AMƆS 5
5
Má leŋ dɩ ma tʋɔŋ chei dɩ ma bɩrɩma lɩɩ ma wʋbɔŋŋɔɔ lɛ
1Ma Iziral tɩmma, má jegile nɩɩ jembii-la mɩ-na Amɔs sɩ ta a tɩgɛ ma lɛ:
2“Iziral tɩmma, ma tele nɛ a bɩra bɩ wuo sii,
ba vɩama ta nɛ ma pɩŋ ma tɩtɩa tinteeŋ lɛ,
nʋʋkala tuo dɩ ʋ kɛmma dɩ ma sii.”
3Wɩɩ-la La Tɩɩna Wɩɩjarɩbakɔ sɩ bʋla nɛ ŋ-la:
“Dɩ Iziral tabal nɛ kɛŋ laalɩyuori-duoruŋ bʋɩ lɩɩ dɩ ba yuo laalɩŋ,
ba nɩaa zɔlɔ dʋndʋŋ nɛ jaŋ mɩɩra kɔ.
Dɩ ba tabie ma nɛ kɛŋ laalɩyuori-duoruŋ zɔlɔ a lɩɩ dɩ ba yuo laalɩŋ,
ba nɩaa fii dʋndʋŋ nɛ jaŋ mɩɩra kɔ.”
4La Tɩɩna bɩra bʋla pɩ Iziral tɩŋŋaa,
“Má chɛmɛ, ŋɩɩ nɛ ma jaŋ kɛŋ mɩɩsɩŋ,
5má sɩ́ Bɛtɛl mʋ a chɩchɛmɛ,
a sɩ́ Gɩlɩgal ma mʋ chɩchɛ dɩ ma namɛ nɩmɛ,
a sɩ́ Bɛɛsɩba ma mʋ.
Ba jaŋ kɛsɛ Gɩlɩgal nɩaa mʋ dɩ ba ŋaa yosi.
Bɛtɛl ma jaŋ kʋ ŋaa kʋpɛɩ.”
6Má chɛ La Tɩɩna, ŋɩɩ nɛ ma jaŋ kɛŋ mɩɩsɩŋ,
dɩ ŋɩɩ dee ʋ jaŋ nagɛ nyiniŋ a kʋ joŋ Josɛf doho nɩaa kala dii,
ka nʋʋkala jaŋ tuo Bɛtɛl lɛ sɩ jaŋ dɩsɛ nyiŋ-la.
7Ma yie kɛŋ wʋtɩtɩɩ bɩrɩmɛ wʋnyɩɛrɩŋ nɛ,
aŋ gʋrɛ nɩalɩŋ kɩaa sɩ sɩma.
8La TƖƖNA nɛ ŋaa chɛnwʋlaa a leŋ ba chɩŋ ba dɩchɩnaa,
ʋ nɛ kɛŋ birimiŋ a bɩrɩmɛ pʋlʋmʋŋ,
a bɩra kɛŋ pʋlʋmʋŋ ma a bɩrɩmɛ birimiŋ.
Ʋ nɛ yie leŋ mʋgʋ-balɩŋ lɩɩŋ bɩrɩmɛ duonuŋ
a nɩɩ hɛ tinteeŋ lɛ.
Ʋ yɩrɩŋ nɛ La TƖƖNA.
9Ʋ nɛ chei laalɩyuori babiibalaa arɩ ba dɩ-duoruŋ,
a leŋ taŋ-la ba sɩ saa kɛrɛ golli pɩŋ jikpeeŋ.
10Ma bɛrɛ nɩalɩŋ sɩɩ dii sarɩya ʋ bʋa lɛ nɛ,
ma sɩɩŋ ma bɩ nɩalɩŋ sɩɩ bʋl wʋtɩtɩɩ ka su.
11Ma kɛŋ summoo jɩlaa tuu nɛ a fʋgaa laa ba mɩaa.
Ŋɩɩ wɩaa ma saa dɩɩ-balaa ma nɛ,
ama ma bɩ jaŋ jʋʋba a nɩɩ sɩma.
