Israelfɔ Ɩlʋ 67
67
Bulu Owun Anɩ Nwɛ, Oyula Anɩ, Wa Awɩtɔlɛ Ha Anɩ
Ɩlʋ ha ɩlʋ osunapʋ. Bɔ́pʋ ɔsankuo da mʋ, wa mʋ́.
1Bulu owun anɩ nwɛ, oyula anɩ.
Ɔwa awɩtɔlɛ ha anɩ. Ɩya.
2Mɛnɩ bɛ́bɩ fʋ ɔdwɛla ɔsʋlʋsʋ;
pʋ́ fʋ aha nkpahɔ ɔmá fɛ́ɛ́tɔ.
3Oo Bulu, ha ɔmá-ɔmá abʋkanfʋ fʋ.
Ha ɔmá fɛ́ɛ́ abʋkanfʋ fʋ!
4Ha ansɩ igyi ɔmá-ɔmá, abʋwa ansigyi ɩlʋ,
tsufɛ fʋtegyi ɔmá-ɔmá asʋn ɔnɔkwalɩsʋ.
Fʋtɛkpa ɔmágyiɔmá ánɩ́ ɩbʋ ɔsʋlʋsʋ. Ɩya.
5Oo Bulu, ha ɔmá-ɔmá abʋkanfʋ fʋ.
Ha ɔmá fɛ́ɛ́ abʋkanfʋ fʋ!
6Ɔsʋlʋsʋ-atɔ lawa alɛ.
Bulu, anɩ Bulu layula anɩ.
7Bulu layula anɩ,
ɩlaha ɔyɩtɔ aha fɛ́ɛ́ bóbu mʋ.
Currently Selected:
Israelfɔ Ɩlʋ 67: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
