Israelfɔ Ɩlʋ 83
83
Bulu, Mákpa Ɔnɔ Bun
Asaf kanfʋ-ɩlʋ mʋ́a ɩlʋ wahɛ.
1Oo Bulu, mákpa ɔnɔ bun.
Mábwɛ diin, si tsia kɩ!
2Kɩ, kpokiti lada fʋ alupʋtɔ.
Aha amʋʋ bʋtamabu fʋ amʋ ansɩ lapɛ fʋsʋ.
3Baŋain bʋdɛ agywɩɩn lalahɛ bwɛ fʋ ahasʋ.
Bafia kɩta agywɩɩn aha amʋʋ fapʋwa ikpu amʋsʋ.
4Bʋdɛblɩ bɛɛ, “Mlɩba abwie ɔmá anfɩ,
fówun bʋmɛ́ɛtra kaɩn Israel ɩdasʋ ɛkɛkɛɛkɛ.”
5Babwɛ ɩkʋlɛ, bwɛ agywɩɩn fʋsʋ,
ka fʋ ɩwɩ ntam.
6Amʋ́gyi Edomfɔ, Ismael abi-aná, Moabfɔ pʋ́ Hagar abi-aná,
7Gebalfɔ, Amonfɔ, Amalekfɔ,
Filistifɔ pʋ́ Tiro wulutɔ atsiapʋ.
8Asiriafɔ ɛ bayɛmanta amʋ́sʋ.
Amʋ́gyi Lot abi-aná#Gyen. 19:36-38 ɔwʋnlɩn nɩ. Ɩya.
9Bwɛ amʋ́ fɛ alɩ amʋʋ fɔbwɛ Midianfɔ,
pʋ́ alɩ amʋʋ fɔbwɛ Sisera mʋa Yabin, Kison ntsu ɔnɔ amʋ.#Nkp. 7:1-23; 4:6-22
10Fɔmɔ amʋ́ En-dor,
amʋ́ afuli bɔplɔ bun ɔsʋlʋ amʋsʋ, fɛ wuna.
11Ha amʋ́ aha titriu abʋwu fɛ Oreb mʋa Seeb,
afʋha amʋ́ ɔnɔ alɩɩpʋ abʋbwɛ fɛ Seba mʋa Salmuna.#Nkp. 7:25; 8:12
12Amʋ́lɛblɩ bɛɛ, “Mlɩha apʋ Bulu ɔsʋlʋ
bwɛ anɩ klɛ.”
13Mɩ Bulu, ha amʋ́ abʋdasaɩn fɛ alɩá kpankpantrudu totsu ɩsɩ,
ntɛ fɛ alɩá afu tɔtsʋan ntɛtɛ.
14Bʋhɔ fɛ alɩá ɩpʋ tetsii ogya,
hɔ abʋ.
15Alɩ fʋha atsufu ɩsrɩ gya amʋ́,
afʋpʋ alankpla wa amʋ́ ifu nɩ.
16Oo Nana Bulu, ha pɛlɩ ɩkɩta amʋ́,
abʋdunka fʋ ɔkpa.
17Pɛlɩ ɩkɩta amʋ́, abʋnya ifu brɛ fɛ́ɛ́.
Bʋsʋpa, abʋwu.
18Ha amʋ́ abʋbɩá fʋ nkʋlɛ gyi Nana Bulu,
Ɔsʋsʋʋsʋ Mʋ Wieá fʋdɛ ɔsʋlʋ fɛ́ɛ́sʋ gyi.
Currently Selected:
Israelfɔ Ɩlʋ 83: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
