AMƆS 6
6
Wɩɩŋ puu Iziral tɩmma-la sɩ hɔnɔ ta jɩa
1Wɩɩŋ puu ma nɩalɩŋ sɩ hɛ Zaayɔŋ lɛ
a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ,
wɩɩkala bɩ maa walɩmɛ.
Ma Iziral tintee balɩŋ deeŋ
sɩpaalaarɩ-duoruŋ nɩaa sɩ yie kɔ ma teeŋ
a chɩchɛ dɩ ma pɛ ba lɛ, ma jaŋ na hɛɛŋ.
2Má mʋ tabal-la ba sɩɩ yɩrɛ Kalɩnɛ a na,
aŋ kiele mʋ na tabal-la ma ba sɩɩ yɩrɛ Hamaf,
a joŋo tuu beŋ tabal-la ma sɩ hɛ Fɩlɩsɩtɩa tinteeŋ lɛ baa yɩrɛ Gaf.
Ba kpɩa ma Juda arɩ Iziral tinteyee nɛɛ?
Ba tinteeŋ jalɩa kɩɩ ma kʋa nɛɛ?
3Ma yʋ tapʋlɩɩ-la La TƖƖNA sɩ jaŋ dii nɩaa sarɩya wɩaa nɛ,
aŋ leŋ ma wʋŋaalaa lɛrɛ tapʋlɩɩ-la kʋʋ kpagɛ.
4Wɩɩŋ puu ma nɩalɩŋ sɩ kɛŋ kɩaa
aa pɩŋ moribii-balaa kʋpɩnaa nyuŋ,
a hɔŋ ma kumpuŋŋuba nyuŋ
a kpʋ pie-nɛrɛɛ arɩ nɛ-nɛrɛɛ chɩchaŋ.
5Ma yie yɩɩ yɩɩl-tɔɔnʋŋ a du chenniŋ hɛ,
a yɩɩ yɩɩl-falaa a nagɛ Devit fa sɩɩ ŋaa ŋɩɩ.
6Ma yie nyʋnyʋa sɩ-gbaŋ-balaa a tɩtɩsɛ tʋlaalɩɩ-zɔŋŋɔɔ,
aŋ bɩ Iziral sɩ pɩŋ jikpeeŋ wɩaa ka yel.
7Ŋɩɩ wɩaa, ma nɛ ba jaŋ laa sɩpaaŋ kɛsɛ
kaa mʋ yoŋ-baga dɩ ma ŋaa yosi.
Sɩma-la ma sɩɩ nɩɩ jaŋ dɛrɛ.
La TƖƖNA bɛrɛ Iziral tɩŋŋaa babii-ballɩŋ nɛ
8La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ:
“Ma Jekɔb doho nɩaa, mɩ bɛrɛ ma babii-ballɩɩ-la nɛ,
a bɛrɛ ma moribiee dɩɩ-bala-la ma.
Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”
9Ŋɩɩ nɛ Amɔs bʋl, “Dɩ ma nɩaa fii nɛ ka a faa dɩa lɛ, ba ma ha jaŋ sʋʋ.
10Dɩ ba naambii nɛ paa sʋʋnʋ-la kaa lɩɩ dɩ ʋ nyɩgɛ koo dɩ ʋ hugi,
ʋ jaŋ pɩɛsɛ nɩɩ-la kala sɩ ka,
‘Nʋʋ dɔŋ ha hɛ dɩa lɛ a pɛ ŋ lɛɛ?’
Nɩɩ-la jaŋ bʋl, ‘Aɩ,’ Ʋ jaŋ bɩra bʋl,
‘Tɔrɛ ŋ niiŋ, pʋpɔ dɩ ŋ sɩ́ La Tɩɩna yɩrɩŋ yɩrʋ.’
11Dɩ La Tɩɩna nɛ suri ʋ niiŋ,
dɩɩ-balaa arɩ dɩɩ-biisiŋ kala jaŋ tele yɛrɛ muno muno.
12Janɩŋ ka fá bʋŋ nyuŋ nɛɛ?
Ba kɛŋ nɛsɩŋ pɩpɛrɛ mʋgʋ-balɩŋ tʋɔŋ nɛɛ?
Ama ma-na kɛŋ wʋtɩtɩɩ bɩrɩmɛ wʋnyɩɛrɩŋ nɛ,
aŋ kɛŋ wʋnyɩɛrɩŋ ma bɩrɩmɛ wʋtɩtɩɩ.
13Maa jʋɔsʋ nɛ arɩ ma sɩ yuo dii tasɩ-la
ba sɩɩ yɩrɛ Lo-Dɛba arɩ Kaanem
aŋ ŋmoo ma bɔyɛ lɛ a bʋl,
‘La tɩtɩa doluŋ nɛ la kaa yuo diiba.’ ”
14La Tɩɩna Wɩa doluŋ kala Tɩɩna sɩ,
“Mɩ jaŋ yigi tintee kʋbala ma hɛ Iziral tɩŋŋaa lɛ.
Ba jaŋ dɔgɩsɛma a chɩŋ Lebo Hamaf sɩ hɛ wɩɩpɔsʋŋ nagʋa dɩɩrɩŋ
a kaa mʋ Araba fuonaaŋ sɩ hɛ wɩɩpɔsʋŋ nadiiŋ dɩɩrɩŋ.”