Ma pɛrɛ girep tɩɩsɩŋ bagɩsɩŋ nɛ,
ama ma bɩ jaŋ nyʋa ba sɩnɩŋ.
12Mɩ jɩŋ ŋɩɩ ma wʋcheelee arɩ wʋbɔŋŋɔɔ sɩ yʋga magɛ nɛ.
Ma gʋrɛ nɩalɩŋ sɩ kɛŋ wʋtɩtɩɩ nɛ a laa kpalaa,
a pɔ dɩ summoo sɩ́ kʋsɩŋŋaa laa sarɩya dɩ-diiliŋ.
13Ŋɩɩ wɩaa, bʋa deeŋ lɛ wɩaa sɩ lɔrɔ ŋ-la,
nɩɩ-la kala sɩ kɛŋ wʋjɩmɩŋ jaŋ tɔrɛ ʋ niiŋ.
14Dɩ ma nɩɩ chɛ dɩ ma kɛŋ mɩɩsɩŋ,
má ŋɩŋaa wʋzɔŋŋɔɔ aŋ leŋ wʋbɔŋŋɔɔ.
Ŋɩɩ nɛ La Tɩɩna doluŋ kala Tɩɩna jaŋ chɩŋ ma harɩŋ
arɩ ma sɩ sɩ ʋ chɩŋ ma harɩŋ ŋɩɩ.
15Má bɛrɛ wʋbɔŋŋɔɔ, aŋ cho wʋzɔŋŋɔɔ,
a leŋ dɩ wʋtɩtɩɩ chaasa chɩŋ ma sarɩya dɩ-diilee.
Kapo La TƖƖNA doluŋ kala Tɩɩna
jaŋ fá ma Josɛf doho nɩkaanaa nenige.
16Wɩɩ-la La TƖƖNA doluŋ kala Tɩɩna sɩ bʋla nɛ ŋ-la:
“Ma jaŋ nɩɩ dɩ baa ŋmoo niiŋ womporunuŋ arɩ bilii kala lɛ.
Ba jaŋ paala yɩrɛ paaraa
dɩ ba kʋ pɛ gɔgɔɔ lɛ dɩ ba yel kɩŋkɛŋ.
17Ba jaŋ yele su girep tɩɩsɩŋ bagɩsɩŋ kala.
Wɩɩŋ deeŋ jaŋ ŋaa a tɩŋ mɩ sɩ jaŋ kʋ dɔgɩsɛma wɩaa.
Mɩ-na ma Tɩɩna nɛ bʋla.”
Tapʋlɩɩ-la La TƖƖNA sɩ jaŋ dii nɩaa sarɩya
18Maa gbɛrɛ tapʋlɩɩ-la La Tɩɩna sɩ jaŋ kʋ dii nɩaa sarɩya nɛ,
ama tapʋlɩɩ-la jaŋ lɔrɔ pɩma.
Bɛɛ nɛ tɩɩ maa gbɛrɛ La TƖƖNA tapʋlɩɩ-la?
Tapʋlɩɩ-la, leriŋ kala jaŋ biri, pʋlʋmʋŋ jaŋ tuo.
19Ʋ jaŋ nagɛ nʋʋ sɩ fá kagɛ naachigiŋ lɛ
a mɩɩra mʋ jʋʋ lʋgʋmʋŋ niiŋ,
koo a nagɛ nʋʋ sɩ jʋʋ dɩa
a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.
20Tapʋlɩɩ-la La TƖƖNA sɩ jaŋ dii nɩaa sarɩya,
leriŋ jaŋ chaasa biri lim.
Pʋlʋmʋŋ mʋa ma bɩ jaŋ hɛ nɩmɛ.
21La TƖƖNA sɩ, “Mɩ bɛrɛ ma Wɩɩchʋɔlɛ gbieli-la nɛ,
mɩ sɩɩŋ bɩ baa su.
Mɩ mɩɩsɩŋ fɩɩ ŋɩɩ ma sɩ yie hilimi a dɩdɛnnɛmɛ nɛ.
22Mɩ bɩ jaŋ laa ma kʋnyɩgaa Wɩɩsʋlʋŋ
arɩ ma mɩaa Wɩɩsʋlʋŋ.
Mɩ bɩ pʋŋ-nɛrɛɛ-la ma sɩ yie kpʋ
a sʋl nii-magɛ dɔŋɔ Wɩɩsʋlɩɩ-la ma ka chɛ.
23Má leŋ ma yɩɩlaa goŋ-la,
mɩ bɩ jaŋ jegili ma chenni-la ma sɩɩ du.
24Má leŋ dɩ ma wʋtɩtɩɩ nagɛ fuoŋ sɩɩ pɛllʋ,
dɩ tʋɔpʋla ma nagɛ fuoŋ lɩɩŋ sɩ bɩ hʋ.
25Iziral tɩmma, mɩ sɩ kɛmma gɔllɛ
tintee-hɩlɩŋ lɛ jɩsɩŋ mahɩŋ balɩa-la,
ma bɩ pʋsʋŋ kpʋa
a ŋaa Wɩɩsʋlʋŋ pɩmɛ koo a kɛŋ Wɩɩsʋlʋŋ kɩaa kʋ pɩmɛ.
26Ma mɛ vesiŋ balɩa nɛ pɩ ma tɩtɩa a kpʋkpaarɛ.
Dɔŋɔ yɩrɩŋ nɛ Sakuf, kʋ-la ma sɩ kaa yɩrɛ ma kuoro.
Dɔŋɔ ma yɩrɩŋ nɛ Kaɩwaŋ,
kʋ-la ma sɩ mɛ ʋ nagɛ chɛnwʋlʋŋ.
27Ŋɩɩ wɩaa ma jaŋ pɛ paa ma vesi-la
dɩ mɩ nɛ kɛmma mʋmʋ yoŋ-baga
a kieli tabal-la ba sɩɩ yɩrɛ Damasɩkʋs,”
La Tɩɩna nɛ bʋla, ʋ yɩrɩŋ nɛ Wɩa doluŋ kala Tɩɩna.
Currently Selected:
AMƆS 5: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
AMƆS 5
5
Má leŋ dɩ ma tʋɔŋ chei dɩ ma bɩrɩma lɩɩ ma wʋbɔŋŋɔɔ lɛ
1Ma Iziral tɩmma, má jegile nɩɩ jembii-la mɩ-na Amɔs sɩ ta a tɩgɛ ma lɛ:
2“Iziral tɩmma, ma tele nɛ a bɩra bɩ wuo sii,
ba vɩama ta nɛ ma pɩŋ ma tɩtɩa tinteeŋ lɛ,
nʋʋkala tuo dɩ ʋ kɛmma dɩ ma sii.”
3Wɩɩ-la La Tɩɩna Wɩɩjarɩbakɔ sɩ bʋla nɛ ŋ-la:
“Dɩ Iziral tabal nɛ kɛŋ laalɩyuori-duoruŋ bʋɩ lɩɩ dɩ ba yuo laalɩŋ,
ba nɩaa zɔlɔ dʋndʋŋ nɛ jaŋ mɩɩra kɔ.
Dɩ ba tabie ma nɛ kɛŋ laalɩyuori-duoruŋ zɔlɔ a lɩɩ dɩ ba yuo laalɩŋ,
ba nɩaa fii dʋndʋŋ nɛ jaŋ mɩɩra kɔ.”
4La Tɩɩna bɩra bʋla pɩ Iziral tɩŋŋaa,
“Má chɛmɛ, ŋɩɩ nɛ ma jaŋ kɛŋ mɩɩsɩŋ,
5má sɩ́ Bɛtɛl mʋ a chɩchɛmɛ,
a sɩ́ Gɩlɩgal ma mʋ chɩchɛ dɩ ma namɛ nɩmɛ,
a sɩ́ Bɛɛsɩba ma mʋ.
Ba jaŋ kɛsɛ Gɩlɩgal nɩaa mʋ dɩ ba ŋaa yosi.
Bɛtɛl ma jaŋ kʋ ŋaa kʋpɛɩ.”
6Má chɛ La Tɩɩna, ŋɩɩ nɛ ma jaŋ kɛŋ mɩɩsɩŋ,
dɩ ŋɩɩ dee ʋ jaŋ nagɛ nyiniŋ a kʋ joŋ Josɛf doho nɩaa kala dii,
ka nʋʋkala jaŋ tuo Bɛtɛl lɛ sɩ jaŋ dɩsɛ nyiŋ-la.
7Ma yie kɛŋ wʋtɩtɩɩ bɩrɩmɛ wʋnyɩɛrɩŋ nɛ,
aŋ gʋrɛ nɩalɩŋ kɩaa sɩ sɩma.
8La TƖƖNA nɛ ŋaa chɛnwʋlaa a leŋ ba chɩŋ ba dɩchɩnaa,
ʋ nɛ kɛŋ birimiŋ a bɩrɩmɛ pʋlʋmʋŋ,
a bɩra kɛŋ pʋlʋmʋŋ ma a bɩrɩmɛ birimiŋ.
Ʋ nɛ yie leŋ mʋgʋ-balɩŋ lɩɩŋ bɩrɩmɛ duonuŋ
a nɩɩ hɛ tinteeŋ lɛ.
Ʋ yɩrɩŋ nɛ La TƖƖNA.
9Ʋ nɛ chei laalɩyuori babiibalaa arɩ ba dɩ-duoruŋ,
a leŋ taŋ-la ba sɩ saa kɛrɛ golli pɩŋ jikpeeŋ.
10Ma bɛrɛ nɩalɩŋ sɩɩ dii sarɩya ʋ bʋa lɛ nɛ,
ma sɩɩŋ ma bɩ nɩalɩŋ sɩɩ bʋl wʋtɩtɩɩ ka su.
11Ma kɛŋ summoo jɩlaa tuu nɛ a fʋgaa laa ba mɩaa.
Ŋɩɩ wɩaa ma saa dɩɩ-balaa ma nɛ,
ama ma bɩ jaŋ jʋʋba a nɩɩ sɩma.
Ma pɛrɛ girep tɩɩsɩŋ bagɩsɩŋ nɛ,
ama ma bɩ jaŋ nyʋa ba sɩnɩŋ.
12Mɩ jɩŋ ŋɩɩ ma wʋcheelee arɩ wʋbɔŋŋɔɔ sɩ yʋga magɛ nɛ.
Ma gʋrɛ nɩalɩŋ sɩ kɛŋ wʋtɩtɩɩ nɛ a laa kpalaa,
a pɔ dɩ summoo sɩ́ kʋsɩŋŋaa laa sarɩya dɩ-diiliŋ.
13Ŋɩɩ wɩaa, bʋa deeŋ lɛ wɩaa sɩ lɔrɔ ŋ-la,
nɩɩ-la kala sɩ kɛŋ wʋjɩmɩŋ jaŋ tɔrɛ ʋ niiŋ.
14Dɩ ma nɩɩ chɛ dɩ ma kɛŋ mɩɩsɩŋ,
má ŋɩŋaa wʋzɔŋŋɔɔ aŋ leŋ wʋbɔŋŋɔɔ.
Ŋɩɩ nɛ La Tɩɩna doluŋ kala Tɩɩna jaŋ chɩŋ ma harɩŋ
arɩ ma sɩ sɩ ʋ chɩŋ ma harɩŋ ŋɩɩ.
15Má bɛrɛ wʋbɔŋŋɔɔ, aŋ cho wʋzɔŋŋɔɔ,
a leŋ dɩ wʋtɩtɩɩ chaasa chɩŋ ma sarɩya dɩ-diilee.
Kapo La TƖƖNA doluŋ kala Tɩɩna
jaŋ fá ma Josɛf doho nɩkaanaa nenige.
16Wɩɩ-la La TƖƖNA doluŋ kala Tɩɩna sɩ bʋla nɛ ŋ-la:
“Ma jaŋ nɩɩ dɩ baa ŋmoo niiŋ womporunuŋ arɩ bilii kala lɛ.
Ba jaŋ paala yɩrɛ paaraa
dɩ ba kʋ pɛ gɔgɔɔ lɛ dɩ ba yel kɩŋkɛŋ.
