pɩ nuhuobiinee.
Yesu yɩrɛ Matiu
Maak 2.13-17; Luuk 5.27-32
9Yesu sɩ lɩɩ lee-la aa vɛŋ, ʋ na lampoo laarʋ kʋbala baa yɩrɛ Matiu. Ʋ fa hɔŋ ʋ tɩntɩnnɩ-dɩa lɛ nɛ. Ŋɩɩ nɛ Yesu yɩrʋ a bʋla pʋ, “Sii to mɩ harɩŋ.” Ʋ sii a to ʋ harɩŋ.
10Ŋɩɩ nɛ Yesu jʋʋ Matiu dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laaraa sɩ yʋga arɩ wʋbɔŋ ŋaaraa ma kɔ, ba kala didii kɩalɩŋ. 11Farisii tɩŋŋaa dɔnsʋŋ naba a pɩɛsɛ Yesu harɩ-tooroo, “Bɛɛ nɛ tɩɩ ma kʋhɩaŋ arɩ lampoo laaraa arɩ wʋbɔŋ ŋaaraa kala hɔnɔ didii kɩaa?” 12Yesu nɩɩ wɩɩ-la ba sɩ bʋla a mɩɩra bʋla pɩba, “Nɩalɩŋ sɩ kɛŋ yarɩfɩɛlaa, ba bɩ daaluŋ-ŋaara ka chɛ, see nɩalɩŋ sɩɩ wɩɩlʋ. 13Má mʋ a beŋ Wɩa teniŋ tʋɔŋ a na wɩɩ-la ba sɩ ŋmʋnsa bʋbʋɔŋ. Ba ŋmʋnsa arɩ Wɩa sɩ,
‘Mɩ cho dɩ ma fɩfá nɩaa nenige nɛ a kɩɩ ma sɩ kpʋ pʋsʋŋ pɩpɩmɛ.’
Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ, nɩalɩŋ sɩ kɛŋ tʋɔpʋla mɩ sɩpaaŋ dee.”
Yesu dagɛ niiŋ vɔbʋŋ wɩaa
Maak 2.18-22; Luuk 5.33-39
14Ŋɩɩ nɛ Jɔɔŋ Wɩa lɩɩ-fooru-la harɩ-tooroo kɔ Yesu teeŋ a pɩɛsʋ, “Bɛɛ nɛ tɩɩ la dɩ Farisii tɩŋŋaa vʋvɔɔ niiŋ aŋ ka ŋ harɩ-tooroo-na bɩ niiŋ vɔɔ?” 15Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”
16Ŋɩɩ nɛ ʋ bɩra magɛ namaga a pɩba a bʋl, “Nʋʋkala bɩ jaŋ joŋ gɛrɩpɛ-falɩŋ a kaa tɔ gɛrɩ-bɩnɩŋ. Ŋ nɛ ŋaa ŋɩɩ, ŋ jaŋ chei gɛrɩ-falɩɩ-la. 17Ŋɩɩ tɩtɩa nɛ nʋʋ ma bɩ jaŋ joŋ sɩ-huoŋ a hɛ pupo-kpaaŋ lɛ. Ŋ nɛ ŋaa ŋɩɩ, pupoi-la jaŋ yɛrɛ, dɩ sɩŋ-la kala bɩsa ta. Sɩ-huoŋ maga dɩ ŋ joŋo hɛ pupoi-zɔmʋŋ lɛ nɛ, dɩ sɩŋ-la arɩ pupoi-la kala zɔŋ.”
