Matiu 27
27
Ba kɛŋ Yesu mʋ Paalɩt teeŋ
Maak 15.1; Luuk 23.1-2; Jɔɔŋ 18.28-32
1Taŋ sɩ pʋla chʋchʋɔŋ, Wɩɩsʋllɩ sɩpaalaaraa kʋhɩasɩŋ kala arɩ taŋ-la kʋhɩasɩŋ vʋʋrɛ dɩ ba kpʋ Yesu. 2Ba kɛnʋ vɔɔ a kaa mʋ Paalɩt teeŋ. Ʋ nɛ fa hɔŋ Rom kuoru-balɩŋ nyuŋ Judiya tinteeŋ lɛ.
Judas sʋba
Yesu nanz. 1.18-19
3Judas zɛmbɛ tɩɩna-la sɩ nɩa dɩ baa chɛ dɩ ba kpʋ Yesu nɛ, ʋ tʋɔŋ chei arɩ ʋ sɩ yallɛ Yesu ŋɩɩ. Ʋ mɩɩra kɛŋ warɩpʋla mara arɩ fii-la a kaa mʋ Wɩɩsʋllɩ sɩpaalaaraa kʋhɩasɩŋ arɩ taŋ-la kʋhɩasɩŋ teeŋ a bʋl, 4“Mɩ ŋaa wʋbɔŋ nɛ. Mɩ joŋ nɩɩ-la sɩ bɩ wɩɩ cheye yallɛ nɛ dɩ ba kpʋʋ.” Ŋɩɩ nɛ nɩalɩŋ bʋl, “La sɩpaa kala tuo, ŋ wɩɩ nɛ.” 5Ŋɩɩ nɛ Judas joŋ moribie-la a yuo ta Wɩa dɩɩ-bal-la tinteeŋ aŋ lɩɩ a mʋ yuo ŋmɛnɩŋ. 6Wɩɩsʋllɩ sɩpaalaaraa kʋhɩasɩŋ paa moribie-la aŋ bʋl, “Chalɩŋ moribiee nɛ ŋ-la. Ʋʋ kɩsɛ nɛ dɩ la jomba hɛ Wɩa dɩɩ-balɩŋ moribiee lɛ.” 7Ŋɩɩ nɛ ba vʋʋrɛ a joŋ moribie-la yɔɔ tinteeŋ pupo-mɛɛrɛ teeŋ. Nɩmɛ nɛ ba huhugi nʋhʋɔraa. 8Ŋɩɩ nɛ tɩɩ ba kɛŋ lee-la yɩyɩrɛ chalɩŋ tinteeŋ arɩ jɩnɩŋ kala. 9Ba sɩ ŋaa ŋɩɩ, wɩalɩŋ Wɩa wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ. Ʋ fa sɩ,
“Iziral doho nɩaa sɛyɛ arɩ ʋ yalɩŋ jaŋ ŋaa warɩpʋla mara arɩ fii.
10Ba joŋ moribie-la ba sɩ mɩɩra laa
a yɔɔ tinteeŋ pupo-mɛɛrɛ teeŋ.
Mɩ Tɩɩna Wɩa nɛ fa dagɛmɛ ŋɩɩ.”
Paalɩt pɩɛsɛ Yesu wɩaa
Maak 15.2-5; Luuk 23.3-5; Jɔɔŋ 18.33-38
11Yesu sɩ chɩŋ nɩɩ-la sɩ hɔŋ kuoru-balɩŋ nyuŋ sɩpaaŋ Judiya tinteeŋ lɛ, kuoru-la pɩɛsʋ, “Ŋ nɛ ŋaa Juu tɩŋŋaa kuoro koo?”
Ŋɩɩ nɛ Yesu bʋla pʋ, “Oo, mɩ nɛ.”
12Ama Wɩɩsʋllɩ sɩpaalaaraa kʋhɩasɩŋ arɩ taŋ-la kʋhɩasɩŋ sɩ joŋ cheeriŋ pʋ ŋɩɩ, ʋ bɩ wɩɩ bʋla. 13Ŋɩɩ nɛ Paalɩt pɩɛsʋ, “Ŋ bɩ wɩaa deemba kala nɩa ba sɩ bʋla a tɩgɛ ŋ lɛɛ?” 14Ama Yesu bɩ ʋ niiŋ suro, ʋ bɩ wʋbala ma bʋla. Wɩɩ-la kperi Paalɩt woruŋ.
