Israelfɔ Ɩlʋ 81
81
Mɩ Aha, Mlɩyaa Asʋ Antɔɩ Kpla Mlɩ
Asaf ɩlʋá bɔ́pʋha ɩlʋ osunapʋ. Bɔ́pʋ Gatfɔ ɔmɛ da mʋ́.
1Mlɩtswɩ ope ha Bulu. Mʋgyi anɩ ɔwʋnlɩn.
Mlɩpʋ ansigyi sʋra okitikiti ha Yakob Bulu.
2Mlɩtswɩ ɩlʋ, mlɩkpɩnkɩ akatsa,
amlɩda nsankuoá ɩbʋ anulɛ.
3Mlɩfʋlɩ ɔkpɛ ɔtsra tsɔdalɩbɩ
pʋ́ mʋ́ danbɩ, brɛá anɩdɛ nkɛ gyi.
4Tsufɛ mbla igyi ha Israelfɔ,
Yakob Bulu amandɩɛ nɩ.
5Brɛá ɔlɛkpa amʋ́ dalɩ Egyipte ɔsʋlʋsʋ,
ɔlɛlɛ ɔnɔ anfɩ suna amʋ́ abi-aná.
Ɔkʋ lɛblɩ ɔblɩá ntamanutɔ ɔbɛɛ,
6“Nadɩnkɩ ipian lɛ mlɩsʋ,
lɛ mlɩ lɛ agyʋma kpekpletɔ.
7Mlɩlokpoli mɩ brɛá mlɩbʋ ipiantɔ, nɛlɛ mlɩ.
Ɔprada otsukpa oŋainkpa, notsula ha mlɩ.
Nɔsɔ mlɩ hogyi kɩ Meriba ɔsʋlʋsʋ.” Ɩya.
8“Mɩ aha, mlɩyaa asʋ antɔɩ kpla mlɩ.
Israelfɔ, tɛkɩ nɩ mlónu mɩ asʋn a,
9mlɩmáha ɔkpɩ ɔkʋkʋ otsia mlɩtɔ.
Mlɩmáda akpawunu ha ɔmá bamba kʋkʋ ɔkpɩ.
10Mɩgyi Nana Bulu, mlɩ Buluá nɛkpa mlɩ dalɩ Egyipte ɔsʋlʋsʋ.
Mlɩyaa ɔnɔ, ampʋ atɔ wanklaan bʋla mʋ́.”
11“Tamɛ mɩ aha bʋmonu mɩ ɔmɛ.
Israelfɔ bʋmotsula ba ɩwɩasɩ ha mɩ.
12Amʋ́ asʋtɔ-ɔnlɩn sʋ nesi ɔkpa ha amʋ,
bɔbwɛ tɔá bʋdekle.”
13“Ao, tɛkɩ nɩ mɩ aha bónu mɩ asʋn,
Israelfɔ bótsu mɩ ɔkpa a!
14Tɛkɩ ɩmɔ́ɔwa ɔpá, nɛ́ba amʋ́ alupʋ asɩ,
bɩtɩ amʋ́ ɩsʋ.
15Tɛkɩ mɩ alupʋ bɛ́da akpawunu ha mɩ ifusʋ,
nɛ́bɩtɩ amʋ́ ɩsʋ brɛ fɛ́ɛ́.
16Tɛkɩ nɔ́pʋ atogyihɛ wanklaan bʋla mlɩ,
ha mlónun ɔkwɛn mwɛ.”
Currently Selected:
Israelfɔ Ɩlʋ 81: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