Yesu chɩsɛ Juu tɩŋŋaa kʋhɩaŋ tolo sʋʋŋ lɛ aŋ pɛ vaarɛ haal kʋbala
Maak 5.21-43; Luuk 8.40-56
18Yesu fa sɩɩ bʋl wɩaa ŋɩɩ, Juu tɩŋŋaa kʋhɩaŋ kʋbala kɔ ʋ teeŋ a tuu kpirimi ʋ sɩpaaŋ aŋ bʋla pʋ, “Mɩ tolo nɛ yie sʋʋ lɛɛlɛ, ama kʋ joŋ ŋ nɩsɩŋ daŋ ʋ lɛ, ʋ jaŋ sii.” 19Ŋɩɩ nɛ Yesu to ʋ harɩŋ, ʋ dɩ ʋ harɩ-tooroo kala. 20Ba sɩɩ mʋ ŋɩɩ, dɩ haal kʋbala ma hɛ nɩmɛ. Ʋ fa kɛŋ tɩŋa jɩsɩŋ fii arɩ balɩa nɛ, ka ʋ pɔ ʋ bɩ dɛrɛ. Ŋɩɩ nɛ ʋ kɔ a bal Yesu harɩŋ a digi ʋ gɛrɩŋ niipiniŋ lɛ 21aŋ bʋl ʋ tɩtɩa lɛ, “Dɩ mɩ nɛ digi ʋ gɛrɩŋ ma, mɩ jaŋ duori.” 22Ŋɩɩ nɛ Yesu mɩɩra daasɛ a naʋ a bʋla pʋ, “Mɩ tolo, sɩ́ fawʋllʋŋ fá, ŋ sɩ laa Wɩa dii nɛ tɩɩ ŋ duori.” Haal-la guu duori bʋa-la tɩtɩa lɛ.
23Ŋɩɩ nɛ Yesu jʋʋ Juu tɩŋŋaa kʋhɩaŋ-la dɩa. Ʋ jʋa dɩ yoho-la ŋmʋl ŋmʋʋraa arɩ nɩ-daŋ chɩna aa yel. 24Ŋɩɩ nɛ Yesu bʋla pɩba, “Nʋʋkala lɩɩ, tolo-la bɩ sʋba, ʋ ta pɩŋ doŋ nɛ.” Ŋɩɩ nɛ ba kala mʋmɔmʋ. 25Ama ba sɩ kiri nɩalɩŋ kala ba lɩɩ, Yesu mʋ jʋʋ tolo-la dɩa a kɛŋ ʋ nɩsɩŋ lɛ, ʋ sii. 26Wɩɩŋ deeŋ Yesu sɩ ŋaa teeli tintee-la kala.
Yesu vaarɛ nyʋlɩmaa balɩa
27Yesu sɩ lɩɩ Juu tɩŋŋaa kʋhɩaŋ-la dɩa-la lɛ a mʋmʋ, ŋɩɩ nɛ nyʋlɩmaa balɩa sii a tuto ʋ harɩŋ aŋ faasa yɩrɛ a bʋla pʋ, “Yesu, Devit nihiŋ, fá la nenige.” 28Yesu sɩ mʋ dɩa, nyʋlɩma-la balɩa ma to ʋ harɩŋ jʋʋ dɩa-la. Ŋɩɩ nɛ ʋ pɩɛsɛba, “Ma laa dii arɩ mɩ jaŋ wuo ŋaa dɩ ma duorii?” Ba bʋl, “Oo, La Tɩɩna, la laa dii nɛ.” 29Ŋɩɩ nɛ Yesu digi ba sɩaa lɛ aŋ bʋl, “Ma sɩ laa dii arɩ ŋɩɩ jaŋ ŋaa, mɩ jaŋ leŋ dɩ ʋ ŋaa.” 30Ŋɩɩ nɛ ba sɩaa suri, ka Yesu bʋla pɩba arɩ sɩɩfɩɛsɩŋ, “Má sɩ́ wɩɩŋ deeŋ bʋla pɩ nʋʋkala.” 31Ama ba lɩɩ a bʋl wɩɩ-la Yesu sɩ ŋaa a teeli leriŋ kala.
Yesu vaarɛ taŋɩŋ
32Nyʋlɩma-la balɩa sɩ lɩɩ dɩa-la lɛ Yesu fa sɩ hɛ, nɩaa kɛŋ baal kʋbala jɩŋ-bɔŋŋɔɔ sɩ kɛnɛ, ʋ bɩ wɩaa wuo bʋl kɔ ʋ teeŋ. 33Ŋɩɩ nɛ Yesu kiri jɩma-la baal-la lɛ, baal-la suomo bʋbʋl wɩaa. Ʋ ŋaa nʋʋkala wʋkpuŋkpere. Ŋɩɩ nɛ ba bʋl dɩ ba ha bɩ wɩɩŋ deeŋ doho na Iziral lɛ. 34Ama Farisii tɩŋŋaa bʋl arɩ jɩnsɩŋ kuoro nɛ pʋ doluŋ dɩ ʋ kikiri jɩŋ-bɔŋŋɔɔ ŋɩɩ.
Yesu fá nɩaa nenige
35Ŋɩɩ nɛ Yesu sii gɔllɛ tabalaa arɩ tabiisiŋ kala a dagɛ nɩaa Wɩɩchʋɔlɛ dɩɩsɩŋ lɛ a bʋl Wɩa wʋzɔmɔ-la a tɩgɛ Wɩa kuorii-la lɛ aŋ pɛ vaarɛ nɩaa nyanyal dosunuŋ. 36Ʋ fa sɩ na nɩ-daŋ-la, nenige kala kɛnʋ. Ʋ na dɩ wɩaa nɛ faa walɩmɛba. Ba bɩ ba tɩtɩa lɛ wuo pɛ, a nagɛ piesee sɩ bɩ pie-daara kɛnɛ. 37Ŋɩɩ nɛ ʋ bʋla pɩ ʋ harɩ-tooroo, “Baga kɩaa yʋga nɛ a magɛ dɩ ba ŋaa, ama tɩntɩnnaa bɩ yʋgɛ. 38Má sʋl baga-la tɩɩna dɩ ʋ chɛ tɩntɩnnaa yʋgɛ.”
Currently Selected:
Matiu 9: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 9
9
Yesu vaarɛ gbɛrɩgɛ
Maak 2.1-12; Luuk 5.17-26
1Ŋɩɩ nɛ Yesu sii jʋʋ lɩɩŋ daboro a mɩɩra chol a mʋ ʋ jaŋ, 2dɩ nɩaa chʋŋ gbɛrɩgʋ kʋbala sɩ pɩŋ ʋ bɔsɔ nyuŋ a kaa kɔ Yesu teeŋ. Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Sɩ́ fawʋllʋŋ fá mɩ bii, mɩ joŋ ŋ wʋbɔŋŋɔɔ chɛŋ nɛ.” 3Ŋɩɩ nɛ Wɩa teniŋ kerichiba-la dɔnsʋŋ pɩpɩɛsɛ dɔŋɔ, “Baala deeŋ tʋʋsɛ Wɩa joŋŋoo nɛ.” 4Ama Yesu jɩŋ wɩɩ-la ba fa sɩɩ bɩɩnʋ a pɩɛsɛba, “Bɛɛ nɛ tɩɩ maa bɩɩnɛ wʋbɔmʋŋ deeŋ? 5Mɩ sɩ sɩ mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii a chuoli ʋ bɔsɔ a viiri nɛ ŋaa mɔlɩɩ? 6Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la, “Sii a joŋ ŋ bɔsɔ a mʋ dɩa.” 7Baal-la guu duori a sii a mʋ dɩa. 8Nɩ-daŋ-la sɩ na ŋɩɩ, fawʋllʋŋ kɛmba. Ba dɛnnɛ Wɩa arɩ ʋ sɩ wuo joŋ doluŋ ŋɩɩ a pɩ nuhuobiinee.
Yesu yɩrɛ Matiu
Maak 2.13-17; Luuk 5.27-32
9Yesu sɩ lɩɩ lee-la aa vɛŋ, ʋ na lampoo laarʋ kʋbala baa yɩrɛ Matiu. Ʋ fa hɔŋ ʋ tɩntɩnnɩ-dɩa lɛ nɛ. Ŋɩɩ nɛ Yesu yɩrʋ a bʋla pʋ, “Sii to mɩ harɩŋ.” Ʋ sii a to ʋ harɩŋ.
10Ŋɩɩ nɛ Yesu jʋʋ Matiu dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laaraa sɩ yʋga arɩ wʋbɔŋ ŋaaraa ma kɔ, ba kala didii kɩalɩŋ. 11Farisii tɩŋŋaa dɔnsʋŋ naba a pɩɛsɛ Yesu harɩ-tooroo, “Bɛɛ nɛ tɩɩ ma kʋhɩaŋ arɩ lampoo laaraa arɩ wʋbɔŋ ŋaaraa kala hɔnɔ didii kɩaa?” 12Yesu nɩɩ wɩɩ-la ba sɩ bʋla a mɩɩra bʋla pɩba, “Nɩalɩŋ sɩ kɛŋ yarɩfɩɛlaa, ba bɩ daaluŋ-ŋaara ka chɛ, see nɩalɩŋ sɩɩ wɩɩlʋ. 13Má mʋ a beŋ Wɩa teniŋ tʋɔŋ a na wɩɩ-la ba sɩ ŋmʋnsa bʋbʋɔŋ. Ba ŋmʋnsa arɩ Wɩa sɩ,
‘Mɩ cho dɩ ma fɩfá nɩaa nenige nɛ a kɩɩ ma sɩ kpʋ pʋsʋŋ pɩpɩmɛ.’
Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ, nɩalɩŋ sɩ kɛŋ tʋɔpʋla mɩ sɩpaaŋ dee.”
Yesu dagɛ niiŋ vɔbʋŋ wɩaa
Maak 2.18-22; Luuk 5.33-39
14Ŋɩɩ nɛ Jɔɔŋ Wɩa lɩɩ-fooru-la harɩ-tooroo kɔ Yesu teeŋ a pɩɛsʋ, “Bɛɛ nɛ tɩɩ la dɩ Farisii tɩŋŋaa vʋvɔɔ niiŋ aŋ ka ŋ harɩ-tooroo-na bɩ niiŋ vɔɔ?” 15Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”
16Ŋɩɩ nɛ ʋ bɩra magɛ namaga a pɩba a bʋl, “Nʋʋkala bɩ jaŋ joŋ gɛrɩpɛ-falɩŋ a kaa tɔ gɛrɩ-bɩnɩŋ. Ŋ nɛ ŋaa ŋɩɩ, ŋ jaŋ chei gɛrɩ-falɩɩ-la. 17Ŋɩɩ tɩtɩa nɛ nʋʋ ma bɩ jaŋ joŋ sɩ-huoŋ a hɛ pupo-kpaaŋ lɛ. Ŋ nɛ ŋaa ŋɩɩ, pupoi-la jaŋ yɛrɛ, dɩ sɩŋ-la kala bɩsa ta. Sɩ-huoŋ maga dɩ ŋ joŋo hɛ pupoi-zɔmʋŋ lɛ nɛ, dɩ sɩŋ-la arɩ pupoi-la kala zɔŋ.”
Yesu chɩsɛ Juu tɩŋŋaa kʋhɩaŋ tolo sʋʋŋ lɛ aŋ pɛ vaarɛ haal kʋbala
Maak 5.21-43; Luuk 8.40-56
18Yesu fa sɩɩ bʋl wɩaa ŋɩɩ, Juu tɩŋŋaa kʋhɩaŋ kʋbala kɔ ʋ teeŋ a tuu kpirimi ʋ sɩpaaŋ aŋ bʋla pʋ, “Mɩ tolo nɛ yie sʋʋ lɛɛlɛ, ama kʋ joŋ ŋ nɩsɩŋ daŋ ʋ lɛ, ʋ jaŋ sii.” 19Ŋɩɩ nɛ Yesu to ʋ harɩŋ, ʋ dɩ ʋ harɩ-tooroo kala. 20Ba sɩɩ mʋ ŋɩɩ, dɩ haal kʋbala ma hɛ nɩmɛ. Ʋ fa kɛŋ tɩŋa jɩsɩŋ fii arɩ balɩa nɛ, ka ʋ pɔ ʋ bɩ dɛrɛ. Ŋɩɩ nɛ ʋ kɔ a bal Yesu harɩŋ a digi ʋ gɛrɩŋ niipiniŋ lɛ 21aŋ bʋl ʋ tɩtɩa lɛ, “Dɩ mɩ nɛ digi ʋ gɛrɩŋ ma, mɩ jaŋ duori.” 22Ŋɩɩ nɛ Yesu mɩɩra daasɛ a naʋ a bʋla pʋ, “Mɩ tolo, sɩ́ fawʋllʋŋ fá, ŋ sɩ laa Wɩa dii nɛ tɩɩ ŋ duori.” Haal-la guu duori bʋa-la tɩtɩa lɛ.