Ba sɩ dɩ ba kpʋ Yesu
Maak 15.6-15; Luuk 23.13-25; Jɔɔŋ 18.39–19.16
15Dɩ dɩɩsɩŋ kiele bal gbiele nɛ yie-na kala, Paalɩt fa yie leŋ ba lɩɩsɛ nɩalɩŋ ba sɩ kaa tɔ dɩa dɔŋɔ nɛ, nɩɩ-la nɩaa sɩ cho. 16Bʋa-la lɛ dɩ ba kɛŋ baal kʋbala baa yɩrɛ Barabas a tɔ dɩa, ʋ fa ŋaa wʋcheeru nɛ nʋʋkala jɩŋ ʋ lɛ. 17Nɩ-daŋ-la sɩ hilime, Paalɩt pɩɛsɛba, “Kʋbɛɛ nɛ ma cho dɩ mɩ lɩɩsa ta pɩma? Barabas koo Kirisito, nɩɩ-la Wɩa sɩ lɩɩsaa?” 18Paalɩt fa jɩma arɩ Juu tɩŋŋaa kʋhɩasɩŋ yaraa faa bieru nɛ, ŋɩɩ nɛ tɩɩ ba kɛŋ Yesu kaa kɔ ʋ teeŋ. 19Paalɩt fa sɩ hɔŋ sarɩya dɩ-diiliŋ ŋɩɩ, ʋ haala tɩŋ ba bʋla pʋ, “Sɩ́ baala deeŋ wɩɩkala ŋaa. Ʋ ŋaa tʋɔpʋl tɩɩna nɛ. Dɩamɩŋ tɩtaŋɩŋ mɩ duosi duosi bɔŋ nɛ a tɩgɛ ʋ lɛ.” 20Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩ-la nyɩsɛ nɩ-daŋ-la hɛ dɩ ba bʋl dɩ Paalɩt lɩɩsɛ Barabas ta aŋ ka dɩ ba kpʋ Yesu.
21Ŋɩɩ nɛ Paalɩt pɩɛsɛ nɩ-daŋ-la a bʋl, “Nɩaa deemba balɩamɩŋ tʋɔŋ, kʋbɛɛ nɛ maa chɛ dɩ mɩ lɩɩsa pɩma?” Ŋɩɩ nɛ ba bʋl, “Barabas.” 22Ŋɩɩ nɛ Paalɩt pɩɛsɛ nɩalɩŋ, “Aŋ ka Yesu ba sɩɩ yɩrɛ Kirisito, bɛɛ nɛ ma sɩ mɩ ŋaa ʋ lɛ?” Ba kala bʋl, “Leŋ dɩ ba kpaasʋ mɛrɛ daagɛsɛ nyuŋ.” 23Ŋɩɩ nɛ Paalɩt pɩɛsɛba, “Wʋbɔŋ bɛɛ nɛ ʋ ŋaa?” Ba kpɩa a kɩɩ bumbuŋ-la a bʋl, “Leŋ dɩ ba kpaasʋ daagɛsɛ nyuŋ.”
24Ŋɩɩ nɛ Paalɩt na arɩ goŋ-la yʋga kɩŋkɛŋ, arɩ yuosuŋ jaŋ jʋʋ. Ŋɩɩ wɩaa ʋ bɩ wɩɩkala wuo ŋaa. Dɩ lɩɩŋ chɩŋ ʋ sɛmɛ, ʋ ŋaa a sɔŋ ʋ nɩsaa nɩalɩŋ sɩpaaŋ aŋ bʋl, “Mɩ nɩsɩŋ tuo baala deeŋ sʋʋŋ lɛ. Ʋ hɛ ma teeŋ.”
25Ŋɩɩ nɛ nɩ-daŋ-la kala bʋl, “Dɩ la nɛ cheye wɩɩŋ deeŋ lɛ, leŋ dɩ Wɩa dɔgɩsɛ la arɩ la biiriŋ a tɩŋ la sɩ kpʋʋ.” 26Ŋɩɩ nɛ Paalɩt lɩɩsɛ Barabas ta a pɩba aŋ ŋaa ba vɩɩrɛ Yesu aŋ joŋu pɩba dɩ ba kaa mʋ kpaasa mɛrɛ daagɛsɛ nyuŋ.
Laalɩyuoroo mɔŋ Yesu lɛ
Maak 15.16-20; Jɔɔŋ 19.2-3
27Ŋɩɩ nɛ Paalɩt laalɩyuoroo dɔnsʋŋ kɛŋ Yesu kaa jʋʋ Paalɩt kaala tʋɔŋ. Laalɩyuoro-la kʋkaanaa kala ma kʋ pɛ ba lɛ a hilimi. 28Ba wuri Yesu gɛnnɩŋ kala aŋ joŋ gɛrɩ-fɩaŋ duduoŋ laalʋ 29a chɛ sɔsʋŋ a kaa sʋa nyunchuulo a nagɛ kuoru nyunchuulo a joŋo chuu a joŋ dantɩga hɛ ʋ nadiiŋ lɛ aŋ tuu kpirimi ʋ sɩpaaŋ a mɔŋ ʋ lɛ a bʋl, “Juu tɩŋŋaa kuoro, laa chʋɔlʋŋ.” 30Ba tʋ nantʋɔrʋŋ a hɛ ʋ lɛ aŋ laa daa-la a ŋmoo ʋ nyuŋ lɛ. 31Ba sɩ mɔŋ ʋ lɛ dɛrɛ, ba wuri gɛrɩ-fɩaŋ duduoŋ-la aŋ paa ʋ tɩtɩa gɛnnɩŋ a laalʋ aŋ kɛnʋ kaa mʋ dɩ ba kpaasʋ mɛrɛ daagɛsɛ nyuŋ.
