AMƆS 7
7
Hɔbɔ, nyiniŋ arɩ ŋmɛŋ-la dɩɩ-saaraa sɩ kaa magɩsɛ jeeŋ a sɩsaa
1Wɩalɩŋ La Tɩɩna Wɩɩjarɩbakɔ sɩ joŋo dagɛmɛ a nagɛ duosoo tʋɔŋ nɛ ŋ-la: Mɩ na dɩ ʋ leŋe hɔbɩ-laalɩŋ kʋ dii baga kɩaa. Ba kɔ bʋa-la lɛ kuoro sɩ ŋaa ʋ baga kɩaa ka kʋharaa bɩra bɩɩ lɛ nɛ. 2Duoso-la tʋɔŋ mɩ na dɩ hɔbɔ-la dii kʋŋ na-kala sɩ ŋaa kʋ-laa tintee-la lɛ. Ŋɩɩ nɛ mɩ ŋmoo niiŋ a bʋl, “La Tɩɩna Wɩɩjarɩbakɔ, joŋo chɛ ŋ nɩaa. Dɩ ŋɩɩ dee, ɛɛ nɛ Jekɔb doho nɩaa jaŋ ŋaa a kɛŋ mɩɩsɩŋ? Ba bɩ wɩɩ maga.”
3Ŋɩɩ nɛ La Tɩɩna kɛŋ ʋ tʋɔbɩɩnaa bɩrɩmɛ a bʋl, “Wɩɩ-la ŋ sɩ na bɩra bɩ jaŋ ŋaa.”
4Wɩalɩŋ La Tɩɩna Wɩɩjarɩbakɔ bɩra sɩ joŋo dagɛmɛ a nagɛ duosoo tʋɔŋ nɛ ŋ-la: Mɩ na dɩ ʋ joŋ nyiniŋ dɩ ʋ kaa dɔgɩsɛ ʋ nɩaa. Nyiŋ-la dii mʋgʋ-balɩŋ sɩ faasa luŋ arɩ kʋŋkala sɩ hɛ tintee-la lɛ. 5Ŋɩɩ nɛ mɩ bɩra ŋmoo niiŋ a bʋl, “La Tɩɩna Wɩɩjarɩbakɔ, mɩɩ sʋlʋŋ leŋ, dɩ ŋɩɩ dee, ɛɛ nɛ Jekɔb doho nɩaa jaŋ ŋaa kɛŋ mɩɩsɩŋ? Ba bɩ wɩɩ maga.” 6La Tɩɩna Wɩɩjarɩbakɔ bɩra kɛŋ ʋ tʋɔbɩɩnaa bɩrɩmɛ a bʋl, “Wɩɩŋ deeŋ ma bɩra bɩ jaŋ ŋaa.”
7La Tɩɩna bɩra leŋ mɩ na wɩɩŋ deeŋ ma a nagɛ duosoo tʋɔŋ: Mɩ na La Tɩɩna chɩŋ jeeŋ sɛmɛ a kori ŋmɛŋ-la dɩɩ-saaraa sɩ kaa magɩsɛ jeeŋ a sɩsaa. 8Ŋɩɩ nɛ La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?”
Mɩ bʋl, “Ŋmɛnɩŋ ba sɩ kaa magɩsɛ jeeŋ a sɩsaa nɛ.”
La Tɩɩna bʋl, “Bee na, mɩ kɛŋ ŋmɛŋ-la a mɩmagɩsɛ mɩ nɩaa Iziral tɩŋŋaa nɛ. Mɩ bɩra bɩ jaŋ joŋo chɛba.
9Mɩ jaŋ chei ba vʋɩ-kpaarɛ lere-la kala,
dɩ Iziral tɩŋŋaa Wɩɩchʋɔlɛ dɩɩsɩŋ pɩŋ jikpeeŋ.
Mɩ jaŋ leŋ dɩ laalɩŋ dii Jerobuam doho nʋʋ na-kala
sɩ jaŋ dii kuoruŋ.”
Amɔs arɩ Amazɩa
10Ŋɩɩ nɛ Wɩɩsʋllɩ sɩpaalaara sɩ hɛ Bɛtɛl lɛ baa yɩrɛ Amazɩa, tɩŋ ba mʋ bʋla pɩ Iziral tinteeŋ kuoro ba sɩɩ yɩrɛ Jerobuam, “Amɔs ka chei ŋ yɩrɩŋ nɛ Iziral nɩaa tʋɔŋ. Ʋ niiŋ wʋbʋlaa jaŋ chei la tinteeŋ. 11Wɩalɩŋ Amɔs sɩɩ bʋl nɛ ŋ-la:
‘Jerobuam jaŋ sʋʋ laalɩŋ lɛ,
ka dɩ ba kɛsɛ Iziral tɩŋŋaa a kaa mʋ yoŋ-baga
a kagɛ ba tinteeŋ lɛ.’ ”
12Ŋɩɩ nɛ Amazɩa bʋla pɩ Amɔs ma, “Wɩa sɩɩ-naara, kɛŋ wɩalɩŋ ŋ sɩ na a kaa lɩɩ daha. Mɩɩra mʋ Juda tinteeŋ a bʋl ŋ Wɩa wɩaa nɩmɛ, aŋ laa ŋ time. 13Bɩra sɩ́ Wɩa wɩaa bʋl Bɛtɛl lɛ. Daha nɛ kuoro chʋchʋɔlɛ Wɩa, daha nɛ la tinteeŋ Wɩa dɩɩ-balɩŋ hɛ.”
14Amɔs bʋla pɩ Amazɩa, “Mɩ bɩ Wɩa wʋlaabʋllʋ ŋaa, mɩ bɩra bɩ Wɩa wʋlaabʋllʋ bii ma ŋaa, ama mɩ ŋaa pie-daarʋ nɛ, aŋ pɛ bibeŋ tutogusuŋ. 15La Tɩɩna nɛ lɩɩsɛmɛ pie-daalɩŋ lɛ a bʋla pɩmɛ, ‘Mʋ bʋl mɩ wɩaa a pɩ mɩ nɩaa Iziral tɩŋŋaa.’ 16Lɛɛlɛ jegile nɩɩ wɩɩ-la La TƖƖNA sɩ bʋla.
Na ŋ sɩ mɩ sɩ́ Wɩa wɩaa bʋl daha,
a sɩ́ wɩaa bʋla chagɩlɛ Iziral tɩŋŋaa,
17Ŋɩɩ wɩaa jegile nɩɩ wɩalɩŋ La Tɩɩna sɩ bʋla a tɩgɛ ŋ lɛ:
‘Ŋ haala jaŋ ŋaa hachɔrʋŋ ma tabalɩŋ lɛ,
ka ba kpʋ ŋ hambolibiisiŋ arɩ ŋ toloo ma laalɩŋ lɛ,
aŋ kɛŋ ŋ tinteeŋ kpaa dɔŋɔ.
Ŋ ma tɩtɩa jaŋ sʋʋ tintee-la nɩaa sɩ bɩ Wɩa ka to lɛ.
Ka dɩ ba kɛsɛ Iziral tɩŋŋaa kala lɩɩ ba tinteeŋ lɛ
a mʋ yoŋ-baga.’ ”
Currently Selected:
AMƆS 7: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
AMƆS 7
7
Hɔbɔ, nyiniŋ arɩ ŋmɛŋ-la dɩɩ-saaraa sɩ kaa magɩsɛ jeeŋ a sɩsaa
1Wɩalɩŋ La Tɩɩna Wɩɩjarɩbakɔ sɩ joŋo dagɛmɛ a nagɛ duosoo tʋɔŋ nɛ ŋ-la: Mɩ na dɩ ʋ leŋe hɔbɩ-laalɩŋ kʋ dii baga kɩaa. Ba kɔ bʋa-la lɛ kuoro sɩ ŋaa ʋ baga kɩaa ka kʋharaa bɩra bɩɩ lɛ nɛ. 2Duoso-la tʋɔŋ mɩ na dɩ hɔbɔ-la dii kʋŋ na-kala sɩ ŋaa kʋ-laa tintee-la lɛ. Ŋɩɩ nɛ mɩ ŋmoo niiŋ a bʋl, “La Tɩɩna Wɩɩjarɩbakɔ, joŋo chɛ ŋ nɩaa. Dɩ ŋɩɩ dee, ɛɛ nɛ Jekɔb doho nɩaa jaŋ ŋaa a kɛŋ mɩɩsɩŋ? Ba bɩ wɩɩ maga.”
3Ŋɩɩ nɛ La Tɩɩna kɛŋ ʋ tʋɔbɩɩnaa bɩrɩmɛ a bʋl, “Wɩɩ-la ŋ sɩ na bɩra bɩ jaŋ ŋaa.”
4Wɩalɩŋ La Tɩɩna Wɩɩjarɩbakɔ bɩra sɩ joŋo dagɛmɛ a nagɛ duosoo tʋɔŋ nɛ ŋ-la: Mɩ na dɩ ʋ joŋ nyiniŋ dɩ ʋ kaa dɔgɩsɛ ʋ nɩaa. Nyiŋ-la dii mʋgʋ-balɩŋ sɩ faasa luŋ arɩ kʋŋkala sɩ hɛ tintee-la lɛ. 5Ŋɩɩ nɛ mɩ bɩra ŋmoo niiŋ a bʋl, “La Tɩɩna Wɩɩjarɩbakɔ, mɩɩ sʋlʋŋ leŋ, dɩ ŋɩɩ dee, ɛɛ nɛ Jekɔb doho nɩaa jaŋ ŋaa kɛŋ mɩɩsɩŋ? Ba bɩ wɩɩ maga.” 6La Tɩɩna Wɩɩjarɩbakɔ bɩra kɛŋ ʋ tʋɔbɩɩnaa bɩrɩmɛ a bʋl, “Wɩɩŋ deeŋ ma bɩra bɩ jaŋ ŋaa.”
