Israelfɔ Ɩlʋ 93
93
Bulu, Fʋ Asʋn Tamatsɛ
1Nana Bulu gyi Owie. Ɔdɩdɩ numnyam.
Nana Bulu dɩdɩ numnyam, ɔlɔpʋ ɔwʋnlɩn klɩ mʋ́sʋ.
Alaha ɔyɩ lalɛ nlin, ɩmɛ́ɛkpɩnkɩ ɛkɛkɛɛkɛ.
2Oo Nana Bulu, fɛyaɩ fʋ owie-obia bɩmbɩ ɔpá.
Fʋbʋ ɩnʋ asa ɔyɩ lɛta bɛlɩn.
3Oo Nana Bulu, ntsu bʋlahɛ lakʋsʋ.
Ee, ntsu bʋlahɛ lalɛ ɔnɔ.
Ɩlawa ɩyɩn, ɩdɛda ɔwʋnlɩnsʋ.
4Ɔsʋsʋʋsʋ Nana Bulu, fʋbʋ tumi.
Fʋdʋn ntsu akpɔnkpɔntɩ ɔmɛ.
Fʋ tumi dʋn ɔpʋá ɩlawa ɩyɩn, ɩdɛda.
5Oo Nana Bulu! Fɛlɛ ɔnɔ ɩtamatsɛ.
Lɛlɛ, fʋ otsiakpa lɔwankɩ brɛ fɛ́ɛ́.
Currently Selected:
Israelfɔ Ɩlʋ 93: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
