Kịẹn-aḅịḅị 33
33
Ijiputi Ḅụ Mẹnjị Mu Kenanị La Mẹ
1Mịna aḅiri ma ḅụ mie Izirẹlịapụ ma ịna kpoo, kpo ma ḅụ Mozizi na, Erọnị na tọrọkọ tarị ịn pịrị tẹ ini Ijiputi ama mẹ ḅụ paka-so sakị ḅiri, ḅiri ḅụ ịn kobiri, kobiri sime anga. 2KỊNỊNYANAḄỌ ḅe tọn tẹ Mozizi ḅiri, ḅiri ḅụ ịn sime, sime tẹ saakị anga ma kẹ ḍiri ḅio kẹẹm, anịsakị ịna saakị mẹnjị anga wẹrịtẹ sime-ḅara ḅụ, mịna anga ma anie ḅiri, ḅiri ma. 3Saḅa-ḅọrọ sakị mẹ ḅọrọ tẹso, ene mẹ ḅụ Izirẹlịapụ ma owu-ḅara-iḅi ḅara kẹ Ijiputi-ḅẹ-apụ mamgba tọrụ-ogbo ḅụ tarị akalụ mẹ ḅẹ jei aḍin karama ene mẹ ḅụ saakị pakam: Ramịsịsị ḅụ ịn saakị mẹnjịm, 4Ijiputi-ḅẹ-apụ ma ịna tarị awọmẹ mamgba, inima tẹ KỊNỊNYANAḄỌ ḅe ịna ogbo-ḅio ḅụ fomu ḅa apụ ma ḍiḅiarị ogbo; KỊNỊNYANAḄỌ ḅe ḅẹrẹ pẹlẹ ịna oru-atamụnọ ma sọ ọgọnọ gbanam. 5Mie ḅụ Izirẹlịapụ ma Ramịsịsị ḅụ saakị mẹnjịm, tẹ mu Sukọtị ḅụ akpụrụ-warị pike tẹ kobiri tẹ simem.
6Sukọtị ḅụ ịn saakị mẹnjịm, tẹ mu Ẹtamụ, tẹ ịkpa mẹ agara ḅụ simearị anga ḅụ akpụrụ-warị pike tẹ kobiri tẹ simem.
7Ẹtamụ ḅụ ịn saakị mẹnjịm tẹ pịkị ọḅụ da tẹ Pi-hahirọtị tẹ Balị-zẹfọnị ḅụ ịrụa-saakịarị-anga mum, tẹ tẹrẹmẹ mu Migidọlị la ḅụ akpụrụ-warị pike tẹ kobiri tẹ simem. 8Pi-hahirọtị ḅụ ịn saakị mẹnjịm, tẹ Awụ Tọrụ mẹ ogboku ḅụ mẹnjị ḅọrọ mu Ẹtamụ ḅẹ ịkpa mẹ ḅio sọm, tẹ ịkpa mẹ ḅio tẹra aḍin mẹnjị tẹ mu Mara ḅụ akpụrụ-warị, pike tẹ kobiri tẹ simem.
9Mara ḅụ ịn saakị mẹnjịm, tẹ ḅo Ẹlimu lam; Ẹlimu ḅụ ḅụ oyi maa ngụngụḅa aminji finji na, eneme kụrọ atesi oyi finji na sime simem, tẹ ini anịjụ akpụrụ-warị pike tẹ kobiri tẹ simem.
10Ẹlimu ḅụ ịn saakị mẹnjịm, tẹ Awụ Tọrụ mẹ akaka ḅụ akpụrụ-warị pike tẹ kobiri tẹ simem.
11Awụ Tọrụ mẹ ḅụ ịn saakị mẹnjịm, tẹ ịn kẹ Sini sịn-arị ịkpa mẹ ḅio akpụrụ-warị pike tẹ kobiri tẹ simem.
12Ịn kẹ Sini sịn-arị ịkpa mẹ ḅio ịn saakị mẹnjịm, tẹ Dọfịka ḅụ akpụrụ-warị pike tẹ kobiri tẹ simem.
13Dọfịka ḅụ ịn saakịm, tẹ Elusu ḅụ akpụrụ-warị pike tẹ kobiri tẹ simem.
14Elusu ḅụ in saakị mẹnjịm, tẹ Rẹfidimụ ḅụ akpụrụ-warị pike tẹ kobiri tẹ simem ḅuu, ḅuu minji anịjụ ḅụ ofori tomi ma ḅuu ḅarịye.
15Rẹfidimụ ḅụ ịn saakị mẹnjịm, tẹ Sayịnayị ḅẹ ịkpa ḅio akpụrụ-warị pike tẹ kobiri tẹ simem.
16Sayịnayị ḅẹ ịkpa mẹ ḅio ịn saakị mẹnjịm, tẹ Kibirọtị-hatava ḅụ akpụrụ-warị pike tẹ kobiri tẹ simem.