7La Tɩɩna bɩra leŋ mɩ na wɩɩŋ deeŋ ma a nagɛ duosoo tʋɔŋ: Mɩ na La Tɩɩna chɩŋ jeeŋ sɛmɛ a kori ŋmɛŋ-la dɩɩ-saaraa sɩ kaa magɩsɛ jeeŋ a sɩsaa. 8Ŋɩɩ nɛ La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?”
Mɩ bʋl, “Ŋmɛnɩŋ ba sɩ kaa magɩsɛ jeeŋ a sɩsaa nɛ.”
La Tɩɩna bʋl, “Bee na, mɩ kɛŋ ŋmɛŋ-la a mɩmagɩsɛ mɩ nɩaa Iziral tɩŋŋaa nɛ. Mɩ bɩra bɩ jaŋ joŋo chɛba.
9Mɩ jaŋ chei ba vʋɩ-kpaarɛ lere-la kala,
dɩ Iziral tɩŋŋaa Wɩɩchʋɔlɛ dɩɩsɩŋ pɩŋ jikpeeŋ.
Mɩ jaŋ leŋ dɩ laalɩŋ dii Jerobuam doho nʋʋ na-kala
sɩ jaŋ dii kuoruŋ.”
Amɔs arɩ Amazɩa
10Ŋɩɩ nɛ Wɩɩsʋllɩ sɩpaalaara sɩ hɛ Bɛtɛl lɛ baa yɩrɛ Amazɩa, tɩŋ ba mʋ bʋla pɩ Iziral tinteeŋ kuoro ba sɩɩ yɩrɛ Jerobuam, “Amɔs ka chei ŋ yɩrɩŋ nɛ Iziral nɩaa tʋɔŋ. Ʋ niiŋ wʋbʋlaa jaŋ chei la tinteeŋ. 11Wɩalɩŋ Amɔs sɩɩ bʋl nɛ ŋ-la:
‘Jerobuam jaŋ sʋʋ laalɩŋ lɛ,
ka dɩ ba kɛsɛ Iziral tɩŋŋaa a kaa mʋ yoŋ-baga
a kagɛ ba tinteeŋ lɛ.’ ”
12Ŋɩɩ nɛ Amazɩa bʋla pɩ Amɔs ma, “Wɩa sɩɩ-naara, kɛŋ wɩalɩŋ ŋ sɩ na a kaa lɩɩ daha. Mɩɩra mʋ Juda tinteeŋ a bʋl ŋ Wɩa wɩaa nɩmɛ, aŋ laa ŋ time. 13Bɩra sɩ́ Wɩa wɩaa bʋl Bɛtɛl lɛ. Daha nɛ kuoro chʋchʋɔlɛ Wɩa, daha nɛ la tinteeŋ Wɩa dɩɩ-balɩŋ hɛ.”
14Amɔs bʋla pɩ Amazɩa, “Mɩ bɩ Wɩa wʋlaabʋllʋ ŋaa, mɩ bɩra bɩ Wɩa wʋlaabʋllʋ bii ma ŋaa, ama mɩ ŋaa pie-daarʋ nɛ, aŋ pɛ bibeŋ tutogusuŋ. 15La Tɩɩna nɛ lɩɩsɛmɛ pie-daalɩŋ lɛ a bʋla pɩmɛ, ‘Mʋ bʋl mɩ wɩaa a pɩ mɩ nɩaa Iziral tɩŋŋaa.’ 16Lɛɛlɛ jegile nɩɩ wɩɩ-la La TƖƖNA sɩ bʋla.
Na ŋ sɩ mɩ sɩ́ Wɩa wɩaa bʋl daha,
a sɩ́ wɩaa bʋla chagɩlɛ Iziral tɩŋŋaa,
17Ŋɩɩ wɩaa jegile nɩɩ wɩalɩŋ La Tɩɩna sɩ bʋla a tɩgɛ ŋ lɛ:
‘Ŋ haala jaŋ ŋaa hachɔrʋŋ ma tabalɩŋ lɛ,
ka ba kpʋ ŋ hambolibiisiŋ arɩ ŋ toloo ma laalɩŋ lɛ,
aŋ kɛŋ ŋ tinteeŋ kpaa dɔŋɔ.
Ŋ ma tɩtɩa jaŋ sʋʋ tintee-la nɩaa sɩ bɩ Wɩa ka to lɛ.
Ka dɩ ba kɛsɛ Iziral tɩŋŋaa kala lɩɩ ba tinteeŋ lɛ
a mʋ yoŋ-baga.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014