Israelfɔ Ɩlʋ 136
136
Bulu Ɔdwɛá Ɩma Ɔka Bʋ Ɩnʋ Brɛ Fɛ́ɛ́
1Mlɩda Nana Bulu ɩpan, tsufɛ ɔbʋ alɛ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
2Mlɩda Buluá ɔdʋn ɩkpɩ fɛ́ɛ́ ɩpan.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
3Mlɩda awietɔ-owie ɩpan.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
4Mʋ nkʋlɛ tɔbwɛ ofula akpɔnkpɔntɩ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
5Mʋlɔpʋ mʋ asʋn-asɩnu bwɛ ɔsʋsʋ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
6Mʋlɛtɛɩ ɔsʋlʋ dɩnka ntsusʋ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
7Mʋlɔbwɛ owi mʋ́a ɔtsra dɩnka nwʋlʋtasʋ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
8Mʋlɔbwɛ owi ánɩ́ igyi ɔyɩkɛhɛsʋ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
9Ɔlɔbwɛ ɔtsra mʋ́a ntsrakpabi ánɩ́ bʋgyi onyesʋ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
10Mʋlɔmɔ Egyiptefɔ abitɩ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
11Mʋlɛkpa Israel dalɩ amʋ́tɔ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
12Mʋlɛtɩnkɩ mʋ tumi ɩbɩ pʋlɛ amʋ́.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
13Mʋlɔbɔɩ Ɔpʋ Pɛpɛtɔ anyɔ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
14Mʋlɛha Israelfɔ bɔtsʋn mʋ́tɔ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
15Mʋlɛkpa Farao mʋa mʋ ɩsa akɔpʋ wa Ɔpʋ Pɛpɛtɔ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
16Mʋlɛkpa mʋ aha tsʋn ɔsʋlʋkpansʋ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
17Mʋlɔmɔ awie akpɔnkpɔntɩ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
18Mʋlɔmɔ awieá bʋbʋ ɩda.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
19Mʋlɔmɔ Amorifɔ owie Sihon.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
20Mʋlɔmɔ Basanfɔ owie Og.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
21Mʋlɔpʋ amʋ́ ɔsʋlʋ bwɛ siadɩɛ.
Tsufɛ mʋ ɔdwɛá ɩma ɔka bʋ ɩnʋ brɛ fɛ́ɛ́.
22Mʋlɔpʋbwɛ siadɩɛ ha mʋ osumbi Israel.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
23Mʋlɛkaɩn anɩsʋ brɛá bɛba anɩ asɩ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
24Mʋlɛlɛ anɩ lɛ adʋn ɩbɩ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
25Mʋtɛha togyitɔ atogyihɛ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
26Mlɩda ɔsʋsʋ Bulu ɩpan,
tsufɛ mʋ ɔdwɛá ɩma ɔka bʋ ɩnʋ brɛ fɛ́ɛ́.
Currently Selected:
Israelfɔ Ɩlʋ 136: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