17Kibirọtị-hatava ḅụ ịn saakị mẹnjịm, tẹ Azirọtị ḅụ akpụrụ-warị pike tẹ kobiri tẹ simem.
18Azirọtị ḅụ ịn saakị mẹnjịm, tẹ Ritima ḅụ akpụrụ-warị pike tẹ kobiri tẹ simem.
19Ritima ḅụ ịn saakị mẹnjịm, tẹ Rimọnị-pẹrẹzi ḅụ akpụrụ-warị pike tẹ kobiri simem.
20Rimọnị-pẹrẹzi ḅụ ịn saakị mẹnjịm, tẹ Libina ḅụ akpụrụ-warị pike tẹ kobiri tẹ simem.
21Libina ḅụ ịn saakị mẹnjịm, tẹ Risa ḅụ akpụrụ-warị pike tẹ kobiri tẹ simem.
22Risa ḅụ ịn saakị mẹnjịm, tẹ Kehelata ḅụ akpụrụ-warị pike tẹ kobiri tẹ simem.
23Kehelata ḅụ ịn saakị mẹnjịm, tẹ Sẹfa tụndụ ḅụ akpụrụ-warị pike tẹ kobiri tẹ simem.
24Sẹfa tụndụ ḅụ ịn saakị mẹnjịm; tẹ Harada ḅụ akpụrụ-warị pike tẹ kobiri tẹ simem.
25Harada ḅụ ịn saakị mẹnjịm, tẹ Makẹlọtị ḅụ akpụrụ-warị pike tẹ kobiri tẹ simem.
26Makẹlọtị ḅụ ịn saakị mẹnjịm, tẹ Tahati ḅụ akpụrụ-warị pike tẹ kobiri tẹ simem.
27Tahati ḅụ ịn saakị mẹnjịm, tẹ Tera ḅụ akpụrụ-warị pike tẹ kobiri tẹ simem.
28Tera ḅụ ịn saakị mẹnjịm, tẹ Mitika ḅụ akpụrụ-warị pike tẹ kobiri tẹ simem.
29Mitika ḅụ ịn saakị mẹnjịm, tẹ Hasimona ḅụ akpụrụ-warị pike tẹ kobiri tẹ simem. 30Hasimona ḅụ ịn saakị mẹnjịm, tẹ Mozerọtị ḅụ akpụrụ-warị pike tẹ kobiri tẹ simem.
31Mozerọtị ḅụ ịn saakị mẹnjịm, tẹ Bene-jakanị ḅụ akpụrụ-warị pike tẹ kobiri tẹ simem.
32Bene-jakanị ḅụ ịn saakị mẹnjịm, tẹ Hori-agidigadị ḅụ akpụrụ-warị pike tẹ kobiri tẹ simem.
33Hori-agidigadị ḅụ ịn saakị mẹnjịm, tẹ Jotibata ḅụ akpụrụ-warị pike tẹ kobiri tẹ simem.
34Jotibata ḅụ ịn saakị mẹnjịm, tẹ Abụrọna ḅụ akpụrụ-warị pike tẹ kobiri tẹ simem. 35Abụrọna ḅụ ịn saakị mẹnjịm tẹ Eziyọnị-geba ḅụ akpụrụ-warị pike tẹ kobiri tẹ sime.
36Eziyọnị-geba ḅụ ịn saakị mẹnjịm tẹ Zini ḅe ịkpa mẹ (anie Kadẹsị) ḅio akpụrụ-warị pike tẹ kobiri tẹ simem.
37Kadẹsị ḅụ ịn saakị mẹnjịm, tẹ Họ tụndụ ḅụ Idọmụ ḅẹ ama agara ḅụ akpụrụ-warị pike tẹ kobiri tẹ simem.
38 #
Kịẹ 20.22-28; Dit 10.6; 32.50 Tẹ KỊNỊNYANAḄỌ ḅe tọn ḅara ḅụ Erọnị, agbamịẹḅọ ḅe Họ tụndụ mẹ kpọlị iwom, tẹ anịjụ fịịm, Izirẹlịapụ ma tarị akalụ mẹ ḅẹ sọnọ aḍin karama ene mẹ ḅụ Ijiputi ama mẹ ḅio paka-so tẹ kụra amesi karama kụra mẹ ḅụ. 39Anịsakị Erọnị Họ tụndụ mẹ ọgọnọ fịị sakị, ọ̀ sịḅị kụra sonioa si, tẹra akụra finji ḅọrọ tẹẹ.
40 #
Kịẹ 21.1
Aradi ḅẹ amadaḅọ, anie Kenanị ḅẹ ḅọ ḅe tẹ Kenanị suku-jụ mẹ ḅio angarị ḅọ ḅe Izirẹlịapụ ma ḅoarị ye mẹ naam.
41Tẹ Izirẹlịapụ ma Họ tụndụ ḅụ saakị mẹnjịm, tẹ Zalimona ḅụ akpụrụ-warị pike tẹ kobiri tẹ simem.
42Zalimona ḅụ ịn saakị mẹnjịm, tẹ Punọnị ḅụ akpụrụ-warị pike tẹ kobiri tẹ simem.
43Punọnị ḅụ ịn saakị mẹnjịm tẹ Oboti ḅụ akpụrụ-warị pike tẹ kobiri tẹ simem.
44Oboti ḅụ ịn saakị mẹnjịm tẹ Iye-abarimu, Mohabụ iri ḅụ akpụrụ-warị pike tẹ kobiri tẹ simem.
45Iye-abarimu ḅụ in saakị mẹnjịm, tẹ Dibọnị-gadi ḅụ akpụrụ-warị pike tẹ kobiri tẹ simem.
46Dibọnị-gadi ḅụ ịn saakị mẹnjịm, tẹ Alịmọnị-dibilatayimu ḅụ akpụrụ-warị pike tẹ kobiri tẹ simem.
47Alịmọnị-dibilatayimu ḅụ ịn saakị mẹnjịm, tẹ Abarimu ḅẹ tụndụ ma ḅio tẹrẹmẹ mu Nebo tụndụ la ḅụ akpụrụ-warị pike tẹ kobiri tẹ simem.
48Abarimu ḅẹ tụndụ ma ḅio ịn saakị mẹnjịm, tẹ Mohabụ ḅẹ ele ma ḅio, Jeriko ḅụ, Jodanị mẹ akaka ḅụ akpụrụ-warị pike tẹ kobiri tẹ simem. 49Mohabụ ḅẹ ele ma ḅio, Jodanị mẹ akaka ḅụ Bẹtị-jẹsịmọtị ḅụ ịn saakị akpụrụ-warị pike mu Abẹlị-sitimu jụjụ-ḅio lam.
Tẹrẹmẹ Jodanị Mẹ Saḅa Toluma Aị
50KỊNỊNYANAḄỌ ḅe nwẹnị Jeriko ḅụ Jodanị mẹ akaka Mohabụ ḅẹ ele mẹ ḅio Mozizi ḅẹẹ, 51“Izirẹlịapụ ma ḅẹẹ, ọ́ Jodanị mẹ saḅa-ḅọrọ tẹ mu Kenanị ḅẹ ama mẹ ḅio sọ sakị, 52anịtẹrẹmẹ mie ọmịnị ama mẹ ḅe apụ mamgba dee pakama ḅarịye ọmịna tọrọkọ ḅụ, tẹ ịna ḍụḅarị akpokobịa mamgba na, ini ikulele kẹ tẹmẹ oru mẹmgba na ḅaa kọsịma, tẹ pịkị ịna gele ayeyọ (oru-awarị) mamgba kan-sara ḅarịye. 53Anịsakị ọmịnị nwẹnị ịna ama mẹ nyana tẹ koro sịẹ ḅa anị ḅio, kẹ gotẹ ọkọ ḅẹẹarị, àrị ama mẹ kẹ ọ́ pịrị tẹẹ, ọmịnị anị nyana ḅẹ ḅara. 54#Kịẹ 26.54-56Ọmịna afuro ma wẹrịtẹ sime-ḅara ḅụ apịan mie ọ́ sụa, sụa tẹ kẹ ama mẹ ḍiya tẹ ḍuu mẹ fị ḅarị ye; ọmịnị opu sime-anga kẹ ḍụḅatẹ furo pịrị ḅa, tẹ pịkị kala sime-anga kẹ kala furo pịrị ḅa apịan mẹ ḅẹ anga, ḅẹ anga ḅụ koro pịrị tẹ anị fị ḅọ, fị ḅọ mḅọ anị nyanam, ọmịna aḍapụ ma afuro ma wẹrịtẹ sime-ḅara mie ọ́ pịkị ḍuu mẹ fị ḅarị ḅara. 55Kụma ọmịnị ọmịna tọrọkọ ḅụ ama mẹ ḅẹ apụ ma dee pakama fama-a ḅẹḅẹ, anịrẹ ini ḅẹ apụ ma tẹ ọ́ wẹrịso tẹ sime apụ ma ḅala kẹ ọmịna atọrụngbọ temi apụ na, ọmịna agaga kpara anangị na sọ ḅa; anịsakị ama mẹ tẹ ọmịnị angarị anga mẹ ḅụ ini ọmịna ḅụụ fụkama ḅa. 56Anịsakị à kuromam à kẹ ịn mịẹ ḅẹ ḅara mẹ à nwẹn kẹ ọ́ mịẹ ḅa.”
Currently Selected:
Kịẹn-aḅịḅị 33: KBTP
Highlight
Share
Compare
Copy
Want to have your highlights saved across all your devices? Sign up or sign in
(C) The Bible Society of Nigeria
