Egberima-Ẹkwẹn 14
14
1Ye-nimi ẹrẹḅọ anie nimi kẹ iḅi furo-warị mịẹ pakama-ḅoarị, kụma oḅori-sọarị ẹrẹḅọ á furo-warị kan guluguluma sararị.
2Kịnị mingirima-mingirima-a ḍumo kọn, tẹ ḍie pakama mịnẹ ị́ KỊNỊNYANAḄỌ ḅe ḅịḅịpokiarị; ị́ kịnị mingirima ḍumo kọn-arị ḅẹḅẹ, ị́ ḍie-pakama tẹ mịnẹ ị́ ọ̀ ḅịḅịpoki-a.
3Oḅori-ḅọ ḅe ḅụụ-gelema ọ̀ mịẹ tẹ ori ẹkwẹn ḅakarị; ye-nimi tomḅọ ḅe ori ẹkwẹn ọ̀ gbaịn ḅọrọmarị.
4Ḍụọ ḅio kiri-sokuye mẹ fọnọ mẹnjị ḅẹ anambulo ofori ḅẹḅẹ ị́ fịaị koko warị papaa foo-sime ḅa, kụma arị emi ḅẹḅẹ mbịaka anị ḅio ḅin ḅa.
5Ḅioḅẹngbọ kẹ ḅụụ ḅụ gbana na-iḅi ḅara sime ḅẹrẹ-kiri-simeḅọ sakị mamgba karakara mẹ ḍukoarị, kụma ọkọ sime-a ḅọ mẹ iruo ye sikima mḅọ jen ḍuko-a.
6Ḅụụ-gelemarị apụ inetẹ gbala-gbala ḅo ye-nimiapụ sọ ḅịa, kụma sịḅịḅio nyana apụ sarasarama ye ḍawọ ḅoarị.
7Oḅori-sọarị atomi ḅụ ị́ ḅụụ wẹrị ḅelemaa; ịn nyana tẹ kẹ í toluma ḅẹ gberie-sọ ofori.
8Tiye ẹrẹsị aka-nimiḅọ ye-nimiḅọ sọarị? Ori ọ̀ mịẹ ḅẹ ye nimi wararị ẹrẹsị. Tiye ẹrẹsị oḅori-ḅọ ḅe oḅori-sọarị? Ọ̀ papaa kuromarị ò nimi ye emi.
9Oḅori-sọarị atomi ịn bala-a in si mịẹarị sọ, kụma iḅi atomi ḅiiarị in si-wẹrịso ịn pịrị.
10Ị́ kọn-arị ḍereku mẹ í nye; ị́ nyanarị ḅioḅẹngbọ-si mẹ sọ í nye. Ị́ na arị nyana gboloma ḅẹ ḅọ ofori.
11Iḅi tomḅọ warị mẹ paa sịẹsime ḅa, in si tomḅọ warị mẹ kan-kọsịma tẹ sọ.
12 #
Egb 16.25
Í kuromarị karakara etela mẹ ẹbịsịya ị́ kẹ mu fịị ḅio suu ḅa.
13Ḍẹrị ẹbịsịya kururu ḅọị ḅa. Ḅioḅẹlẹ sọ tẹ ḅẹḅẹ, kururu sakị mamgba emi.
14Si atomi sime ịn pịrị gbẹẹ-ye nyana ḅa. Iḅi atomi ịna mịẹ-aị ḅẹ gbẹẹ-ye nyana ḅa.
15Oḅori tomḅọ ḅẹẹye-ḅẹẹye minini ḅa; sịḅịḅio nyana apụ ịna amẹnjị-ḅụọ ẹbịarị.
16Ye-nimiapụ balarị ịn ḅụụ-fụka ḅio sọ ḅịa ḅara, kụma apantu amẹẹ ma bala-a ḅara kẹ fọnya ḅaka ḅara kẹ ye mịẹarị.
17Owi ḅioḅẹngbọ nyana apụ oḅori amịẹaị mịẹarị; ye-nimi ịn nẹngị apụ nwẹnị yaụ-simearị.
18Gberie-sọ nimi-a apụ ma ịna oḅori-sọ dogi-ḅo ịn pịrị ye nyanarị, kụma aka nimi apụ ma ịn ḍawọ ḅo ye kẹ gbẹẹ-ye ḅara ọkịarị.
19Si-mịẹapụ karakaraye-mịẹapụ ma tọrọkọ iḅo tẹ ḅụụ-iderima ḅara kẹ ịn tẹkẹ ḅa, ini paa iḅi kẹ ịn mịẹẹ.
20Gbọrụḅọ-sọ, ọkị-ḅo ori na kpeki tẹ angarị ḅọ la, igoinḅọ ḅe ḅẹlẹma-a, kụma ngọ-kọn ḅọ ḅẹ tọnwa ikiapụ nyana wararị.
21Í ḅioḅẹlẹ ḅẹ-ḅiiarị ḅẹḅẹ, iḅiọkụ igoin-apụ na angaa; ḅẹḅọ-ḅẹḅọ ḍiki-sima mẹ anie sii.
22Í iḅiye gotẹ namakọrịarị ḅẹḅẹ, ja atomi ḅioḅẹngbọ kẹ ị́ ḅụ gbana tẹ pịkị kụn kẹ ị́ pịrị ḅa; í siye gotẹ nama kọrịarị ḅẹḅẹ í kura-aye mịẹarị.
23Kọrịnama kọrịị, anịsakị ị́ ị́ kẹ anga ḅẹ ye nyana ḅa; ị́ papaa lẹgị-lẹgị tẹ ḅịḅị-ḅẹlẹmarị ḅẹḅẹ, í igoin ḅa.
24Ye-nimiapụ ma ini ngọ kẹ gbẹẹ-ye ḅụ ịn pịrịarị, kụma oḅori-sọarị atomi ma ịna oḅori-sọ mie kịnị kẹ ịn nimiarị ye.
25Ḅẹrẹ-kiri sime-ḅọ karakara mẹ ḍukoarị sakị ọ̀ kịnị ḍumo ḅọrọmarị; ori iruo aị ḍukoarị sakị ọ̀ kịnị kẹ jen-apụ tọrọkọ dẹrịmarị.
26Kụn kẹ KỊNỊNYANAḄỌ ḅe pịrị mẹ ḅiokpọ kẹ tomḅọ pịrịarị, anị pịkị mịẹ tẹ mḅọ na mḅọ warị-suku na ye ḅụụ la-a tẹ simearị.
27Í ḅiiarị ị́ fịị kọkọrọ? KỊNỊNYANAḄỌ ḅe kụn mẹ anie ḍumo ngụngụḅa.
28Amadaḅọ opu sịrẹrẹ wararị anga anie ọ̀ ḅẹrẹtọn pịrịarị apụ kịẹn-ḅịḅị la ḅara; ini ofori kụma ori papaa ye.
29Ị́ yaụ-simearị ḅẹḅẹ, ị́yẹrị ye-nimi ḅọ, kụma í owi ḅioḅẹngbọ nyana ḅẹḅẹ, í jen mịẹ-a, í oḅori-sọ la ḅara kẹ tomi ḍiearị.
30Ḅioḅẹngbọ ḅẹ dein mịẹ tẹ tomḅọ ḅarị obi-a, kụma afana kịkarị ye anie oju ḅio pẹị kọsịmarị si obi.
31Í igoin-apụ ponomarị ḅẹḅẹ, ị́ ịn tẹmẹ Tamụnọ ḅe mịẹ-simarị; kụma í iḅi kẹ igoin-apụ mịẹarị mẹ anie í sunsin Tamụnọ pịrịarị.
32Si-sịḅịḅio-sụa apụ ma ịna si amịẹaị mie ịna ḅịkị dogi-ḅoarị, kụma iḅi-apụ ma ịna gasịtẹ ḍumo mie ịn gbaịn ḅọrọmarị.
33Sịḅịḅio nyana wararị ḅọ kuromarị ye goyegoye ḅụ nimi emi; apantu amẹẹ ma nimi nwẹn-sịn ye sọ in nimi-a.
34Karakara mịẹ anie sịẹ-sịẹ kẹ opu kiri koromarị; kụma si anie tọrụ-tuu dogi-ḅo ḅẹ tomi-tomi pịrịarị.
35Amịna akọrịnama kọrị kpaịnmarị fịrịmẹnjịapụ mie amadapụ ḅioḅẹlẹmarị; kụma in fomu-ḅara kẹ in ḅii ḅara mịẹ-a apụ pịrịarị.
Currently Selected:
Egberima-Ẹkwẹn 14: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria