Jọsụwa 19
19
Ịn Kẹ Simiyọnị Pịrị Ye-yọ
1Maaịn karama apịan mẹ paka-ḅo Simiyọnị pịrịm, Simiyọnị furo mẹ gotẹ, anị paka-ḅom anị ḅẹ afuro ma wẹrịtẹ sime ḅara ḅụ; anịsakị anị ḅẹ sime anga mẹ Juda furo mẹ sime anga mẹ ḅẹ ogboku simem. 2#1 Pkị 4.28-33Anịsakị anị anị ḅẹ sime anga mẹ gotẹ nyana anga anie Biyasẹba na, Sẹba na, Moleda na, 3Haza-suhalị na, Bala na, Ezemu na, 4Elitoladị na, Betụlụ na Họma na, 5Zikilagị na, Bẹtị-makabọtị na, Haza-susa na, 6Bẹtị-lebayọtị na, Saruhẹnị na — oyi tẹra opu ama finji na arịḅẹ kala-ama ma na kẹ arị ḅụ sụa.
7Ahini na, Rimọnị na, Ẹta na, Asanị na — inia opu ama na, arịḅẹ kala-ama ma na kẹ arị ḅụ sụa. 8Mịna opu ama ma ikelema-koro wararị kala-ama mamgba ọkị mu Bahalatị-biya, anie Kenanị suku-jụ ḅẹ Rama jụjụ-ḅio kẹ arị ḅụ sụa gboloma. Miemẹ anie Simiyọnị furo mẹ ḅẹ sime anga, anị ḅẹ afuro ma wẹrịtẹ sime-ḅara ḅụ. 9Simiyọnị furo mẹ ḅẹ sime anga mẹ Juda ye-yọ mẹ ḅẹ pakịrị mịẹm; gbala Juda furo mẹ ḍiekiri mẹ ịna aḅụụ anị ḍụḅa ḅakam ẹrẹsị; Simiyọnị furo mẹ ịna sime anga mẹ ogboku ḅụ ịna sime anga ọkịm.
Ịn Kẹ Zẹbulọnị Pịrị Ye-yọ
10Tẹrẹị Karama apịan mẹ paka-ḅo Zẹbulọnị furo mẹ pịrịm anị ḅẹ afuro ma wẹrịtẹ sime-ḅara ḅụ. Anịsakị anị ḅẹ sime anga mẹ mu Seridi sime jụjụ-ḅio lam. 11Anịtẹso anị ḅẹ oke mẹ iwo ịrụa-ideriarị-anga da-mu ma-mu Marala la, tẹ Dabẹsẹtị sẹsẹrị ḅọrọm, anịtẹrẹmẹ mu kuroro mẹ tẹ Jokinihamụ ḅụ ịrụa-saakịarị-anga mẹ lam. 12Seridi ḅụ anị nwẹnị ịrụa-saakịarị-anga ḅụ osi pakịrị da-mu ịrụa-saakịarị-anga mẹ ḅụ Kisilọtị Tabọ ḅẹ oke mẹ la; anịjụ anị nwẹnị so Daberatị mu, tẹ iwo mu Jafịya la; 13anịjụ anị ọkọ wẹrị ịrụa-saakịarị-anga mẹ ḅụ ḅọrọ ịrụa-saakịarị-anga mẹ da-mu Gati-hefa la, mu Ẹtikazini la, tẹ so Rimọnị mu ḅara ḅụ anị anda Niya da-mum. 14Anịtẹrẹmẹ ọgọnọ-jụ ḅụ oke mẹ pịkị ikelema ḅo Anatịnị lam, tẹ anị nwẹnị Ifitayẹlị Tụndụ Ogboku ḅụ kunoma. 15Katatị na, Nahalalị na, Simirọnị na, Idala na, Bẹtịlịhẹmụ na — oyi maa opu ama finji na arịḅẹ kala-ama ma na kẹ arị ḅụ sụa. 16Miemẹ anie Zẹbulọnị furo mẹ ḅẹ sime anga mẹ anị ḅẹ afuro ma wẹrịtẹ sime-ḅara ḅụ, mịna opu ama ma na, arịḅẹ kala-ama ma na kẹ arị ḅụ sụa.
