Matiu 1
1
Yesu doho nɩaa
Luuk 3.23-28
1Yesu doho nɩaa nɛ ŋ-la. Ʋ naabalɩmaba nɛ fa ŋaa Abɩraham arɩ Devit.
2Abɩraham nɛ fa lʋl Aɩzɩk. Aɩzɩk ma sii lʋl Jekɔb. Jekɔb ma sii lʋl Juda arɩ ʋ naambiiriŋ. 3Juda ma sii lʋl Pɛrɛs arɩ Zɛra. (Ba naaŋ yɩrɩŋ nɛ fa Tama.) Pɛrɛs ma bɩra sii lʋl Hɛzɩrɔŋ. Hɛzɩrɔŋ ma sii lʋl Ram. 4Ram ma sii lʋl Amɩnadab. Amɩnadab ma sii lʋl Nasɔŋ. Nasɔŋ ma sii lʋl Salɩmɔŋ. 5Salɩmɔŋ ma sii lʋl Bʋas. (Bʋas naaŋ yɩrɩŋ nɛ fa Rahab.) Bʋas ma sii lʋl Ɔbɛd. (Ɔbɛd ma naaŋ yɩrɩŋ nɛ fa Ruf.) Ɔbɛd ma sii lʋl Jesi. 6Jesi ma bɩra sii lʋl kuoro Devit. Devit ma fa lʋl Solomoŋ. (Solomoŋ ma naaŋ fa ŋaa Yuria haala nɛ. Yuria sʋʋ aŋ ka Devit joŋo jaa.) 7Solomoŋ ma sii lʋl Rehobuam, Rehobuam ma sii lʋl Abija, Abija ma sii lʋl Asa. 8Asa ma sii lʋl Jehosafat, Jehosafat ma sii lʋl Jehoram, Jehoram ma sii lʋl Uzia. 9Uzia ma sii lʋl Jotam, Jotam ma sii lʋl Ehas, Ehas ma sii lʋl Hezikaaya. 10Hezikaaya ma sii lʋl Manasɛ, Manasɛ ma sii lʋl Amɔŋ, Amɔŋ ma sii lʋl Josaaya. 11Josaaya ma sii lʋl Jekonaaya arɩ ʋ naambiiriŋ. Bʋa-la lɛ nɛ ba kɛŋ Iziral tɩŋŋaa mʋ Babɩlɔŋ.
12Ba fa sɩ kɛŋ Iziral tɩŋŋaa kaa mʋ Babɩlɔŋ ŋɩɩ, ʋ ŋɩɩ harɩŋ lɛ nɛ Jekonaya lʋl Sɩalɩtɩɛl, Sɩalɩtɩɛl ma sii lʋl Zerubabɛl. 13Zerubabɛl ma sii lʋl Abɩʋ, Abɩʋ ma sii lʋl Ɛlɩakɩm, Ɛlɩakɩm ma sii lʋl Azɔ. 14Azɔ ma sii lʋl Zadɔk, Zadɔk ma sii lʋl Akɩm, Akɩm ma sii lʋl Ɛlɩʋt. 15Ɛlɩʋt ma sii lʋl Elieza, Elieza ma sii lʋl Mataŋ, Mataŋ ma bɩra sii lʋl Jekɔb. 16Jekɔb ma sii lʋl Josɛf, Josɛf nɛ saa jaa Mɛɛrɩ. Mɛɛrɩ nɛ lʋl Yesu, Nɩɩ-la ba sɩɩ yɩrɛ Kirisito.
17A suomi Abɩraham sɩ hɛ ʋ mɩɩsɩŋ lɛ a kaa kʋkɔ Devit sɩ hɛ ʋ mɩɩsɩŋ lɛ, ʋ dɩ ʋ nihi-lɩɛrɛba kala fa ŋaa fii arɩ banɛsɛ nɛ. Devit sɩ hɛ ʋ mɩɩsɩŋ lɛ a kaa kʋkɔ bʋa-la lɛ ba fa sɩ kɛsɛ Iziral tɩŋŋaa kaa mʋ Babɩlɔŋ, Devit nihi-lɩɛrɛba kala ma fa ŋaa fii arɩ banɛsɛ nɛ, a bɩra chɩŋ bʋa-la lɛ ba sɩ kɛsɛ Iziral tɩŋŋaa kaa mʋ Babɩlɔŋ a kaa kʋkɔ bʋa-la lɛ ba sɩ lʋl Kirisito, nɩalɩŋ ba sɩ kɛsɛ kaa mʋ Babɩlɔŋ nihi-lɩɛrɛba ma fa ŋaa fii arɩ banɛsɛ nɛ.
Yesu lʋlʋŋ bʋa lɛ
Luuk 2.1-7
18Ŋ-la nɛ ba ŋaa a lʋl Yesu Kirisito. Josɛf nɛ fa sʋgɛ ʋ naaŋ Mɛɛrɩ dɩ ʋ jaa. Ka dɩ ba-na jaa dɔŋɔ, Mɛɛrɩ na dɩ ʋ kɛŋ luoruŋ. Wɩa Dɩŋ-zɔmʋŋ nɛ hɛ pʋ. 19Josɛf fa ŋaa nɩpʋla nɛ. Ʋ fa bɩ chɛ dɩ ʋ hɩɩsɛ Mɛɛrɩ nɩaa tʋɔŋ. Ŋɩɩ nɛ ʋ kɛŋ ʋ tʋɔŋ lɛ dɩ ʋ vɩaʋ. 20Ʋ fa sɩɩ bɩɩnɛ ŋɩɩ, Wɩa tɩndaara kɔ ʋ teeŋ arɩ duosoo tʋɔŋ a bʋla pʋ, “Josɛf, Devit doho nʋʋ, sɩ́ leŋe dɩ fawʋllʋŋ kɛnɩŋ ŋ sɩɩ chɛ dɩ ŋ jaa Mɛɛrɩ, bɛɛ wɩaa luoru-la ʋ sɩ kɛnɛ ŋaa Wɩa Dɩŋ-zɔmʋŋ nɛ hɛ pʋ. 21Ʋ jaŋ lʋl baal, ŋ jaŋ hɛ ʋ yɩrɩŋ Yesu, bɛɛ wɩaa ʋ nɛ jaŋ laa ʋ nɩaa wʋbɔŋŋɔɔ ta.” 22Wɩɩŋ deeŋ kala ŋaa dɩ wɩalɩŋ La Tɩɩna Wɩa fa sɩ bʋla kʋ ŋaa wʋtɩtɩɩ nɛ, ʋ fa to ʋ wʋlaabʋllaa lɛ nɛ a bʋl ŋɩɩ. 23Wɩalɩŋ ʋ fa sɩ bʋla nɛ ŋ-la:
“Hatolo kʋbala ha sɩ bɩ baal
jɩŋ jaŋ kɛŋ luoruŋ a lʋl hambolibie.
Ba jaŋ hɛ ʋ yɩrɩŋ Ɩmanʋɛl.”
(Ʋ yɩrɩ-la bʋbʋɔŋ nɛ Wɩa hɛ la teeŋ.) 24Josɛf sɩ sii doŋ lɛ, ʋ ŋaa ŋɩɩ Wɩa tɩndaarʋ-la sɩ bʋla pʋ a jaa Mɛɛrɩ. 25Ʋ sɩ jaaʋ ŋɩɩ, ʋ dɩ ʋ bɩ dɔŋɔ jɩŋ, ka ʋ lʋl ʋ hatol-bie. Ŋɩɩ nɛ Josɛf hɛ ʋ yɩrɩŋ Yesu.
Currently Selected:
Matiu 1: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014