Currently Selected:
AMƆS 6: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
AMƆS 6
6
Wɩɩŋ puu Iziral tɩmma-la sɩ hɔnɔ ta jɩa
1Wɩɩŋ puu ma nɩalɩŋ sɩ hɛ Zaayɔŋ lɛ
a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ,
wɩɩkala bɩ maa walɩmɛ.
Ma Iziral tintee balɩŋ deeŋ
sɩpaalaarɩ-duoruŋ nɩaa sɩ yie kɔ ma teeŋ
a chɩchɛ dɩ ma pɛ ba lɛ, ma jaŋ na hɛɛŋ.
2Má mʋ tabal-la ba sɩɩ yɩrɛ Kalɩnɛ a na,
aŋ kiele mʋ na tabal-la ma ba sɩɩ yɩrɛ Hamaf,
a joŋo tuu beŋ tabal-la ma sɩ hɛ Fɩlɩsɩtɩa tinteeŋ lɛ baa yɩrɛ Gaf.
Ba kpɩa ma Juda arɩ Iziral tinteyee nɛɛ?
Ba tinteeŋ jalɩa kɩɩ ma kʋa nɛɛ?
3Ma yʋ tapʋlɩɩ-la La TƖƖNA sɩ jaŋ dii nɩaa sarɩya wɩaa nɛ,
aŋ leŋ ma wʋŋaalaa lɛrɛ tapʋlɩɩ-la kʋʋ kpagɛ.
4Wɩɩŋ puu ma nɩalɩŋ sɩ kɛŋ kɩaa
aa pɩŋ moribii-balaa kʋpɩnaa nyuŋ,
a hɔŋ ma kumpuŋŋuba nyuŋ
a kpʋ pie-nɛrɛɛ arɩ nɛ-nɛrɛɛ chɩchaŋ.
5Ma yie yɩɩ yɩɩl-tɔɔnʋŋ a du chenniŋ hɛ,
a yɩɩ yɩɩl-falaa a nagɛ Devit fa sɩɩ ŋaa ŋɩɩ.
6Ma yie nyʋnyʋa sɩ-gbaŋ-balaa a tɩtɩsɛ tʋlaalɩɩ-zɔŋŋɔɔ,
aŋ bɩ Iziral sɩ pɩŋ jikpeeŋ wɩaa ka yel.
7Ŋɩɩ wɩaa, ma nɛ ba jaŋ laa sɩpaaŋ kɛsɛ
kaa mʋ yoŋ-baga dɩ ma ŋaa yosi.
Sɩma-la ma sɩɩ nɩɩ jaŋ dɛrɛ.
La TƖƖNA bɛrɛ Iziral tɩŋŋaa babii-ballɩŋ nɛ
8La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ:
“Ma Jekɔb doho nɩaa, mɩ bɛrɛ ma babii-ballɩɩ-la nɛ,
a bɛrɛ ma moribiee dɩɩ-bala-la ma.
Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”
9Ŋɩɩ nɛ Amɔs bʋl, “Dɩ ma nɩaa fii nɛ ka a faa dɩa lɛ, ba ma ha jaŋ sʋʋ.
10Dɩ ba naambii nɛ paa sʋʋnʋ-la kaa lɩɩ dɩ ʋ nyɩgɛ koo dɩ ʋ hugi,
ʋ jaŋ pɩɛsɛ nɩɩ-la kala sɩ ka,
‘Nʋʋ dɔŋ ha hɛ dɩa lɛ a pɛ ŋ lɛɛ?’
Nɩɩ-la jaŋ bʋl, ‘Aɩ,’ Ʋ jaŋ bɩra bʋl,
‘Tɔrɛ ŋ niiŋ, pʋpɔ dɩ ŋ sɩ́ La Tɩɩna yɩrɩŋ yɩrʋ.’
11Dɩ La Tɩɩna nɛ suri ʋ niiŋ,
dɩɩ-balaa arɩ dɩɩ-biisiŋ kala jaŋ tele yɛrɛ muno muno.
12Janɩŋ ka fá bʋŋ nyuŋ nɛɛ?
Ba kɛŋ nɛsɩŋ pɩpɛrɛ mʋgʋ-balɩŋ tʋɔŋ nɛɛ?
Ama ma-na kɛŋ wʋtɩtɩɩ bɩrɩmɛ wʋnyɩɛrɩŋ nɛ,
aŋ kɛŋ wʋnyɩɛrɩŋ ma bɩrɩmɛ wʋtɩtɩɩ.
13Maa jʋɔsʋ nɛ arɩ ma sɩ yuo dii tasɩ-la
ba sɩɩ yɩrɛ Lo-Dɛba arɩ Kaanem
aŋ ŋmoo ma bɔyɛ lɛ a bʋl,
‘La tɩtɩa doluŋ nɛ la kaa yuo diiba.’ ”
14La Tɩɩna Wɩa doluŋ kala Tɩɩna sɩ,
“Mɩ jaŋ yigi tintee kʋbala ma hɛ Iziral tɩŋŋaa lɛ.
Ba jaŋ dɔgɩsɛma a chɩŋ Lebo Hamaf sɩ hɛ wɩɩpɔsʋŋ nagʋa dɩɩrɩŋ
a kaa mʋ Araba fuonaaŋ sɩ hɛ wɩɩpɔsʋŋ nadiiŋ dɩɩrɩŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014