17Ba jaŋ yele su girep tɩɩsɩŋ bagɩsɩŋ kala.
Wɩɩŋ deeŋ jaŋ ŋaa a tɩŋ mɩ sɩ jaŋ kʋ dɔgɩsɛma wɩaa.
Mɩ-na ma Tɩɩna nɛ bʋla.”
Tapʋlɩɩ-la La TƖƖNA sɩ jaŋ dii nɩaa sarɩya
18Maa gbɛrɛ tapʋlɩɩ-la La Tɩɩna sɩ jaŋ kʋ dii nɩaa sarɩya nɛ,
ama tapʋlɩɩ-la jaŋ lɔrɔ pɩma.
Bɛɛ nɛ tɩɩ maa gbɛrɛ La TƖƖNA tapʋlɩɩ-la?
Tapʋlɩɩ-la, leriŋ kala jaŋ biri, pʋlʋmʋŋ jaŋ tuo.
19Ʋ jaŋ nagɛ nʋʋ sɩ fá kagɛ naachigiŋ lɛ
a mɩɩra mʋ jʋʋ lʋgʋmʋŋ niiŋ,
koo a nagɛ nʋʋ sɩ jʋʋ dɩa
a joŋ ʋ nɩsɩŋ tɩgɛ jeeŋ, dɩmɩŋ kaa dɩŋ nɛ.
20Tapʋlɩɩ-la La TƖƖNA sɩ jaŋ dii nɩaa sarɩya,
leriŋ jaŋ chaasa biri lim.
Pʋlʋmʋŋ mʋa ma bɩ jaŋ hɛ nɩmɛ.
21La TƖƖNA sɩ, “Mɩ bɛrɛ ma Wɩɩchʋɔlɛ gbieli-la nɛ,
mɩ sɩɩŋ bɩ baa su.
Mɩ mɩɩsɩŋ fɩɩ ŋɩɩ ma sɩ yie hilimi a dɩdɛnnɛmɛ nɛ.
22Mɩ bɩ jaŋ laa ma kʋnyɩgaa Wɩɩsʋlʋŋ
arɩ ma mɩaa Wɩɩsʋlʋŋ.
Mɩ bɩ pʋŋ-nɛrɛɛ-la ma sɩ yie kpʋ
a sʋl nii-magɛ dɔŋɔ Wɩɩsʋlɩɩ-la ma ka chɛ.
23Má leŋ ma yɩɩlaa goŋ-la,
mɩ bɩ jaŋ jegili ma chenni-la ma sɩɩ du.
24Má leŋ dɩ ma wʋtɩtɩɩ nagɛ fuoŋ sɩɩ pɛllʋ,
dɩ tʋɔpʋla ma nagɛ fuoŋ lɩɩŋ sɩ bɩ hʋ.
25Iziral tɩmma, mɩ sɩ kɛmma gɔllɛ
tintee-hɩlɩŋ lɛ jɩsɩŋ mahɩŋ balɩa-la,
ma bɩ pʋsʋŋ kpʋa
a ŋaa Wɩɩsʋlʋŋ pɩmɛ koo a kɛŋ Wɩɩsʋlʋŋ kɩaa kʋ pɩmɛ.
26Ma mɛ vesiŋ balɩa nɛ pɩ ma tɩtɩa a kpʋkpaarɛ.
Dɔŋɔ yɩrɩŋ nɛ Sakuf, kʋ-la ma sɩ kaa yɩrɛ ma kuoro.
Dɔŋɔ ma yɩrɩŋ nɛ Kaɩwaŋ,
kʋ-la ma sɩ mɛ ʋ nagɛ chɛnwʋlʋŋ.
27Ŋɩɩ wɩaa ma jaŋ pɛ paa ma vesi-la
dɩ mɩ nɛ kɛmma mʋmʋ yoŋ-baga
a kieli tabal-la ba sɩɩ yɩrɛ Damasɩkʋs,”
La Tɩɩna nɛ bʋla, ʋ yɩrɩŋ nɛ Wɩa doluŋ kala Tɩɩna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014