Ịn Kẹ Ịsaka Pịrị Ye-yọ Mẹ
17Ini karama apịan mẹ paka-ḅo Ịsaka pịrịm, Ịsaka furo mẹ gotẹ anị paka-ḅom anị ḅẹ afuro ma wẹrịtẹ sime-ḅara ḅụ. 18Anị ḅẹ ye-yọ ḅụ sime ama Jẹzirili na, Kẹsulọtị na. Sunemu na, 19Afaremu na, Siyọnị na, Aneyaratị na, 20Rabiti na, Kisiyọnị na, Ibẹzị na, 21Rẹmẹtị na, Ẹnịganimu na, Eniyada na, Bẹtị-pazẹzị na. 22Oke mẹ pịkị Tabọ na, Sahazuma na, Bẹtị-semesi na sọ sẹsẹrịm, tẹ anị ḅẹ oke mẹ Jodanị mẹ ḅụ kunomam — ini opu ama fa si na, arịḅẹ kala-ama ma na kẹ arị ḅụ sụa. 23Miemẹ anie Ịsaka furo mẹ ḅẹ sime anga mẹ anị ḅẹ afuro ma wẹrịtẹ sime-ḅara ḅụ — opu ama ma na, arịḅẹ kala-ama ma na kẹ arị ḅụ sụa.
Ịn Kẹ Asa Pịrị Ye-yọ Mẹ
24Sọnọ karama apịan mẹ paka-ḅo Asa furo mẹ pịrịm anị ḅẹ afuro ma wẹrịtẹ sime-ḅara ḅụ. 25Anị ḅẹ ye-yọ mẹ ḅụ sime ama Ẹlịkatị na, Eli na, Bitẹnị na, Akisafụ na, 26Alamẹlẹkị na, Emadi na, Misalị na; ịrụa-ideriarị-anga ḅụ anị Kamẹlị na, Siyọ-libinatị na sẹsẹrịm. 27Anịtẹso anị pịkị ịrụa-saakịarị-anga da-mum; anị mu Bẹtị-dagọnị lam, tẹ Zẹbulọnị na, ọgọnọ-jụ da-mu pakịrị ḅụ Ifitayẹlị sẹsẹrị mu Bẹtị-ẹmẹkị na, Niyẹlị na lam; anịtẹso anị ọkọ kẹ ọgọnọ-jụ ḅụ mu ma-mu Kebulu na, 28Hẹbụrọnị na, Rehobu na, Hamọnị na, Kena na gburo-gburotẹ Sayịdọnị mẹ sime jụjụ-ḅio lam. 29Anịtẹrẹmẹ oke mẹ pịkị Rama mum tẹ Taya ini ọmụ gotẹ mịẹ kụrọma wararị opu ama mẹ lam; anịtẹrẹmẹ oke mẹ nwẹnị pịkị Hosa mu tẹ Opu Tọrụ ḅụ kunoma Meyalabụ na, Akizibu na, 30Uma na, Afẹkị na, Rehobu na, anị ḅụ emi — si maa opu ama finji na, arịḅẹ kala-ama ma na kẹ arị ḅụ sụa. 31Miemẹ anie Asa furo mẹ ḅẹ sime anga, anị ḅẹ afuro ma wẹrịtẹ sime ḅara ḅụ, mịna opu ama ma na arịḅẹ kala-ama ma na kẹ arị ḅụ sụa.
