Mayịka 3
3
Mayịka Izirẹlị Ḅẹ Tọrọkọ Tarị Apụ Na, Iruo Ịkịankoro Apụ Na Ḅụụ Kọn Tụḅụrụ Ẹkwẹn
1Ó pokii ọmịnị Izirẹlị ḅẹ sịḅịdapụ na,
Izirẹlị ḅẹ awarị ma ḅẹ ḅẹrẹtọn-apụ na!
Ọ́ karakara ḅẹrẹkọn nimi na-iḅi-a?
2Ọmịnị tẹ iḅiye mẹ ḍiki-ḅioḅu,
tẹ siye mịẹ ḅẹlẹmarịapụ,
ọmịnị tẹ ḍumo tọrụ ḅụ ị̀ atomi ma oju apara mẹ kanị,
tẹ ịna mgbe ma ḅụ ịna oju meni mẹ keni-siin-arị apụ.
3Ọmịnị tẹ ị̀ atomi ma oju meni mẹ pẹị,
tẹ ịna ḅụụ oju apara mẹ si-siin
nwẹnị ḅẹlẹ ḅio ḅẹ nama pẹlẹ ḍọkọḍọkọma ḅara kẹ
ịna mgbe ma anyịma sara,
tẹ opu-ḅẹlẹ ḅio ḅẹ nama keni ḅara kẹ meni mẹ keni.
4Sakị mẹ ḅoarị
ó peema oloku KỊNỊNYANAḄỌ ḅe sịn ḅarị sakị mẹ,
kụma ori ọ́ naa ḅịa;
ọmịna atẹkẹ ma sọ, ò poki ḅịa,
ó siye mịẹm ẹrẹsị.
5Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara,
inima tẹ etela kẹ ị̀ atomi ma ḍie irima apụ ma;
inima tẹ fị-fị ye nyana sakị ḅụ dein karị
kụma ọmụ kẹ ye kẹ ịna aḅịḅị ḅio suu apụ
ma na gbin-arị apụ ma.
6Anịẹrẹsị, ịkịankoroapụ,
Ọmịna eneḅaka mẹ ḍin sọ tẹ ọ́ ḅarị ịkịan koro ḅịa
tẹ kanakana sọ ọ́ pịrị tẹ ọ́ ḅarị ye ḅii
tẹ paka ḅẹ ye ẹrị tẹ ḍuko ḅịa.
Ọmịnị etela kẹ ị̀ atomi ma ḍie irimam ẹrẹsị,
otuka mẹ ọmịnị ịkịankoroapụ ma ọgọnọ tuukoro ḅa,
tẹ eneḅaka mẹ ḅo furu ọ́ pịrị ḅa.
7Ịna ye naa gbarị ḅụ so-ḅịrịapụ ma ḅụụ-jịrị ḅa,
anịsakị ye ḅii tẹ paka ḅe ye ḍuko apụ ma tọrụ-tuu ḅa.
Inimgba ḅụụ-jịrị ḅa,
Tamụnọ ḅarị ịn pakịrị-a ẹrẹsị.
8Kụma yẹrị ọkụma, KỊNỊNYANAḄỌ ḅe ọ̀ Tẹmẹ kẹ,
kụrọ na, karakara ḅẹrẹkọn na, ịnyọ na kẹ
ị̀ ḅụụ ḅio ḅinma wararị;
à kẹ ḅiokpọ tẹ, Izirẹlịapụ oloko kan na,
ịn mịẹ asi na mịẹfinji ịn pịrịị.
9Ó miemẹ naa, ọmịnị Izirẹlị ḅẹ sịḅịdapụ na,
Izirẹlị ḅẹ awarị ma ḅẹ ḅẹrẹtọn apụ na,
tẹ karakara ḅẹrẹkọn mẹ ḍiki-ḅioḅu tẹ anị sịkị,
tẹ vuunma pịkị tẹ ḅẹrẹ mamgba pịkị-pịkị iḅoarị apụ.
10Ọmịnị tẹ ọmbie kẹ sukutarị-ḍụḅarị sọma Zayọnị nama,
tẹ ḅẹrẹ pịkị iḅo kẹ Jeruselemu, Tamụnọ opu ama mẹ namarị apụ.
11Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị,
anịḅẹ agbamịẹapụ ọkọ ḅara kẹ Oloko mẹ tolumarị,
anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị,
anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị;
“KỊNỊNYANAḄỌ ḅe wamịna ogbo-ḅio ori ofori?
Gberie-sọ ḅo wa la ḅịa.”
12 #
Jer 26.18
Anịẹrẹsị ó gotẹ,
ịn ḍụọ ḍiḅi ḅẹ kiri soku ḅara kẹ Zayọnị soku ḅa,
Jeruselemu si-aị nguma kpoli sara sọ ḅa,
tẹ Tamụnọ warị mẹ nama tụndụ mẹ ḅo opu piri sọ ḅa.
Currently Selected:
Mayịka 3: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria