Mak Ḍiepakụmaye
Ḍiepakụmaye
Mak ḅe Iḅiọkwẹịn mị gịẹịn ḅara mị sakị ḅụ ḍukomẹ na “anị mị, Jizọs Kraịst Tamụnọ Tọkụ Ḅe gboloma Iḅi Ḅẹrẹ mị-ẹ.” Jizọs Ḅe mịẹye se fịrị ḅụ chu pịkị kụrọ nyanaḅọ ḅara anị nwọse Ò ḍiepakụmamẹ. Oria kụrọ mị, Oria yeḍie mị ḅụ ini anị ọrịmẹ, sitẹmẹma ḅụ Ọ̀ nyana kụrọ mị na, pịkị tomonima sima ḅụ ḅarasin mị na. Jizọs Ḅe Ọ̀ ḅụ ḍukopakụmamẹ na Ori anị Tomoniḅọ Tọkụ Ḅe-ẹ, anị Oria ḍumo mị pịrị se si ḅụ tomoni ḍụaḅịa ẹrẹchị ḅo ḅọ Ḅe-ẹ.
Mak ḅe Jizọs Ḅe ḅẹrẹ mị ọ̀ gbụkụkụma iku ḅara se anị ḍukomẹ, se Jizọs Ḅe nwẹngị fịrị ḅụ ò ye ḍukotẹịn, ọ̀ kọn ọkwẹịnma na Ò ḍieayema na nwọ nẹngịmẹ. Ọ̀ kpụlụma Jọn Mengisaraḅọ ḅe na Jizọs Ḅe na sara mengi mị na telima mị na, sakị ọkụ ḍukomẹ, se kirikiri Jizọs Ḅe obigwọ mị na yeḍie mị na ḅe fịrị mị nwọ gịẹịnmẹ. Anị ọkịmamun sịkị, Jizọs Ḅe Oria ọḅụḍukoapụma ini iḅiọkụ Ọ̀ kaịnḅomẹ, ọkụma Jizọs Ḅe na tụḅụrụ apụma ini pa Ori na tụḅụrụtẹịnmẹ. Ḍiri mị ḅe kuluma ọrụ mị ḅe ḅẹrẹtịḅịma sẹkiri ḅie Jizọs Ḅe Oria ḍumo kuluma wiki mị ḅie pakayema nwọ ḍukomẹ, anị tẹịn-anga Ori ḅe mgbẹsẹchịn ọgọnọ ḅakụḅaa mị na pịkị fịḅụsịsẹ mị na.
Iḅiọkwẹịn mị ḅe kuluma mama ọrụma, anị ọḅụ na kuḅu na ḅụ ini elekima chụayema, Mak mị ḍiri mị gịẹịnḅọ ḅe sikima jịnḅọ àrị gịẹịnmẹ nwọ ḅẹ ḅara ini nwọse àrị ọkịmẹ.
Ḅẹrẹtịḅịma Ọrụrụ Ḅụ Sime Ọkụ Mị
Iḅiọkwẹịn mị ḅe chukusakị mị 1.1-13
Jizọs Ḅe Galili ḅie ḅelema nwẹngị fịrị mị 1.14—9.50
Galili ḅie sakịmun Jerusalẹm la mị 10.1-52
Kuluma wiki mị Jerusalẹm ḅie na anị na kpeki nyọ ḅụ na 11.1—15.47
Jizọs Ḅe fịḅụsịsẹ mị 16.1-8
Fịḅụsịsẹ Nyanaḅọ Ḅe ḅụḍiepakụma mị na iwo so mun mị na 16.9-20
Currently Selected:
Mak Ḍiepakụmaye: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria