Matiu 7
7
Yesu sɩ dɩ la sɩ́ la dɔnsʋŋ tɩŋŋaa wɩaa laa jɩŋ
Luuk 6.37-38, 41-42
1Má sɩ́ ma dɔnsʋŋ tɩŋŋaa wɩaa laa jɩŋ. Dɩ ma nɛ ŋaa ŋɩɩ, Wɩa ma jaŋ joŋ cheeriŋ pɩma. 2Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.
3Ɛɛ nɛ ŋ jaŋ wuo na daa-bie sɩ tel ŋ naambie sɩɩŋ lɛ aŋ bɩ daa-bal-la sɩ tel ŋ tɩtɩa sɩɩŋ lɛ ka na? 4Ɛɛ nɛ ŋ jaŋ wuo bʋla pɩ ŋ naambie arɩ ʋ leŋ dɩ ŋ lɩɩsɛ daa-bie-la sɩ hɛ ʋ sɩɩŋ lɛ, aŋ bɩ daa-bal-la sɩ hɛ ŋ tɩtɩa sɩɩŋ lɛ ka na? 5Ŋ-na kanfugi tɩɩna, laa sɩpaaŋ lɩɩsɛ daa-bal-la sɩ hɛ ŋ tɩtɩa sɩɩŋ lɛ, ka ŋ sɩaa wuo na, ŋɩɩ nɛ ŋ jaŋ wuo pɛ ŋ naambie lɛ a lɩɩsɛ daa-bie-la sɩ hɛ ʋ sɩɩŋ lɛ.
6Má sɩ́ Wɩa kɩaa joŋo pɩ nuhuobiiŋ-vasɩŋ, a sɩ́ ma kʋzɔŋŋɔɔ joŋo bil nuhuobiiŋ-toonuŋ sɩpaaŋ. Dɩ ma nɛ ŋaa ŋɩɩ, ba jaŋ nʋɔsɛba arɩ naasɩŋ aŋ to ma harɩŋ a dɩmma.
Má chɛ kɩaa, ma jaŋ na
Luuk 11.9-13
7Má sʋl kɩaa, ma jaŋ laa, má chɛ kɩaa, ma jaŋ na. Má du boro, ba jaŋ kaa suro pɩma. 8Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la sɩɩ chɛ kɩaa, ʋ yie na nɛ. Nɩɩ-la ma sɩ du boro, ba yie kaa suro pʋ nɛ. 9Ma kʋbɛɛ bie nɛ jaŋ pɩɛsa chɩchɛ boroboro, dɩ ŋ joŋ tabɩɩŋ pʋ? 10Koo dɩ ʋ nɛ pɩɛsa chɩchɛ chenfiliŋ, ŋ jaŋ joŋ dɩmɩŋ a pʋʋ? 11Dɩ ma nɛ bɔmɔ aŋ jɩŋ kʋzɔŋŋɔɔ joŋo pɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ, a kɛŋ kʋzɔŋŋɔɔ bɩ jaŋ joŋo pɩ nɩalɩŋ sɩ sʋla chɩchɛ? 12Wɩalɩŋ ma sɩ cho dɩ nɩaa joŋo ŋɩŋaa ma lɛ, má ma joŋ ŋɩɩ ŋɩŋaa ba lɛ. Wɩalɩŋ Mosis fa sɩ ŋmʋnsa bil dɩ nɩaa tuto arɩ Wɩa wʋlaabʋllaa wʋdagaa wʋnyuŋ nɛ wɩɩŋ deeŋ.”
Má to boi-bie a mʋ Wɩa-jaŋ
Luuk 13.24
13Yesu bɩra bʋl, “Má to boi-bie a mʋ Wɩa-jaŋ. Boi-la ba sɩ to a mʋmʋ Wɩa nyiniŋ, ʋ jalɩa nɛ, wombii-la ma vɛnɩŋ bɩ hɛɩ. Nɩaa yʋga nɛ a tuto wombii-la. 14Ama Wɩa-jaŋ boiŋ niiŋ muuro nɛ, wombii-la ma sɩɩ mʋ nɩmɛ, ʋ vɛnɩŋ hɛyɛ. Nɩaa baŋmɛnɛ dʋndʋŋ nɛ yie wuo na wombii-la a to.
Yesu bʋl wɩaa a tɩgɛ wʋnyɩɛrɩ Wɩa wʋlaabʋllaa lɛ
Luuk 6.43-44
15Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ. 16Ma jaŋ to ba wʋŋaalaa lɛ nɛ a jɩmba. Sɔjaamɩŋ bɩ chɩchʋɛŋ ka nɛŋ, sɔ-gbuŋgbeŋe ma bɩ tutogi nambɩlaa ka nɛŋ. 17Tɩa-la kala sɩ kɛŋ yarɩfɩɛlaa, ʋʋ nɛŋ nɛŋ-zɔŋŋɔɔ nɛ, ama tɩa-la sɩ bɩ yarɩfɩɛlaa kɛnɛ nɩɩ nɛŋ nɛŋ-lɔrʋnʋŋ. 18Tɩa-la sɩ kɛŋ yarɩfɩɛlaa bɩ nɛŋ-lɔrʋnʋŋ wuo nɛŋ, tɩa-la sɩ bɩ yarɩfɩɛlaa kɛnɛ ma bɩ nɛŋ-zɔŋŋɔɔ wuo nɛŋ. 19Tɩa kala sɩ bɩ nɛŋ-zɔŋŋɔɔ ka nɛŋ, ba jaŋ kere ta a joŋo yuo hɛ nyiniŋ tʋɔŋ. 20Ŋɩɩ lɛ nɛ ma jaŋ to a jɩŋ wʋnyɩɛrɩ Wɩa wʋlaabʋllaa.
Nʋʋkala dee bɩ jaŋ jʋʋ Wɩa kuorii-la tʋɔŋ
Luuk 13.25-27
21Nʋʋkala sɩ yɩrɛmɛ, ‘mɩ Tɩɩna, mɩ Tɩɩna,’ dee bɩ jaŋ jʋʋ Wɩa kuorii-la tʋɔŋ, see nɩalɩŋ sɩɩ ŋaa wɩalɩŋ mɩ Nyɩmma sɩ hɛ Wɩa-jaŋ sɩ daga. 22Dɩ Wɩa sarɩya chɛ-diiliŋ nɛ yie, nɩaa jaŋ yʋgɛ a bʋl, ‘La Tɩɩna, La Tɩɩna, la bʋl Wɩa wɩaa a pɩ nɩaa ŋ yɩrɩŋ lɛ aŋ kiri jɩnsɩŋ ma nɩaa lɛ ŋ yɩrɩŋ lɛ, a ŋaa wʋmagɩlaa ma yʋgɛ ŋ yɩrɩŋ lɛ.’ 23Ama mɩ jaŋ bʋla pɩba: Mɩ paala bɩ ma jɩŋ. Ma wʋbɔŋ ŋɩŋaaraa, má sʋrɩsa lɩɩ mɩ teeŋ.”
Yesu magɛ namaga a tɩgɛ dɩɩ-saaraa balɩa lɛ
Luuk 6.47-49
24Yesu bɩra sɩ, “Nɩɩ-la kala sɩ kɔ mɩ teeŋ a jegile nɩɩ mɩ niiŋ wɩaa deemba mɩ sɩ bʋla pɩma a tutoba, mɩ jaŋ dagɛma ŋɩɩ ʋ sɩ naga. Ʋ nagɛ wʋjɩnna sɩ saa ʋ dɩa nɛ. Ʋ saaʋ kpagɩnyɩlɩŋ nyuŋ nɛ. 25Ŋɩɩ nɛ duonuŋ nɩɩ. Lɩɩŋ su leriŋ kala, peliŋ ma lu a ŋmoo lɩɩ-la a yagɛ dɩa-la, ka dɩa-la bɩ tele, bɛɛ wɩaa ba bil ʋ gentine woruŋ nɛ a saaʋ kpagɩnyɩlɩŋ nyuŋ. 26Ama nɩɩ-la kala sɩ jegile nɩɩ mɩ niiŋ wɩaa deemba mɩ sɩ bʋla pɩma aŋ bɩ ba to, ʋ nagɛ nɩyaarɩ-la sɩ saa ʋ dɩa hagɩlɩ-bumbugulo tʋɔŋ nɛ. 27Ŋɩɩ nɛ duonuŋ nɩɩ, lɩɩŋ su leriŋ kala, peliŋ ma lu a ŋmoo lɩɩ-la yagɛ dɩa-la, dɩa-la kala tel wuru.”
28Yesu sɩ bʋl wɩaa deemba dɛrɛ, ba ŋaa nɩ-daŋ-la kala wʋkpuŋkpere. 29Ʋ bɩ ba daga a nagɛ ba Wɩa teniŋ kerichiba sɩɩ dagɛba ŋɩɩ. Ʋ-na kɛŋ wɩɩ-la doluŋ nɛ a dagɛba.
Currently Selected:
Matiu 7: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 7
7
Yesu sɩ dɩ la sɩ́ la dɔnsʋŋ tɩŋŋaa wɩaa laa jɩŋ
Luuk 6.37-38, 41-42
1Má sɩ́ ma dɔnsʋŋ tɩŋŋaa wɩaa laa jɩŋ. Dɩ ma nɛ ŋaa ŋɩɩ, Wɩa ma jaŋ joŋ cheeriŋ pɩma. 2Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.
3Ɛɛ nɛ ŋ jaŋ wuo na daa-bie sɩ tel ŋ naambie sɩɩŋ lɛ aŋ bɩ daa-bal-la sɩ tel ŋ tɩtɩa sɩɩŋ lɛ ka na? 4Ɛɛ nɛ ŋ jaŋ wuo bʋla pɩ ŋ naambie arɩ ʋ leŋ dɩ ŋ lɩɩsɛ daa-bie-la sɩ hɛ ʋ sɩɩŋ lɛ, aŋ bɩ daa-bal-la sɩ hɛ ŋ tɩtɩa sɩɩŋ lɛ ka na? 5Ŋ-na kanfugi tɩɩna, laa sɩpaaŋ lɩɩsɛ daa-bal-la sɩ hɛ ŋ tɩtɩa sɩɩŋ lɛ, ka ŋ sɩaa wuo na, ŋɩɩ nɛ ŋ jaŋ wuo pɛ ŋ naambie lɛ a lɩɩsɛ daa-bie-la sɩ hɛ ʋ sɩɩŋ lɛ.
6Má sɩ́ Wɩa kɩaa joŋo pɩ nuhuobiiŋ-vasɩŋ, a sɩ́ ma kʋzɔŋŋɔɔ joŋo bil nuhuobiiŋ-toonuŋ sɩpaaŋ. Dɩ ma nɛ ŋaa ŋɩɩ, ba jaŋ nʋɔsɛba arɩ naasɩŋ aŋ to ma harɩŋ a dɩmma.
Má chɛ kɩaa, ma jaŋ na
Luuk 11.9-13
7Má sʋl kɩaa, ma jaŋ laa, má chɛ kɩaa, ma jaŋ na. Má du boro, ba jaŋ kaa suro pɩma. 8Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la sɩɩ chɛ kɩaa, ʋ yie na nɛ. Nɩɩ-la ma sɩ du boro, ba yie kaa suro pʋ nɛ. 9Ma kʋbɛɛ bie nɛ jaŋ pɩɛsa chɩchɛ boroboro, dɩ ŋ joŋ tabɩɩŋ pʋ? 10Koo dɩ ʋ nɛ pɩɛsa chɩchɛ chenfiliŋ, ŋ jaŋ joŋ dɩmɩŋ a pʋʋ? 11Dɩ ma nɛ bɔmɔ aŋ jɩŋ kʋzɔŋŋɔɔ joŋo pɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ, a kɛŋ kʋzɔŋŋɔɔ bɩ jaŋ joŋo pɩ nɩalɩŋ sɩ sʋla chɩchɛ? 12Wɩalɩŋ ma sɩ cho dɩ nɩaa joŋo ŋɩŋaa ma lɛ, má ma joŋ ŋɩɩ ŋɩŋaa ba lɛ. Wɩalɩŋ Mosis fa sɩ ŋmʋnsa bil dɩ nɩaa tuto arɩ Wɩa wʋlaabʋllaa wʋdagaa wʋnyuŋ nɛ wɩɩŋ deeŋ.”
Má to boi-bie a mʋ Wɩa-jaŋ
Luuk 13.24
13Yesu bɩra bʋl, “Má to boi-bie a mʋ Wɩa-jaŋ. Boi-la ba sɩ to a mʋmʋ Wɩa nyiniŋ, ʋ jalɩa nɛ, wombii-la ma vɛnɩŋ bɩ hɛɩ. Nɩaa yʋga nɛ a tuto wombii-la. 14Ama Wɩa-jaŋ boiŋ niiŋ muuro nɛ, wombii-la ma sɩɩ mʋ nɩmɛ, ʋ vɛnɩŋ hɛyɛ. Nɩaa baŋmɛnɛ dʋndʋŋ nɛ yie wuo na wombii-la a to.