Ba kpaasɛ Yesu daagɛsɛ nyuŋ
Maak 15.21-32; Luuk 23.26-43; Jɔɔŋ 19.17-27
32Ba sɩ kɛnʋ kaa mʋmʋ dɩ ba kpaasʋ daagɛsɛ nyuŋ ŋɩɩ, ba cheŋ baal kʋbala baa yɩrɛ Saamɔŋ, ʋ taŋ yɩrɩŋ nɛ Siriini. Laalɩyuoro-la fʋgʋ ʋ laa Yesu daagɛsɛ-la a baasɛ. 33Ŋɩɩ nɛ ba kʋ yi lee kʋbala baa yɩrɛ Gɔlɩgɔta. Yɩrɩ-la bʋbʋɔŋ nɛ nyu-kuŋkogulo. 34Ba sɩ yi nɩmɛ, ba joŋ sɩnɩŋ a guoli kʋhaarɩŋ lɛ a pɩ Yesu dɩ ʋ nyʋa. Ʋ sɩ lenne dɩ ʋ hɛyɛ, ʋ vɩa. 35Ŋɩɩ nɛ ba kpaasʋ mɛrɛ daagɛsɛ nyuŋ aŋ tɔnsɛ ʋ gɛnnɩŋ wɩaa, dɩ ba paa kpaa dɔŋɔ a jɩŋ gɛrɩ bɛɛ nɛ nʋʋkala jaŋ laa. 36Ba hɔŋ nɩmɛ a bibenu. 37Ba sɩ sɩ Yesu ŋaa wɩalɩŋ chei, ba ŋmʋnsa hɛ daagɛsɛ-la lɛ a bʋl,
“JUU TƖŊŊAA KUORO YESU NƐ
Ŋ-LA.”
38Ŋɩɩ nɛ ba kpaasɛ gaaraa balɩa ma a mɛrɛ daagɛsɛ lɛ a pɛ Yesu lɛ. Dɔŋɔ hɛ ʋ nadiiŋ, dɔŋɔ ma hɛ ʋ nagʋa. 39Ba sɩ kpaasʋ mɛrɛ daagɛsɛ-la nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi 40a bʋl, “Oi, ŋ nɛ ŋaa nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ. Ŋ sɩ ŋaa Wɩa Bie, lɩɩ daagɛsɛ-la nyuŋ a laa ŋ tɩtɩa ta.” 41Wɩɩsʋllɩ sɩpaalaaraa kʋhɩasɩ-la arɩ Wɩa teniŋ kerichiba arɩ taŋ-la kʋhɩasɩŋ ma sisieri Yesu lɛ a bʋla pɩpɩ dɔŋɔ, 42“Ʋ wuo nɩaa laa tɩta nɛ aŋ bɩ ʋ tɩtɩa wuo laa ta. Ʋ sɩ sɩ ʋ nɛ ŋaa Kirisito, Juu tɩŋŋaa kuoro, leŋ dɩ ʋ lɩɩ daagɛsɛ-la nyuŋ kʋ tuu dɩ la na a laa ʋ wɩaa dii. 43Ʋ laa Wɩa dii nɛ a bʋl dɩ ʋ ŋaa Wɩa Bie nɛ. Tɔɔ, má leŋ dɩ la na dɩ Wɩa nɛ jaŋ laaʋ ta lɛɛlɛ.” 44Gaara-la balɩa ma ba sɩ kpaasa a pɛ Yesu lɛ, ba ma tʋʋsʋ ŋɩɩ tɩtɩa.
Yesu sʋba
Maak 15.33-41; Luuk 23.44-49; Jɔɔŋ 19.28-30
45Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori. 46Kerifi batori-la lɛ Yesu faasa yɩrɛ, “Eloi, Eloi, lama sabakɩtanɩ.” Ʋ bʋbʋɔŋ nɛ: “Mɩ Tɩɩna Wɩa, bɛɛ nɛ tɩɩ ŋ vɩamɛ ta?” 47Dɩ nɩaa dɔnsʋŋ chɩŋ nɩmɛ a jegile nɩɩ wɩalɩŋ ʋ sɩ bʋla. Ŋɩɩ nɛ ba bʋla pɩ dɔŋɔ, “Ɩlaaja nɛ baal-la yɩyɩrɛ ŋɩɩ.” 48Nɩalɩŋ dɔŋɔ fa sɩ chɩŋ nɩmɛ fá mʋ joŋ suosuo a kaa mʋ yuu sɩnɩŋ sɩ nyala a joŋo tuu sekeliŋ lɛ a kaa mʋ hɛ ʋ niiŋ lɛ dɩ ʋ nyʋa. 49Ŋɩɩ nɛ nɩalɩŋ dɔnsʋŋ fa sɩ hɛ nɩmɛ bʋl, “Má leŋ la gbɛrɛ a na arɩ Ɩlaaja jaŋ kʋ soru daagɛsɛ-la nyuŋ koo.” 50Ŋɩɩ nɛ Yesu faasa yel aŋ wiesi ʋ wiesi katɩɩ.
51Patɩɩsaŋ nɛ fa hɛ Wɩa dɩɩ-balɩŋ tʋɔŋ, ba kaa kɛrɛ. Ʋ kɩɛsɛ balɩa a chɩŋ nyu-gbaŋa a kʋ tuu. Ŋɩɩ nɛ tinteeŋ zigili, bʋsʋŋ ma yɛrɛ. 52Vaamaa ma suri suri, nɩalɩŋ sɩ laa Wɩa dii aŋ sʋʋ fa yʋga a sii sʋʋŋ lɛ a lɩɩ vaama-la lɛ. 53Yesu sɩ sii sʋʋŋ lɛ harɩŋ, ba mʋ Jerusalɛm. Nɩaa yʋga a naba lee-la. 54Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”
55Haalaa yʋga a ma fa chɩŋ dɩ-bolii a bibeŋ. Haala-la fa to Yesu harɩŋ nɛ a lɩɩ Galilii tinteeŋ a pɩpɛ ʋ lɛ. 56Ba tʋɔŋ nɩalɩŋ dɔnsʋŋ nɛ Mɛɛrɩ Magɩdalɩŋ arɩ Mɛɛrɩ dɔŋɔ. Ʋ fa ŋaa Jeems arɩ Josɛf naaŋ nɛ a pɛ Zebidi haala lɛ.
Ba hugi Yesu
Maak 15.42-47; Luuk 23.50-56; Jɔɔŋ 19.38-42
57Dɩdaanɩŋ sɩ yie, baal kʋbala sɩ lɩɩ taŋ kʋbala baa yɩrɛ Arɩmatɩya kɔ. Ʋ fa ŋaa kɩaa tɩɩna nɛ. Ʋ yɩrɩŋ nɛ fa Josɛf. Ʋ ma fa ŋaa Yesu harɩ-tooro-la dɔŋɔ nɛ. 58Ʋ mʋ Paalɩt teeŋ a sʋl Yesu kʋsʋʋŋ. Ŋɩɩ nɛ Paalɩt bʋl dɩ ba joŋo pʋ. 59Ŋɩɩ nɛ Josɛf laa a kɛŋ gɛrɩpɛ-pʋl-falɩŋ a bɛʋ 60a joŋu hugi ʋ tɩtɩa bʋa falɩŋ lɛ ʋ fa sɩ lɔsɔ bʋŋ nyuŋ. Ʋ bilimi tabɩɩ-balɩŋ kaa kʋ tɔ bʋa-la niiŋ aŋ viiri. 61Ka Mɛɛrɩ Magɩdalɩŋ arɩ Mɛɛrɩ dɔŋɔ-la hɔŋ a chaasɛ bʋa-la leriŋ.
Laalɩyuoroo pɔ vaaŋ-la
62Ʋ taŋ sɩ pʋla, chɛ-wiesii-la chɛɛŋ, Wɩɩsʋllɩ sɩpaalaaraa kʋhɩasɩŋ arɩ Farisii tɩmma-la mʋ Paalɩt teeŋ a bʋla pʋ, 63“Kʋhɩaŋ, la liisi wɩɩ nɛ. Bʋa-la lɛ wʋnyɩɛrʋ-la sɩ hɛ ʋ mɩɩsɩŋ lɛ, ʋ fa bʋla arɩ ʋ nɛ sʋba, ʋ jaŋ sii sʋʋŋ lɛ tapʋlaa batori chɛɛŋ. 64Ŋɩɩ wɩaa leŋ dɩ nɩaa mʋ a pɔ ʋ vaaŋ-la woruŋ dɩ tapʋlaa batori-la yi, dɩ ʋ harɩ-tooroo sɩ́ wuo mʋ a gaa kuusi aŋ bʋla pɩ nɩaa arɩ ʋ sii sʋʋŋ lɛ nɛ. Dɩ ba nɛ ŋaa wɩɩŋ deeŋ, ʋ nɛ jaŋ paala kɩɩ wɩalɩŋ kala ʋ sɩ nyɩa.” 65Ŋɩɩ nɛ Paalɩt bʋla pɩba dɩ ba kɛŋ laalɩyuoroo mʋ dɩ ba pɔ vaaŋ-la woruŋ. 66Ŋɩɩ nɛ ba laalɩyuoro-la mʋ a fere tɔ tabɩɩ-la ba sɩ kaa tɔ bʋa-la niiŋ aŋ leŋ nɩaa pɔ lee-la.
Currently Selected:
Matiu 27: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Matiu 27
27
Ba kɛŋ Yesu mʋ Paalɩt teeŋ
Maak 15.1; Luuk 23.1-2; Jɔɔŋ 18.28-32
1Taŋ sɩ pʋla chʋchʋɔŋ, Wɩɩsʋllɩ sɩpaalaaraa kʋhɩasɩŋ kala arɩ taŋ-la kʋhɩasɩŋ vʋʋrɛ dɩ ba kpʋ Yesu. 2Ba kɛnʋ vɔɔ a kaa mʋ Paalɩt teeŋ. Ʋ nɛ fa hɔŋ Rom kuoru-balɩŋ nyuŋ Judiya tinteeŋ lɛ.
Judas sʋba
Yesu nanz. 1.18-19
3Judas zɛmbɛ tɩɩna-la sɩ nɩa dɩ baa chɛ dɩ ba kpʋ Yesu nɛ, ʋ tʋɔŋ chei arɩ ʋ sɩ yallɛ Yesu ŋɩɩ. Ʋ mɩɩra kɛŋ warɩpʋla mara arɩ fii-la a kaa mʋ Wɩɩsʋllɩ sɩpaalaaraa kʋhɩasɩŋ arɩ taŋ-la kʋhɩasɩŋ teeŋ a bʋl, 4“Mɩ ŋaa wʋbɔŋ nɛ. Mɩ joŋ nɩɩ-la sɩ bɩ wɩɩ cheye yallɛ nɛ dɩ ba kpʋʋ.” Ŋɩɩ nɛ nɩalɩŋ bʋl, “La sɩpaa kala tuo, ŋ wɩɩ nɛ.” 5Ŋɩɩ nɛ Judas joŋ moribie-la a yuo ta Wɩa dɩɩ-bal-la tinteeŋ aŋ lɩɩ a mʋ yuo ŋmɛnɩŋ. 6Wɩɩsʋllɩ sɩpaalaaraa kʋhɩasɩŋ paa moribie-la aŋ bʋl, “Chalɩŋ moribiee nɛ ŋ-la. Ʋʋ kɩsɛ nɛ dɩ la jomba hɛ Wɩa dɩɩ-balɩŋ moribiee lɛ.” 7Ŋɩɩ nɛ ba vʋʋrɛ a joŋ moribie-la yɔɔ tinteeŋ pupo-mɛɛrɛ teeŋ. Nɩmɛ nɛ ba huhugi nʋhʋɔraa. 8Ŋɩɩ nɛ tɩɩ ba kɛŋ lee-la yɩyɩrɛ chalɩŋ tinteeŋ arɩ jɩnɩŋ kala. 9Ba sɩ ŋaa ŋɩɩ, wɩalɩŋ Wɩa wʋlaabʋlla Jɛrɩmaaya fa sɩ bʋla kʋ ŋaa wʋtɩtɩɩ. Ʋ fa sɩ,
“Iziral doho nɩaa sɛyɛ arɩ ʋ yalɩŋ jaŋ ŋaa warɩpʋla mara arɩ fii.
10Ba joŋ moribie-la ba sɩ mɩɩra laa
a yɔɔ tinteeŋ pupo-mɛɛrɛ teeŋ.
Mɩ Tɩɩna Wɩa nɛ fa dagɛmɛ ŋɩɩ.”
Paalɩt pɩɛsɛ Yesu wɩaa
Maak 15.2-5; Luuk 23.3-5; Jɔɔŋ 18.33-38
11Yesu sɩ chɩŋ nɩɩ-la sɩ hɔŋ kuoru-balɩŋ nyuŋ sɩpaaŋ Judiya tinteeŋ lɛ, kuoru-la pɩɛsʋ, “Ŋ nɛ ŋaa Juu tɩŋŋaa kuoro koo?”
Ŋɩɩ nɛ Yesu bʋla pʋ, “Oo, mɩ nɛ.”
12Ama Wɩɩsʋllɩ sɩpaalaaraa kʋhɩasɩŋ arɩ taŋ-la kʋhɩasɩŋ sɩ joŋ cheeriŋ pʋ ŋɩɩ, ʋ bɩ wɩɩ bʋla. 13Ŋɩɩ nɛ Paalɩt pɩɛsʋ, “Ŋ bɩ wɩaa deemba kala nɩa ba sɩ bʋla a tɩgɛ ŋ lɛɛ?” 14Ama Yesu bɩ ʋ niiŋ suro, ʋ bɩ wʋbala ma bʋla. Wɩɩ-la kperi Paalɩt woruŋ.
