Egberima-Ẹkwẹn 7
7
1Ị̀ tụḅọ, à ḍukoarị ye kẹ ḅiokoromaa, tẹ gbala-gbala arị ị́ ḅẹẹm mịẹ ḅẹ aị ma kẹ ḅioḅọrọma ma. 2À ḍukoarị ye mịẹẹ, anịsakị í ḍumo ḅa. Ị̀ kẹ ị́ atọrụngbọ bala tẹ arị gbaịn ḅọrọmarị ḅara mẹ kẹ ì toluma ye mẹ bala tẹ anị ḍiki-mẹnjị. 3Sakị mamgba ì toluma yee kẹ ị́ ḅụụ kpekimaa; anị kẹ í ḅiokoromaa, sakị mamgba. 4Nimi kẹ ị́ mịnaḅọ ẹrẹḅọ ḅara ọkị, tẹ ye ḅio sime ye lekiri kẹ ị́ na kpeki tẹịn ikiaḅọ sọmaa. 5Arị ja owiapụ ereme ḅụ ị́ wẹrị ḅelema ḅa, pịkị kịnị toluma fama ẹkwẹn nyana wararị ereme ma ḅụ.
Ama-mẹnjị-ẹrẹḅọ Ma
6Gbọrụ sakị arị ị̀ warị ḅio sime tẹ ikiḅa-ḅọkọ ḅụ ḍiki pakamarị, 7tẹ tọnwa asambịrịma apụ, tẹ amụ ye sime-ḅara nimi-a apụ ẹrịm, kụma ịna ḅụ ḅẹ gbọrụḅọ à nwẹn kẹ elekima-sụam, ori oḅori ḅara kẹ ye mịẹarị. 8Ori ngẹrị etela mẹ ḅẹ gbọrụ ịkọlị, tẹ gbọrụ ẹrẹḅọ angarị warị kpeki anga ḅụ mẹnjị muarị. Ọ̀ mẹnjị á warị mẹ ḅọrọ ḅẹ ḅara mịẹ simem 9ḅoḅiri-so ḅụ, ene ḅo furu tẹ anị sakị mẹ ḅụ. 10Anie ḅụ á nwẹnị ori na bịama; ama-mẹnjị-ẹrẹḅọ ḅara mie á kẹ ye-ḅiri yee, tẹ á mịẹ ḅẹ ye kẹ ḅiokoromarị. 11Árị ma anie ḅiokpọ tẹ ḅụụ-jịrị nwẹn sịn ye nimi-a ẹrẹḅọ, tẹ etela mẹ ḅụ mẹnjịarị, 12anịanịa gbọrụ ịkọlị jụ, ja sakị etela karakara ogbo mẹ, ja sakị pịkị ogumaḅiri ḅụ. 13Á nwẹnị asatụḅọ ḅe fịnama, ọ̀ ḅịḅị nọnjị, da-da ọ̀ tọrụ ḅio ḍiki tẹ ḅẹẹ, 14“Mịmgba mie àrị ị̀ agba mịẹ yee, tẹ à minini ịlọ suma yee.#7.14 À minini ịlọ suma yee fiearị ye: à sakị ẹrị fama tẹẹ 15Mie ḅụ à paka-ḅo ị́ ḍọkị simem, à ḅiim àrị ị́ ḍọkị ẹrị, tẹ mie ị́yẹrị! 16Ijiputi ḅụ ḅo kịrị-kịrị tọrụ sụa ḅịtẹ mie à kẹ ì iḅila dẹẹ wararị. 17À maha na alosi na sịnamọnị na nwẹn-sịn kụnụaị kẹ mịẹ sẹntị kẹ anị asana tẹẹ. 18Ḅoo! Yee wa ḅelema tii kọn gboloma mị bebe ḍin ḅụ. Wa ḅioḅẹlẹ ḅa jụmọ-jụmọ kuḅu ḅio ḅụ. 19Ì di warị ḅio ofori. Ò so ala jụ mu wararị. 20Ọ̀ tọnwa igbigi ọkị tẹ kẹ mum, tẹ ọ̀ pịkị-ḅo ḅịa ngei aḍin fa jei la ḅa.” 21Mie ḅụ á nwẹnị ọ̀ sịḅịḅio sima, árị iḅi na ẹkwẹn-ḅịḅị ḅẹlẹ ḅụ na, tẹ ọ̀ nwẹnị ḅịkị á pịrị. 22Anị-gbọrụ-kirikiri, ò gbere-gberema árị na muarị ḅara, gbala ịn kẹ ḅaa ḅẹ-muarị nambulo ọkụ, gbala tụḅara tẹ ḍosi ma-mu ḍiein ḅio koro ḅẹ-yearị ye ọkụ, 23anie ịn ḍiein kẹ ò ḅioḅẹngbọ tẹịn tolu ḅẹ yọ mẹ. Ọ̀ kịkaye anie mu ịgbọ-tolu ḅio sụka ḅẹ muarị feni — ò nimi-a mịnẹ ò ḍumo mu fa ḅio sọ ḅẹ-muarị. 24Mịọkụ ọkọ ẹrẹsị, ị̀ awọmẹ, ọmịnị ì pokii. Ọmịnị à ḍukoarị ye kẹ ye-sịn. 25Ḍụkụ tẹ ọkọ sime ẹrẹḅọ í ḅioḅẹngbọ fẹ nyana ma; á gotẹ mẹnjị ikelema-ikelema tẹ á ḍọkị ma. 26Á tọnwa-apụ fama-fama tẹ, pịkị mịẹ tẹ kịẹnkịẹn-ọkụ-ofori atomi fịị tẹẹ. 27Ị́ á warị muarị ḅẹḅẹ, ị́ mẹnjị fị simearị etela sọ tẹẹ. Anị anie pẹlẹma ḅọrọ mu ala-a fịị laarị anga.
Currently Selected:
Egberima-Ẹkwẹn 7: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria