Matiu 6
6
Yesu dagɛla ŋɩɩ la sɩ jaŋ ŋaa a joŋ kɩaa pɩ nɩaa
1Yesu bɩra dagɛ ʋ harɩ-tooroo a bʋl, “Dɩ ŋ nɩɩ chɛ dɩ ŋ ŋaa wʋzɔŋ a pɩ ŋ dɔŋɔ tɩɩna, sɩ́ wʋzɔŋ-la joŋo ŋaa ʋ lɛ nɩaa tʋɔŋ. Dɩ ŋ nɛ ŋaa ŋɩɩ, ŋ bɩ time kɛnɛ ŋ Nyɩmma sɩ hɛ Wɩa-jaŋ lɛ teeŋ. 2Dɩ ŋ nɛ joŋ kʋŋ pɩ nʋʋ sɩ bɩ kʋŋ kɛnɛ, sɩ́ leŋe dɩ nɩaa jɩŋ. Nɩalɩŋ sɩɩ dagɛ ba tɩtɩa yie ŋaa ŋɩɩ nɛ Wɩɩchʋɔlɛ dɩɩsɩŋ lɛ arɩ womporunuŋ lɛ. Ba ŋaa ŋɩɩ dɩ nɩaa bɛsɛ ba lɛ nɛ. Wʋtɩtɩɩ nɛ mɩ bʋlaa pɩma, ba laa ba time nɛ. 3Dɩ ŋ nɛ joŋ kʋŋ a pɛ nʋʋ sɩ bɩ kʋŋ kɛnɛ lɛ, sɩ́ leŋe dɩ nʋʋkala jɩŋ. 4Leŋ dɩ ʋ ŋaa wʋfaalɩɩ. Dɩ ŋ nɛ ŋaa ŋɩɩ, ŋ Nyɩmma Wɩa jaŋ timiŋ. Ʋ nɩɩ na wɩɩ-la ŋ sɩ ŋaa.”
Yesu dagɛ ŋɩɩ la sɩ jaŋ chʋchʋɔlɛ Wɩa
Luuk 11.2-4
5Ŋɩɩ nɛ Yesu bɩra bʋl, “Dɩ ma nɩɩ chʋɔlɛ Wɩa, ma sɩ́ nɩalɩŋ sɩɩ dagɛ ba tɩtɩa nagʋ. Ba yie cho dɩ ba chɩŋ Wɩɩchʋɔlɛ dɩɩsɩŋ lɛ arɩ wombiee sɛmɛ a chʋchʋɔlɛ Wɩa dɩ nʋʋkala naba. Wʋtɩtɩɩ nɛ mɩ bʋlaa pɩma, ba paala laa ba time nɛ. 6Ama dɩ ma nɩɩ chɛ dɩ ma chʋɔlɛ Wɩa, má jʋʋ ma dɩɩsɩŋ a kɛŋ borusuŋ tɔ aŋ sʋl ma Nyɩmma-la ma sɩ bɩ na. Ʋ-na ka na wɩɩ-la ma sɩ faa ŋɩŋaa nɛ, ʋ jaŋ timma.
7Dɩ ma nɩɩ chʋɔlɛ Wɩa, ma sɩ́ faasa bʋl wɩaa yʋgɛ, arɩ nɩalɩŋ sɩ bɩ Wɩa jɩŋ sɩɩ ŋaa ŋɩɩ. Ba bɩɩna arɩ ba sɩɩ chʋɔlɛ Wɩa deeŋ deeŋ ŋɩɩ, Wɩa jaŋ nɩɩ. 8Má sɩ́ ba nagʋ. Ma Nyɩmma paala jɩŋ kɩalɩŋ ma sɩɩ chɛ nɛ, ka ma-na pɩpɩɛsʋ ŋɩɩ.
9Ŋ-la nɛ maga dɩ ma chʋɔlɛ Wɩa:
‘La Nyɩmma sɩ hɛ Wɩa-jaŋ,
leŋ dɩ ŋ yɩrɩŋ yɩrɛ.
10Leŋ dɩ ŋ kuorii-la kɔ.
Leŋ dɩ nɩaa sɛɩ ŋ niiŋ tinteeŋ deeŋ lɛ arɩ ba sɩ sɛɩ Wɩa-jaŋ lɛ ŋɩɩ.
11Pɩla la jɩnɩŋ niiŋ kʋdiiliŋ
12aŋ joŋ la wʋbɔŋŋɔɔ chɛla, arɩ la ma sɩ joŋ la dɔnsʋŋ tɩŋŋaa wʋbɔŋŋɔɔ chɛba ŋɩɩ.
13Sɩ́ leŋe dɩ wɩɩkala kɛnla hɛ wʋbɔmʋŋ lɛ,
ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’
14Dɩ ma dɔnsʋŋ tɩŋŋaa nɛ ŋaa wɩaa cheima aŋ ka ma joŋo chɛba, ma Nyɩmma Wɩa sɩ hɛ Wɩa-jaŋ lɛ ma jaŋ joŋ wɩalɩŋ ma sɩ ŋaa chei a chɛma. 15Ama dɩ ma nɛ bɩ wɩalɩŋ ma dɔnsʋŋ tɩŋŋaa sɩ ŋaa cheima joŋo chɛba, ma Nyɩmma Wɩa ma bɩ jaŋ joŋ wɩalɩŋ ma sɩ ŋaa chei a chɛma.”
Yesu dagɛ nɩaa niiŋ vɔbʋŋ wɩaa
16Ŋɩɩ nɛ Yesu sɩ, “Dɩ ma nɛ vɔɔ niiŋ, ma sɩ́ sɩaa kaa chei a nagɛ nɩalɩŋ sɩɩ dagɛ ba tɩtɩa. Ba yie gʋgɔllɛ arɩ losuŋ a kɛŋ sɩaa kala chei dɩ nʋʋkala na a jɩŋ arɩ ba vɔɔ niiŋ nɛ. Wʋtɩtɩɩ nɛ, mɩ bʋlaa pɩma, ba-na paala laa ba time kala dɛrɛ nɛ. 17Dɩ ma nɛ vɔɔ niiŋ, má sɔŋ ma sɩaa a chaasɛ ma nyuŋ, 18dɩ nɩaa sɩ́ wuo jɩŋ arɩ maa vɔɔ niiŋ nɛ see ma Nyɩmma Wɩa dʋndʋŋa, Nɩɩ-la ma sɩ bɩ na. Ʋ-na ka na wɩɩ-la ma sɩ faa ŋaa nɛ, ʋ jaŋ timma.”
Yesu dagɛ ŋɩɩ la sɩ jaŋ ŋaa a kɛŋ dʋa Wɩa-jaŋ lɛ
Luuk 12.33-34
19Yesu bɩra bʋla, “Má sɩ́ kɩaa chɛ bil ma tɩtɩa lɛ dʋnɩa deeŋ lɛ. Dʋnɩa lɛ pʋgʋmaa jaŋ dii dɔnsʋŋ aŋ ka dɔnsʋŋ ma sʋ, gaaraa ma jaŋ jʋʋ gaa dɔnsʋŋ. 20Ama má chɛ kɩaa bil ma tɩtɩa lɛ Wɩa-jaŋ lɛ, lee-la pʋgʋmaa sɩ bɩ jaŋ wuo dii. Ba bɩ jaŋ sʋ ma, gaaraa ma bɩ jaŋ wuo gaaba. 21Lee-la ma kɩaa sɩ hɛ, nɩmɛ nɛ ma tʋɔbɩɩnaa jaŋ hɛ.
Yesu dagɛ nɩaa a tɩgɛ pʋlʋmʋŋ lɛ
Luuk 11.34-36
22Ŋ sɩaa nɛ ŋaa ŋ yaraa pʋlʋmʋŋ. Dɩ ŋ sɩaa nɛ zɔmɔ, ŋ yaraa kala kɛŋ pʋlʋmʋŋ nɛ, 23ama dɩ ŋ sɩaa nɛ bɩ zɔŋ, ŋ yaraa kala hɛ birimiŋ tʋɔŋ nɛ. Dɩ pʋlʋŋ-la nɛ kɔ dɩ ʋ bɩrɩmɛ birimiŋ, birimiŋ lim lɛ nɛ ŋ hɛ ŋɩɩ.
Yesu dagɛ nɩaa dɩ ba sɩ́ ba tɩtɩa walɩmʋ a tɩgɛ kʋdiilee arɩ gɛnnɩŋ wɩaa lɛ
Luuk 16.13; 12.22-31
24Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.
25Mɩ bʋlaa pɩma, má sɩ́ ma tɩtɩa walɩmʋ a tɩgɛ kʋdiile-la ma sɩ jaŋ dii koo kɩalɩŋ ma sɩ jaŋ nyʋnyʋa. Má sɩ́ ma tɩtɩa ma walɩmʋ a tɩgɛ gɛnnɩ-la ma sɩɩ chɛ dɩ ma laalɛ. Ma mɩɩsɩŋ nɛ kɩɩ kʋdiilee, ma yaraa ma kɩɩ gɛnnɩŋ. 26Má bee na diibiisiŋ, ba bɩ pɛrɛ, ba bɩ kɩaa kʋŋ, ba bɩ kɩaa ma ka tʋɔlɛ virisiŋ lɛ, ka ma Nyɩmma Wɩa sɩ hɛ Wɩa-jaŋ lɛ pɩpɩba kʋdiilee. Ma nɛ paala kɛŋ bʋbʋɔŋ a kɩɩ diibiisiŋ. 27Dɩ ma nɩɩ walɩmɛ ma tɩtɩa kɩaa deemba wɩaa, bʋa-la lɛ ma mɩɩsɩŋ sɩ jaŋ dɛrɛ, ma tʋɔŋ kʋbɛɛ nɛ jaŋ wuo kɛŋ hawa bala ma pɛ ʋ mɩɩsɩŋ lɛ? 28Dɩ ma nɛ saa bɩ ŋɩɩ wuo ŋaa, bɛɛ nɛ saa tɩɩ ma wʋwalɩmɛ ma tɩtɩa gɛnnɩŋ wɩaa? Má bee na tɩɩfɩɩlaa sɩ hɛ gɩrɩŋ lɛ, ba bɩ tɩŋ, ba bɩ gɛnnɩŋ ma yɛrɛ a lɩlaalɛ, 29ama ba zɔmɔ nɛ woruŋ. Kuoro Solomoŋ fa kɛŋ kɩaa nɛ woruŋ. Ama ʋ gɛnnɩŋ fa bɩ zɔmɔ magɛ tɩɩfɩɩlaa deemba. 30Wɩa nɛ yie ŋaa yaŋ nyʋ a waa a zɔŋ, ka ʋ bɩ dieni aŋ hɩhɩl. Dɩ ʋ nɛ hɩla, ba yie chol nyiniŋ hɛ ʋ dii. Dɩ Wɩa nɛ wuo ŋaa yaŋ zɔŋ ŋɩɩ, bɛɛ nɛ tɩɩ ma bɩɩnɛ arɩ ʋ bɩ jaŋ wuo pɩma kʋdiilee arɩ gɛnnɩŋ? Ma Wɩa laa diiniŋ bɩ yʋgɛ. 31Má sɩ́ ma tɩtɩa walɩmʋ a mʋ tɩgɛ kʋdiile-la ma sɩ jaŋ dii arɩ kʋ-la ma sɩ jaŋ nyʋa arɩ kʋ-la ma sɩ jaŋ laalɛ wɩaa. 32Nɩalɩŋ sɩ bɩ Wɩa jɩŋ dʋnɩa deeŋ lɛ, ba nɛ yie walɩma chɩchɛ kɩaa deemba. Ma Nyɩmma sɩ hɛ Wɩa-jaŋ lɛ jɩma arɩ maa chɛ kɩaa deemba kala nɛ. 33Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma. 34Má saa sɩ́ ma tɩtɩa walɩmʋ a tɩŋ chiemiŋ wɩaa. Chɛɛ kala kɛŋ ʋ wʋwalɩmɩa nɛ. Má sɩ́ wɩɩ dɔŋ kala kaa pɛ chɛɛ kala wʋwalɩmaa lɛ.
Currently Selected:
Matiu 6: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 6
6
Yesu dagɛla ŋɩɩ la sɩ jaŋ ŋaa a joŋ kɩaa pɩ nɩaa
1Yesu bɩra dagɛ ʋ harɩ-tooroo a bʋl, “Dɩ ŋ nɩɩ chɛ dɩ ŋ ŋaa wʋzɔŋ a pɩ ŋ dɔŋɔ tɩɩna, sɩ́ wʋzɔŋ-la joŋo ŋaa ʋ lɛ nɩaa tʋɔŋ. Dɩ ŋ nɛ ŋaa ŋɩɩ, ŋ bɩ time kɛnɛ ŋ Nyɩmma sɩ hɛ Wɩa-jaŋ lɛ teeŋ. 2Dɩ ŋ nɛ joŋ kʋŋ pɩ nʋʋ sɩ bɩ kʋŋ kɛnɛ, sɩ́ leŋe dɩ nɩaa jɩŋ. Nɩalɩŋ sɩɩ dagɛ ba tɩtɩa yie ŋaa ŋɩɩ nɛ Wɩɩchʋɔlɛ dɩɩsɩŋ lɛ arɩ womporunuŋ lɛ. Ba ŋaa ŋɩɩ dɩ nɩaa bɛsɛ ba lɛ nɛ. Wʋtɩtɩɩ nɛ mɩ bʋlaa pɩma, ba laa ba time nɛ. 3Dɩ ŋ nɛ joŋ kʋŋ a pɛ nʋʋ sɩ bɩ kʋŋ kɛnɛ lɛ, sɩ́ leŋe dɩ nʋʋkala jɩŋ. 4Leŋ dɩ ʋ ŋaa wʋfaalɩɩ. Dɩ ŋ nɛ ŋaa ŋɩɩ, ŋ Nyɩmma Wɩa jaŋ timiŋ. Ʋ nɩɩ na wɩɩ-la ŋ sɩ ŋaa.”
Yesu dagɛ ŋɩɩ la sɩ jaŋ chʋchʋɔlɛ Wɩa
Luuk 11.2-4
5Ŋɩɩ nɛ Yesu bɩra bʋl, “Dɩ ma nɩɩ chʋɔlɛ Wɩa, ma sɩ́ nɩalɩŋ sɩɩ dagɛ ba tɩtɩa nagʋ. Ba yie cho dɩ ba chɩŋ Wɩɩchʋɔlɛ dɩɩsɩŋ lɛ arɩ wombiee sɛmɛ a chʋchʋɔlɛ Wɩa dɩ nʋʋkala naba. Wʋtɩtɩɩ nɛ mɩ bʋlaa pɩma, ba paala laa ba time nɛ. 6Ama dɩ ma nɩɩ chɛ dɩ ma chʋɔlɛ Wɩa, má jʋʋ ma dɩɩsɩŋ a kɛŋ borusuŋ tɔ aŋ sʋl ma Nyɩmma-la ma sɩ bɩ na. Ʋ-na ka na wɩɩ-la ma sɩ faa ŋɩŋaa nɛ, ʋ jaŋ timma.
7Dɩ ma nɩɩ chʋɔlɛ Wɩa, ma sɩ́ faasa bʋl wɩaa yʋgɛ, arɩ nɩalɩŋ sɩ bɩ Wɩa jɩŋ sɩɩ ŋaa ŋɩɩ. Ba bɩɩna arɩ ba sɩɩ chʋɔlɛ Wɩa deeŋ deeŋ ŋɩɩ, Wɩa jaŋ nɩɩ. 8Má sɩ́ ba nagʋ. Ma Nyɩmma paala jɩŋ kɩalɩŋ ma sɩɩ chɛ nɛ, ka ma-na pɩpɩɛsʋ ŋɩɩ.
9Ŋ-la nɛ maga dɩ ma chʋɔlɛ Wɩa:
‘La Nyɩmma sɩ hɛ Wɩa-jaŋ,
leŋ dɩ ŋ yɩrɩŋ yɩrɛ.
10Leŋ dɩ ŋ kuorii-la kɔ.
Leŋ dɩ nɩaa sɛɩ ŋ niiŋ tinteeŋ deeŋ lɛ arɩ ba sɩ sɛɩ Wɩa-jaŋ lɛ ŋɩɩ.
11Pɩla la jɩnɩŋ niiŋ kʋdiiliŋ
12aŋ joŋ la wʋbɔŋŋɔɔ chɛla, arɩ la ma sɩ joŋ la dɔnsʋŋ tɩŋŋaa wʋbɔŋŋɔɔ chɛba ŋɩɩ.
13Sɩ́ leŋe dɩ wɩɩkala kɛnla hɛ wʋbɔmʋŋ lɛ,
ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’
14Dɩ ma dɔnsʋŋ tɩŋŋaa nɛ ŋaa wɩaa cheima aŋ ka ma joŋo chɛba, ma Nyɩmma Wɩa sɩ hɛ Wɩa-jaŋ lɛ ma jaŋ joŋ wɩalɩŋ ma sɩ ŋaa chei a chɛma. 15Ama dɩ ma nɛ bɩ wɩalɩŋ ma dɔnsʋŋ tɩŋŋaa sɩ ŋaa cheima joŋo chɛba, ma Nyɩmma Wɩa ma bɩ jaŋ joŋ wɩalɩŋ ma sɩ ŋaa chei a chɛma.”
Yesu dagɛ nɩaa niiŋ vɔbʋŋ wɩaa
16Ŋɩɩ nɛ Yesu sɩ, “Dɩ ma nɛ vɔɔ niiŋ, ma sɩ́ sɩaa kaa chei a nagɛ nɩalɩŋ sɩɩ dagɛ ba tɩtɩa. Ba yie gʋgɔllɛ arɩ losuŋ a kɛŋ sɩaa kala chei dɩ nʋʋkala na a jɩŋ arɩ ba vɔɔ niiŋ nɛ. Wʋtɩtɩɩ nɛ, mɩ bʋlaa pɩma, ba-na paala laa ba time kala dɛrɛ nɛ. 17Dɩ ma nɛ vɔɔ niiŋ, má sɔŋ ma sɩaa a chaasɛ ma nyuŋ, 18dɩ nɩaa sɩ́ wuo jɩŋ arɩ maa vɔɔ niiŋ nɛ see ma Nyɩmma Wɩa dʋndʋŋa, Nɩɩ-la ma sɩ bɩ na. Ʋ-na ka na wɩɩ-la ma sɩ faa ŋaa nɛ, ʋ jaŋ timma.”
Yesu dagɛ ŋɩɩ la sɩ jaŋ ŋaa a kɛŋ dʋa Wɩa-jaŋ lɛ
Luuk 12.33-34
19Yesu bɩra bʋla, “Má sɩ́ kɩaa chɛ bil ma tɩtɩa lɛ dʋnɩa deeŋ lɛ. Dʋnɩa lɛ pʋgʋmaa jaŋ dii dɔnsʋŋ aŋ ka dɔnsʋŋ ma sʋ, gaaraa ma jaŋ jʋʋ gaa dɔnsʋŋ. 20Ama má chɛ kɩaa bil ma tɩtɩa lɛ Wɩa-jaŋ lɛ, lee-la pʋgʋmaa sɩ bɩ jaŋ wuo dii. Ba bɩ jaŋ sʋ ma, gaaraa ma bɩ jaŋ wuo gaaba. 21Lee-la ma kɩaa sɩ hɛ, nɩmɛ nɛ ma tʋɔbɩɩnaa jaŋ hɛ.
Yesu dagɛ nɩaa a tɩgɛ pʋlʋmʋŋ lɛ
Luuk 11.34-36
22Ŋ sɩaa nɛ ŋaa ŋ yaraa pʋlʋmʋŋ. Dɩ ŋ sɩaa nɛ zɔmɔ, ŋ yaraa kala kɛŋ pʋlʋmʋŋ nɛ, 23ama dɩ ŋ sɩaa nɛ bɩ zɔŋ, ŋ yaraa kala hɛ birimiŋ tʋɔŋ nɛ. Dɩ pʋlʋŋ-la nɛ kɔ dɩ ʋ bɩrɩmɛ birimiŋ, birimiŋ lim lɛ nɛ ŋ hɛ ŋɩɩ.