Yesu bʋl wɩaa a tɩgɛ wʋnyɩɛrɩ Wɩa wʋlaabʋllaa lɛ
Luuk 6.43-44
15Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ. 16Ma jaŋ to ba wʋŋaalaa lɛ nɛ a jɩmba. Sɔjaamɩŋ bɩ chɩchʋɛŋ ka nɛŋ, sɔ-gbuŋgbeŋe ma bɩ tutogi nambɩlaa ka nɛŋ. 17Tɩa-la kala sɩ kɛŋ yarɩfɩɛlaa, ʋʋ nɛŋ nɛŋ-zɔŋŋɔɔ nɛ, ama tɩa-la sɩ bɩ yarɩfɩɛlaa kɛnɛ nɩɩ nɛŋ nɛŋ-lɔrʋnʋŋ. 18Tɩa-la sɩ kɛŋ yarɩfɩɛlaa bɩ nɛŋ-lɔrʋnʋŋ wuo nɛŋ, tɩa-la sɩ bɩ yarɩfɩɛlaa kɛnɛ ma bɩ nɛŋ-zɔŋŋɔɔ wuo nɛŋ. 19Tɩa kala sɩ bɩ nɛŋ-zɔŋŋɔɔ ka nɛŋ, ba jaŋ kere ta a joŋo yuo hɛ nyiniŋ tʋɔŋ. 20Ŋɩɩ lɛ nɛ ma jaŋ to a jɩŋ wʋnyɩɛrɩ Wɩa wʋlaabʋllaa.
Nʋʋkala dee bɩ jaŋ jʋʋ Wɩa kuorii-la tʋɔŋ
Luuk 13.25-27
21Nʋʋkala sɩ yɩrɛmɛ, ‘mɩ Tɩɩna, mɩ Tɩɩna,’ dee bɩ jaŋ jʋʋ Wɩa kuorii-la tʋɔŋ, see nɩalɩŋ sɩɩ ŋaa wɩalɩŋ mɩ Nyɩmma sɩ hɛ Wɩa-jaŋ sɩ daga. 22Dɩ Wɩa sarɩya chɛ-diiliŋ nɛ yie, nɩaa jaŋ yʋgɛ a bʋl, ‘La Tɩɩna, La Tɩɩna, la bʋl Wɩa wɩaa a pɩ nɩaa ŋ yɩrɩŋ lɛ aŋ kiri jɩnsɩŋ ma nɩaa lɛ ŋ yɩrɩŋ lɛ, a ŋaa wʋmagɩlaa ma yʋgɛ ŋ yɩrɩŋ lɛ.’ 23Ama mɩ jaŋ bʋla pɩba: Mɩ paala bɩ ma jɩŋ. Ma wʋbɔŋ ŋɩŋaaraa, má sʋrɩsa lɩɩ mɩ teeŋ.”
Yesu magɛ namaga a tɩgɛ dɩɩ-saaraa balɩa lɛ
Luuk 6.47-49
24Yesu bɩra sɩ, “Nɩɩ-la kala sɩ kɔ mɩ teeŋ a jegile nɩɩ mɩ niiŋ wɩaa deemba mɩ sɩ bʋla pɩma a tutoba, mɩ jaŋ dagɛma ŋɩɩ ʋ sɩ naga. Ʋ nagɛ wʋjɩnna sɩ saa ʋ dɩa nɛ. Ʋ saaʋ kpagɩnyɩlɩŋ nyuŋ nɛ. 25Ŋɩɩ nɛ duonuŋ nɩɩ. Lɩɩŋ su leriŋ kala, peliŋ ma lu a ŋmoo lɩɩ-la a yagɛ dɩa-la, ka dɩa-la bɩ tele, bɛɛ wɩaa ba bil ʋ gentine woruŋ nɛ a saaʋ kpagɩnyɩlɩŋ nyuŋ. 26Ama nɩɩ-la kala sɩ jegile nɩɩ mɩ niiŋ wɩaa deemba mɩ sɩ bʋla pɩma aŋ bɩ ba to, ʋ nagɛ nɩyaarɩ-la sɩ saa ʋ dɩa hagɩlɩ-bumbugulo tʋɔŋ nɛ. 27Ŋɩɩ nɛ duonuŋ nɩɩ, lɩɩŋ su leriŋ kala, peliŋ ma lu a ŋmoo lɩɩ-la yagɛ dɩa-la, dɩa-la kala tel wuru.”
28Yesu sɩ bʋl wɩaa deemba dɛrɛ, ba ŋaa nɩ-daŋ-la kala wʋkpuŋkpere. 29Ʋ bɩ ba daga a nagɛ ba Wɩa teniŋ kerichiba sɩɩ dagɛba ŋɩɩ. Ʋ-na kɛŋ wɩɩ-la doluŋ nɛ a dagɛba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014