Israelfɔ Ɩlʋ 58
58
Bulu Tegyi Aha Asʋn Ɔsʋlʋsʋ
Ɩlʋ ha ɩlʋ osunapʋ. Dawid ɩlʋá bɔ́pʋ “Máyinta atɔ” ɔmɛ wa mʋ́.
1Atumipʋ, lɛlɛ mlɩtɛblɩ asʋn ánɩ́ ɩda ɔkpa?
Mlɩtegyi asʋn ɔnɔkwalɩsʋ ha aha?
2O-o, lalahɛ bʋ mlɩ ɩklʋntɔ.
Owuntɔlɩnla mlɩtɔbwɛ ɔsʋlʋsʋ.
3Lalahɛ abwɛpʋ bʋbʋ ɩwɩtɔ, bɔfwɩ ɔkpa.
Tsu amʋ́ ɩkwɩɩbɩ ɔpá bʋna bʋdɛtsʋntsʋn,
bʋdɛ afunu wa.
4Bʋbʋ elin fɛ ɩwɔ.
Bʋgyi sapa ɔkʋá oletila asʋ.
5Ɔfapʋ ɔkplʋn wa mʋ, ɔtamakpla.
Ɔfapʋá ɔlɛhɩɛ blɩ ɔfa mʋ, ɩtamakɩta mʋ.
6Oo Bulu, kpakpa lalahɛ abwɛpʋ anfɩ ayín.
Oo Nana Bulu, tsii gyata-abi anfɩ ayín-kɩtatɔ!
7Ha abʋŋa fɛ ntsu kpɩhɛ.
Nɩ bɛbɩtɩ amʋ́ ɩta a, amʋ́ mbɩn ɔnɔ iwu.
8Bʋbwɛ fɛ obiɛn ánɩ́ ɔna ɔdɛkpɩkpɩ.
Bʋmáwun owi fɛ ɔmɛtsitsa.
9Fɔ́pʋ ɔblɔ fɛɩ amʋ́ fɛ́ɛ́ tsitsa ɔsasʋ,
dʋn alɩá ntsuá ɩdɩn abotodua ogyasʋ tɔkɔsɩ fu.
10Ɔha yile ansɩ bégyi mʋ nɩ owun ɔha lalahɛ ɩkɔ ɔkakpa.
Ɔbɔ́fwɩ mʋ ayabi ɔha lalahɛ obugyatɔ.
11Aha bɛ́blɩ bɛɛ, “Lɛlɛ, yile ɔbwɛpʋ bʋ mʋ ɩpanda.
Lɛlɛ, Bulu bʋ ɩnʋá otegyi aha asʋn ɔsʋlʋsʋ.”
Currently Selected:
Israelfɔ Ɩlʋ 58: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