Ba sɩ dɩ ba kpʋ Yesu
Maak 15.6-15; Luuk 23.13-25; Jɔɔŋ 18.39–19.16
15Dɩ dɩɩsɩŋ kiele bal gbiele nɛ yie-na kala, Paalɩt fa yie leŋ ba lɩɩsɛ nɩalɩŋ ba sɩ kaa tɔ dɩa dɔŋɔ nɛ, nɩɩ-la nɩaa sɩ cho. 16Bʋa-la lɛ dɩ ba kɛŋ baal kʋbala baa yɩrɛ Barabas a tɔ dɩa, ʋ fa ŋaa wʋcheeru nɛ nʋʋkala jɩŋ ʋ lɛ. 17Nɩ-daŋ-la sɩ hilime, Paalɩt pɩɛsɛba, “Kʋbɛɛ nɛ ma cho dɩ mɩ lɩɩsa ta pɩma? Barabas koo Kirisito, nɩɩ-la Wɩa sɩ lɩɩsaa?” 18Paalɩt fa jɩma arɩ Juu tɩŋŋaa kʋhɩasɩŋ yaraa faa bieru nɛ, ŋɩɩ nɛ tɩɩ ba kɛŋ Yesu kaa kɔ ʋ teeŋ. 19Paalɩt fa sɩ hɔŋ sarɩya dɩ-diiliŋ ŋɩɩ, ʋ haala tɩŋ ba bʋla pʋ, “Sɩ́ baala deeŋ wɩɩkala ŋaa. Ʋ ŋaa tʋɔpʋl tɩɩna nɛ. Dɩamɩŋ tɩtaŋɩŋ mɩ duosi duosi bɔŋ nɛ a tɩgɛ ʋ lɛ.” 20Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩ-la nyɩsɛ nɩ-daŋ-la hɛ dɩ ba bʋl dɩ Paalɩt lɩɩsɛ Barabas ta aŋ ka dɩ ba kpʋ Yesu.
21Ŋɩɩ nɛ Paalɩt pɩɛsɛ nɩ-daŋ-la a bʋl, “Nɩaa deemba balɩamɩŋ tʋɔŋ, kʋbɛɛ nɛ maa chɛ dɩ mɩ lɩɩsa pɩma?” Ŋɩɩ nɛ ba bʋl, “Barabas.” 22Ŋɩɩ nɛ Paalɩt pɩɛsɛ nɩalɩŋ, “Aŋ ka Yesu ba sɩɩ yɩrɛ Kirisito, bɛɛ nɛ ma sɩ mɩ ŋaa ʋ lɛ?” Ba kala bʋl, “Leŋ dɩ ba kpaasʋ mɛrɛ daagɛsɛ nyuŋ.” 23Ŋɩɩ nɛ Paalɩt pɩɛsɛba, “Wʋbɔŋ bɛɛ nɛ ʋ ŋaa?” Ba kpɩa a kɩɩ bumbuŋ-la a bʋl, “Leŋ dɩ ba kpaasʋ daagɛsɛ nyuŋ.”
24Ŋɩɩ nɛ Paalɩt na arɩ goŋ-la yʋga kɩŋkɛŋ, arɩ yuosuŋ jaŋ jʋʋ. Ŋɩɩ wɩaa ʋ bɩ wɩɩkala wuo ŋaa. Dɩ lɩɩŋ chɩŋ ʋ sɛmɛ, ʋ ŋaa a sɔŋ ʋ nɩsaa nɩalɩŋ sɩpaaŋ aŋ bʋl, “Mɩ nɩsɩŋ tuo baala deeŋ sʋʋŋ lɛ. Ʋ hɛ ma teeŋ.”
25Ŋɩɩ nɛ nɩ-daŋ-la kala bʋl, “Dɩ la nɛ cheye wɩɩŋ deeŋ lɛ, leŋ dɩ Wɩa dɔgɩsɛ la arɩ la biiriŋ a tɩŋ la sɩ kpʋʋ.” 26Ŋɩɩ nɛ Paalɩt lɩɩsɛ Barabas ta a pɩba aŋ ŋaa ba vɩɩrɛ Yesu aŋ joŋu pɩba dɩ ba kaa mʋ kpaasa mɛrɛ daagɛsɛ nyuŋ.
Laalɩyuoroo mɔŋ Yesu lɛ
Maak 15.16-20; Jɔɔŋ 19.2-3
27Ŋɩɩ nɛ Paalɩt laalɩyuoroo dɔnsʋŋ kɛŋ Yesu kaa jʋʋ Paalɩt kaala tʋɔŋ. Laalɩyuoro-la kʋkaanaa kala ma kʋ pɛ ba lɛ a hilimi. 28Ba wuri Yesu gɛnnɩŋ kala aŋ joŋ gɛrɩ-fɩaŋ duduoŋ laalʋ 29a chɛ sɔsʋŋ a kaa sʋa nyunchuulo a nagɛ kuoru nyunchuulo a joŋo chuu a joŋ dantɩga hɛ ʋ nadiiŋ lɛ aŋ tuu kpirimi ʋ sɩpaaŋ a mɔŋ ʋ lɛ a bʋl, “Juu tɩŋŋaa kuoro, laa chʋɔlʋŋ.” 30Ba tʋ nantʋɔrʋŋ a hɛ ʋ lɛ aŋ laa daa-la a ŋmoo ʋ nyuŋ lɛ. 31Ba sɩ mɔŋ ʋ lɛ dɛrɛ, ba wuri gɛrɩ-fɩaŋ duduoŋ-la aŋ paa ʋ tɩtɩa gɛnnɩŋ a laalʋ aŋ kɛnʋ kaa mʋ dɩ ba kpaasʋ mɛrɛ daagɛsɛ nyuŋ.
