Israelfɔ Ɩlʋ 84
84
Bulu Otsiakpa Wunsɩnɛsʋ Tsia Ɛkɛwʋlɛ
Kora abi kanfʋ-ɩlʋ ha ɩlʋ osunapʋ. Bɔ́pʋ Gatfɔ ɔmɛ da mʋ́.
1Oo ɩsa ɔnɔ Ɔlɩɩpʋ Nana Bulu,
fʋ otsiakpa ɩhɩɛ bʋ mɩ ansigyi o!
2Fʋ otsiakpa wunsɩnɛsʋ yɔ ɩhɩɛ dɩn mɩ ɔwɔlɩ.
Mɩ nyankpʋsa-oyi amʋ fɛ́ɛ́ ndɛ ɩlʋ wa
kanfʋ Bulu Ɔkɩankpapʋ.
3Ɩsa ɔnɔ Ɔlɩɩpʋ Nana Bulu, mɩ Owie pʋ́ mɩ Bulu,
akensire kʋraa babwɛ asia,
anampesekie babwɛ amʋ́ ɔkakpa fʋ afɔdɩɛ-ɩswɩasɩ.
4Ansɩ lagyi aha ánɩ́ bʋtsie fʋ woyitɔ,
bʋdɛ ɩlʋ wa kanfʋ fʋ bregyibrɛ. Ɩya.
5Ansɩ igyi aha ánɩ́ amʋ́ ɔwʋnlɩn itsu fʋtɔ,
amʋ́ ansɩ dɩn Sion ɔkpasʋ.
6Brɛá bʋna Baka tsonkolitɔ a,
ntsu lɔwɩ dalɩ,
nyankpʋ gyankpapʋ ɛ lɛha ntsu letitii ɩnʋ.
7Fʋ aha bɔ́wa ɔwʋnlɩn, lawa ɔwʋnlɩn dɩnka.
Bówun Buluá ɔdʋn ɩkpɩ fɛ́ɛ́ Sion.
8Ɩsa Ɔnɔ Ɔlɩɩpʋ Bulu, Nana Bulu,
nu mɩ isu.
Yakob Bulu, nu mɩ mpaɩ! Ɩya.
9Oo Bulu, kɩ anɩ kʋtʋ.
Ogyi ɔha anfɩ fada mʋ ofuli anfɩ, afʋwun mʋ nwɛ.
10Fʋ otsiakpa wunsɩnɛsʋ tsia ɛkɛwʋlɛ
bʋ alɛ dʋn ɔtɩnɛgyiɔtɩnɛ tsia nfi ɔpɩm (1,000).
Ɩbʋ mɩ alɛá nɔ́bwɛ fʋ woyi ɔnɔ ogyopʋ,
dʋn ánɩ́ nétsia lalahɛ abwɛpʋ otsiakpa.
11Nana Bulu, fʋgyi fɛ owi mʋ́a kʋtʋ.
Fʋtɔpʋ awɩtɔlɛ mʋ́a numnyam kpa anɩ.
Fʋtamakina yile bwɛ ha
aha ánɩ́ amʋ́ asʋn da ɔkpa.
12Oo Ɩsa Ɔnɔ Ɔlɩɩpʋ Nana Bulu,
ansɩ dɛ ɔhagyiɔha ánɩ́ mʋ ansɩ dɩn fʋsʋ gyi.
Currently Selected:
Israelfɔ Ɩlʋ 84: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
