MALAKAƖ 4
4
La TƖƖNA tapʋlʋŋ
1La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka. 2Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ. 3Tapʋlɩɩ-la nɛ ma jaŋ nʋɔsɛ nɩbɔŋŋɔɔ bil, dɩ ba nagɛ tʋɔrʋŋ ma naasɩŋ bʋbʋɔŋ. 4Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.
5Ama ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na yi, mɩ jaŋ tɩŋ mɩ wʋlaabʋlla Ɩlaaja dɩ ʋ kɔ ma teeŋ. 6Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”
Currently Selected:
MALAKAƖ 4: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014