Ba kpaasɛ Yesu daagɛsɛ nyuŋ
Maak 15.21-32; Luuk 23.26-43; Jɔɔŋ 19.17-27
32Ba sɩ kɛnʋ kaa mʋmʋ dɩ ba kpaasʋ daagɛsɛ nyuŋ ŋɩɩ, ba cheŋ baal kʋbala baa yɩrɛ Saamɔŋ, ʋ taŋ yɩrɩŋ nɛ Siriini. Laalɩyuoro-la fʋgʋ ʋ laa Yesu daagɛsɛ-la a baasɛ. 33Ŋɩɩ nɛ ba kʋ yi lee kʋbala baa yɩrɛ Gɔlɩgɔta. Yɩrɩ-la bʋbʋɔŋ nɛ nyu-kuŋkogulo. 34Ba sɩ yi nɩmɛ, ba joŋ sɩnɩŋ a guoli kʋhaarɩŋ lɛ a pɩ Yesu dɩ ʋ nyʋa. Ʋ sɩ lenne dɩ ʋ hɛyɛ, ʋ vɩa. 35Ŋɩɩ nɛ ba kpaasʋ mɛrɛ daagɛsɛ nyuŋ aŋ tɔnsɛ ʋ gɛnnɩŋ wɩaa, dɩ ba paa kpaa dɔŋɔ a jɩŋ gɛrɩ bɛɛ nɛ nʋʋkala jaŋ laa. 36Ba hɔŋ nɩmɛ a bibenu. 37Ba sɩ sɩ Yesu ŋaa wɩalɩŋ chei, ba ŋmʋnsa hɛ daagɛsɛ-la lɛ a bʋl,
“JUU TƖŊŊAA KUORO YESU NƐ
Ŋ-LA.”
38Ŋɩɩ nɛ ba kpaasɛ gaaraa balɩa ma a mɛrɛ daagɛsɛ lɛ a pɛ Yesu lɛ. Dɔŋɔ hɛ ʋ nadiiŋ, dɔŋɔ ma hɛ ʋ nagʋa. 39Ba sɩ kpaasʋ mɛrɛ daagɛsɛ-la nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi 40a bʋl, “Oi, ŋ nɛ ŋaa nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ. Ŋ sɩ ŋaa Wɩa Bie, lɩɩ daagɛsɛ-la nyuŋ a laa ŋ tɩtɩa ta.” 41Wɩɩsʋllɩ sɩpaalaaraa kʋhɩasɩ-la arɩ Wɩa teniŋ kerichiba arɩ taŋ-la kʋhɩasɩŋ ma sisieri Yesu lɛ a bʋla pɩpɩ dɔŋɔ, 42“Ʋ wuo nɩaa laa tɩta nɛ aŋ bɩ ʋ tɩtɩa wuo laa ta. Ʋ sɩ sɩ ʋ nɛ ŋaa Kirisito, Juu tɩŋŋaa kuoro, leŋ dɩ ʋ lɩɩ daagɛsɛ-la nyuŋ kʋ tuu dɩ la na a laa ʋ wɩaa dii. 43Ʋ laa Wɩa dii nɛ a bʋl dɩ ʋ ŋaa Wɩa Bie nɛ. Tɔɔ, má leŋ dɩ la na dɩ Wɩa nɛ jaŋ laaʋ ta lɛɛlɛ.” 44Gaara-la balɩa ma ba sɩ kpaasa a pɛ Yesu lɛ, ba ma tʋʋsʋ ŋɩɩ tɩtɩa.
Yesu sʋba
Maak 15.33-41; Luuk 23.44-49; Jɔɔŋ 19.28-30
45Wɩa kʋ magɛ nyu-gbaŋa, leriŋ kala biri lim a mʋ yi dɩdaanɩŋ kerifi batori. 46Kerifi batori-la lɛ Yesu faasa yɩrɛ, “Eloi, Eloi, lama sabakɩtanɩ.” Ʋ bʋbʋɔŋ nɛ: “Mɩ Tɩɩna Wɩa, bɛɛ nɛ tɩɩ ŋ vɩamɛ ta?” 47Dɩ nɩaa dɔnsʋŋ chɩŋ nɩmɛ a jegile nɩɩ wɩalɩŋ ʋ sɩ bʋla. Ŋɩɩ nɛ ba bʋla pɩ dɔŋɔ, “Ɩlaaja nɛ baal-la yɩyɩrɛ ŋɩɩ.” 48Nɩalɩŋ dɔŋɔ fa sɩ chɩŋ nɩmɛ fá mʋ joŋ suosuo a kaa mʋ yuu sɩnɩŋ sɩ nyala a joŋo tuu sekeliŋ lɛ a kaa mʋ hɛ ʋ niiŋ lɛ dɩ ʋ nyʋa. 49Ŋɩɩ nɛ nɩalɩŋ dɔnsʋŋ fa sɩ hɛ nɩmɛ bʋl, “Má leŋ la gbɛrɛ a na arɩ Ɩlaaja jaŋ kʋ soru daagɛsɛ-la nyuŋ koo.” 50Ŋɩɩ nɛ Yesu faasa yel aŋ wiesi ʋ wiesi katɩɩ.
51Patɩɩsaŋ nɛ fa hɛ Wɩa dɩɩ-balɩŋ tʋɔŋ, ba kaa kɛrɛ. Ʋ kɩɛsɛ balɩa a chɩŋ nyu-gbaŋa a kʋ tuu. Ŋɩɩ nɛ tinteeŋ zigili, bʋsʋŋ ma yɛrɛ. 52Vaamaa ma suri suri, nɩalɩŋ sɩ laa Wɩa dii aŋ sʋʋ fa yʋga a sii sʋʋŋ lɛ a lɩɩ vaama-la lɛ. 53Yesu sɩ sii sʋʋŋ lɛ harɩŋ, ba mʋ Jerusalɛm. Nɩaa yʋga a naba lee-la. 54Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”
55Haalaa yʋga a ma fa chɩŋ dɩ-bolii a bibeŋ. Haala-la fa to Yesu harɩŋ nɛ a lɩɩ Galilii tinteeŋ a pɩpɛ ʋ lɛ. 56Ba tʋɔŋ nɩalɩŋ dɔnsʋŋ nɛ Mɛɛrɩ Magɩdalɩŋ arɩ Mɛɛrɩ dɔŋɔ. Ʋ fa ŋaa Jeems arɩ Josɛf naaŋ nɛ a pɛ Zebidi haala lɛ.
Ba hugi Yesu
Maak 15.42-47; Luuk 23.50-56; Jɔɔŋ 19.38-42
57Dɩdaanɩŋ sɩ yie, baal kʋbala sɩ lɩɩ taŋ kʋbala baa yɩrɛ Arɩmatɩya kɔ. Ʋ fa ŋaa kɩaa tɩɩna nɛ. Ʋ yɩrɩŋ nɛ fa Josɛf. Ʋ ma fa ŋaa Yesu harɩ-tooro-la dɔŋɔ nɛ. 58Ʋ mʋ Paalɩt teeŋ a sʋl Yesu kʋsʋʋŋ. Ŋɩɩ nɛ Paalɩt bʋl dɩ ba joŋo pʋ. 59Ŋɩɩ nɛ Josɛf laa a kɛŋ gɛrɩpɛ-pʋl-falɩŋ a bɛʋ 60a joŋu hugi ʋ tɩtɩa bʋa falɩŋ lɛ ʋ fa sɩ lɔsɔ bʋŋ nyuŋ. Ʋ bilimi tabɩɩ-balɩŋ kaa kʋ tɔ bʋa-la niiŋ aŋ viiri. 61Ka Mɛɛrɩ Magɩdalɩŋ arɩ Mɛɛrɩ dɔŋɔ-la hɔŋ a chaasɛ bʋa-la leriŋ.
Laalɩyuoroo pɔ vaaŋ-la
62Ʋ taŋ sɩ pʋla, chɛ-wiesii-la chɛɛŋ, Wɩɩsʋllɩ sɩpaalaaraa kʋhɩasɩŋ arɩ Farisii tɩmma-la mʋ Paalɩt teeŋ a bʋla pʋ, 63“Kʋhɩaŋ, la liisi wɩɩ nɛ. Bʋa-la lɛ wʋnyɩɛrʋ-la sɩ hɛ ʋ mɩɩsɩŋ lɛ, ʋ fa bʋla arɩ ʋ nɛ sʋba, ʋ jaŋ sii sʋʋŋ lɛ tapʋlaa batori chɛɛŋ. 64Ŋɩɩ wɩaa leŋ dɩ nɩaa mʋ a pɔ ʋ vaaŋ-la woruŋ dɩ tapʋlaa batori-la yi, dɩ ʋ harɩ-tooroo sɩ́ wuo mʋ a gaa kuusi aŋ bʋla pɩ nɩaa arɩ ʋ sii sʋʋŋ lɛ nɛ. Dɩ ba nɛ ŋaa wɩɩŋ deeŋ, ʋ nɛ jaŋ paala kɩɩ wɩalɩŋ kala ʋ sɩ nyɩa.” 65Ŋɩɩ nɛ Paalɩt bʋla pɩba dɩ ba kɛŋ laalɩyuoroo mʋ dɩ ba pɔ vaaŋ-la woruŋ. 66Ŋɩɩ nɛ ba laalɩyuoro-la mʋ a fere tɔ tabɩɩ-la ba sɩ kaa tɔ bʋa-la niiŋ aŋ leŋ nɩaa pɔ lee-la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014