23Ŋɩɩ nɛ Yesu jʋʋ Juu tɩŋŋaa kʋhɩaŋ-la dɩa. Ʋ jʋa dɩ yoho-la ŋmʋl ŋmʋʋraa arɩ nɩ-daŋ chɩna aa yel. 24Ŋɩɩ nɛ Yesu bʋla pɩba, “Nʋʋkala lɩɩ, tolo-la bɩ sʋba, ʋ ta pɩŋ doŋ nɛ.” Ŋɩɩ nɛ ba kala mʋmɔmʋ. 25Ama ba sɩ kiri nɩalɩŋ kala ba lɩɩ, Yesu mʋ jʋʋ tolo-la dɩa a kɛŋ ʋ nɩsɩŋ lɛ, ʋ sii. 26Wɩɩŋ deeŋ Yesu sɩ ŋaa teeli tintee-la kala.
Yesu vaarɛ nyʋlɩmaa balɩa
27Yesu sɩ lɩɩ Juu tɩŋŋaa kʋhɩaŋ-la dɩa-la lɛ a mʋmʋ, ŋɩɩ nɛ nyʋlɩmaa balɩa sii a tuto ʋ harɩŋ aŋ faasa yɩrɛ a bʋla pʋ, “Yesu, Devit nihiŋ, fá la nenige.” 28Yesu sɩ mʋ dɩa, nyʋlɩma-la balɩa ma to ʋ harɩŋ jʋʋ dɩa-la. Ŋɩɩ nɛ ʋ pɩɛsɛba, “Ma laa dii arɩ mɩ jaŋ wuo ŋaa dɩ ma duorii?” Ba bʋl, “Oo, La Tɩɩna, la laa dii nɛ.” 29Ŋɩɩ nɛ Yesu digi ba sɩaa lɛ aŋ bʋl, “Ma sɩ laa dii arɩ ŋɩɩ jaŋ ŋaa, mɩ jaŋ leŋ dɩ ʋ ŋaa.” 30Ŋɩɩ nɛ ba sɩaa suri, ka Yesu bʋla pɩba arɩ sɩɩfɩɛsɩŋ, “Má sɩ́ wɩɩŋ deeŋ bʋla pɩ nʋʋkala.” 31Ama ba lɩɩ a bʋl wɩɩ-la Yesu sɩ ŋaa a teeli leriŋ kala.
Yesu vaarɛ taŋɩŋ
32Nyʋlɩma-la balɩa sɩ lɩɩ dɩa-la lɛ Yesu fa sɩ hɛ, nɩaa kɛŋ baal kʋbala jɩŋ-bɔŋŋɔɔ sɩ kɛnɛ, ʋ bɩ wɩaa wuo bʋl kɔ ʋ teeŋ. 33Ŋɩɩ nɛ Yesu kiri jɩma-la baal-la lɛ, baal-la suomo bʋbʋl wɩaa. Ʋ ŋaa nʋʋkala wʋkpuŋkpere. Ŋɩɩ nɛ ba bʋl dɩ ba ha bɩ wɩɩŋ deeŋ doho na Iziral lɛ. 34Ama Farisii tɩŋŋaa bʋl arɩ jɩnsɩŋ kuoro nɛ pʋ doluŋ dɩ ʋ kikiri jɩŋ-bɔŋŋɔɔ ŋɩɩ.
Yesu fá nɩaa nenige
35Ŋɩɩ nɛ Yesu sii gɔllɛ tabalaa arɩ tabiisiŋ kala a dagɛ nɩaa Wɩɩchʋɔlɛ dɩɩsɩŋ lɛ a bʋl Wɩa wʋzɔmɔ-la a tɩgɛ Wɩa kuorii-la lɛ aŋ pɛ vaarɛ nɩaa nyanyal dosunuŋ. 36Ʋ fa sɩ na nɩ-daŋ-la, nenige kala kɛnʋ. Ʋ na dɩ wɩaa nɛ faa walɩmɛba. Ba bɩ ba tɩtɩa lɛ wuo pɛ, a nagɛ piesee sɩ bɩ pie-daara kɛnɛ. 37Ŋɩɩ nɛ ʋ bʋla pɩ ʋ harɩ-tooroo, “Baga kɩaa yʋga nɛ a magɛ dɩ ba ŋaa, ama tɩntɩnnaa bɩ yʋgɛ. 38Má sʋl baga-la tɩɩna dɩ ʋ chɛ tɩntɩnnaa yʋgɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014