Yesu dagɛ nɩaa dɩ ba sɩ́ ba tɩtɩa walɩmʋ a tɩgɛ kʋdiilee arɩ gɛnnɩŋ wɩaa lɛ
Luuk 16.13; 12.22-31
24Nʋʋkala bɩ jaŋ wuo tɩŋ tɩntɩŋŋaa a pɩ nɩhɩasɩŋ balɩa. Ʋ jaŋ cho dɔŋɔ aŋ bɛrɛ dɔŋɔ. Ʋ jaŋ tuto dɔŋɔ niiŋ wɩaa woruŋ aŋ vɩa dɔŋɔ niiŋ wɩaa. Ŋɩɩ tɩtɩa nɛ ŋ bɩ jaŋ wuo ŋaa Wɩa yoŋ aŋ bɩra ŋaa moribiee ma yoŋ.
25Mɩ bʋlaa pɩma, má sɩ́ ma tɩtɩa walɩmʋ a tɩgɛ kʋdiile-la ma sɩ jaŋ dii koo kɩalɩŋ ma sɩ jaŋ nyʋnyʋa. Má sɩ́ ma tɩtɩa ma walɩmʋ a tɩgɛ gɛnnɩ-la ma sɩɩ chɛ dɩ ma laalɛ. Ma mɩɩsɩŋ nɛ kɩɩ kʋdiilee, ma yaraa ma kɩɩ gɛnnɩŋ. 26Má bee na diibiisiŋ, ba bɩ pɛrɛ, ba bɩ kɩaa kʋŋ, ba bɩ kɩaa ma ka tʋɔlɛ virisiŋ lɛ, ka ma Nyɩmma Wɩa sɩ hɛ Wɩa-jaŋ lɛ pɩpɩba kʋdiilee. Ma nɛ paala kɛŋ bʋbʋɔŋ a kɩɩ diibiisiŋ. 27Dɩ ma nɩɩ walɩmɛ ma tɩtɩa kɩaa deemba wɩaa, bʋa-la lɛ ma mɩɩsɩŋ sɩ jaŋ dɛrɛ, ma tʋɔŋ kʋbɛɛ nɛ jaŋ wuo kɛŋ hawa bala ma pɛ ʋ mɩɩsɩŋ lɛ? 28Dɩ ma nɛ saa bɩ ŋɩɩ wuo ŋaa, bɛɛ nɛ saa tɩɩ ma wʋwalɩmɛ ma tɩtɩa gɛnnɩŋ wɩaa? Má bee na tɩɩfɩɩlaa sɩ hɛ gɩrɩŋ lɛ, ba bɩ tɩŋ, ba bɩ gɛnnɩŋ ma yɛrɛ a lɩlaalɛ, 29ama ba zɔmɔ nɛ woruŋ. Kuoro Solomoŋ fa kɛŋ kɩaa nɛ woruŋ. Ama ʋ gɛnnɩŋ fa bɩ zɔmɔ magɛ tɩɩfɩɩlaa deemba. 30Wɩa nɛ yie ŋaa yaŋ nyʋ a waa a zɔŋ, ka ʋ bɩ dieni aŋ hɩhɩl. Dɩ ʋ nɛ hɩla, ba yie chol nyiniŋ hɛ ʋ dii. Dɩ Wɩa nɛ wuo ŋaa yaŋ zɔŋ ŋɩɩ, bɛɛ nɛ tɩɩ ma bɩɩnɛ arɩ ʋ bɩ jaŋ wuo pɩma kʋdiilee arɩ gɛnnɩŋ? Ma Wɩa laa diiniŋ bɩ yʋgɛ. 31Má sɩ́ ma tɩtɩa walɩmʋ a mʋ tɩgɛ kʋdiile-la ma sɩ jaŋ dii arɩ kʋ-la ma sɩ jaŋ nyʋa arɩ kʋ-la ma sɩ jaŋ laalɛ wɩaa. 32Nɩalɩŋ sɩ bɩ Wɩa jɩŋ dʋnɩa deeŋ lɛ, ba nɛ yie walɩma chɩchɛ kɩaa deemba. Ma Nyɩmma sɩ hɛ Wɩa-jaŋ lɛ jɩma arɩ maa chɛ kɩaa deemba kala nɛ. 33Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma. 34Má saa sɩ́ ma tɩtɩa walɩmʋ a tɩŋ chiemiŋ wɩaa. Chɛɛ kala kɛŋ ʋ wʋwalɩmɩa nɛ. Má sɩ́ wɩɩ dɔŋ kala kaa pɛ chɛɛ kala wʋwalɩmaa lɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014