Ịn kẹ Nafutali Pịrị Ye-yọ Mẹ
32Sonio karama apịan mẹ paka-ḅo Nafutali furo mẹ pịrịm, Nafutali furo mẹ gotẹ anị paka-ḅom anị ḅẹ afuro ma wẹrịtẹ sime-ḅara ḅụ. 33Anịsakị anị ḅẹ oke mẹ Helefu ḅụ Zayananimu ḅio sime arị ịn kẹ oku nwẹn-sịn opu sịn mẹ ḅụ anị saakịm, tẹ Adaminẹkẹbụ na, Jabunili na ḅụ ḅọrọ mu Lakumu jụjụ-ḅio lam; anị nwẹnị mu Jodanị mẹ ḅụ kunoma. 34Anịtẹso oke mẹ nwẹnị pịkị ịrụa-ideriarị-anga da-mu Azininọtị Tabọ la, tẹ anịjụ ḅụ so mu Hukọkụ la, tẹ suku-jụ ḅụ Zẹbulọnị na, ịrụa-ideriarị-anga ḅụ Asa na, Jodanị mẹ ḅụ ịrụa-saakịarị-anga ḅụ Juda na sẹsẹrị ḅọrọ. 35Ini ọmụ gotẹ mịẹ kụrọma opu ama ma anie Zidimu na, Zaha na, Hamatị na, Rakatị na, Kịnẹrẹtị na, 36Adama na, Rama na, Hazọ na, 37Kẹdẹsị na, Ẹdirẹlị na, Ẹniyezọ na, 38Yirọnị na, Migidalẹlị na, Họrẹmụ na, Bẹtanatị na, Bẹtị-semesi na — gbọrụ opu ama fa si na, arịḅẹ kala-ama ma na kẹ arị ḅụ sụa. 39Miemẹ anie Nafutali furo mẹ ḅẹ sime anga anị ḅẹ afuro ma wẹrịtẹ sime-ḅara ḅụ — opu ama ma na arịḅẹ kala-ama ma na kẹ arị ḅụ sụa.
Ịn Kẹ Danị Pịrị Ye-yọ Mẹ
40Sọnọma karama apịan mẹ paka-ḅo Danị furo mẹ pịrịm anị ḅẹ afuro ma wẹrịtẹ sime-ḅara ḅụ. 41Anịsakị anị ḅẹ sime anga mẹ ḅẹ ye-yọ anie Zora na, Ẹsịtahọlị na, Isemesi na, 42Salibumị na, Ahijalọnị na, Itila na, 43Ẹlọnị na, Timina na, Ẹkịrọnị na, 44Ẹlitikẹ na, Gibẹtọnị na, Bahalatị na, 45Jiyudu na, Bẹnẹbirakị na, Gati Rimọnị na, 46Mẹjakọnị na, Rakọnị na, Jọpa saḅa anga ḅẹ ye-yọ mẹ kẹ anị ḅụ sụa. 47#Ḅẹr 18.27-29Danị furo-ḅẹ-apụ ma ye-yọ mẹ fa ịn piri tẹso, Danị furo-ḅẹ-apụ ma nwẹnị iwo mu tẹ Lẹsẹmụ na owu sọ, ini anị ọkị tẹ okologie kẹ anị fama, tẹ anị ọkị nyana tẹ anị ḅio koro anga tẹso, ịn nwẹnị ịna atẹngịḅọ ẹrẹ Danị kẹ Lẹsẹmụ kuro. 48Miemẹ anie Danị furo mẹ ḅẹ sime anga ịna afuro ma wẹrịtẹ sime-ḅara ḅụ, mịna opu ama ma na, arịḅẹ kala-ama ma na kẹ arị ḅụ sụa.
49Ịn kiri mẹ kẹ sime anga ḅara ḅụ mịna ye-yọ kụlọ-kụlọ, ma ḍie fama tẹso, Izirẹlịapụ ma nwẹnị ịna ogbo-ḅio ḅụ gbọrụ sime anga kẹ Jọsụwa, Nọnị owiḅọtụḅọ ḅe pịrị. 50KỊNỊNYANAḄỌ ḅe tọn ḅara ḅụ Iferemu ḅẹ tụndụ ọgọnọ ḅẹ opu sịẹ mẹ ḅio Timinatị Sera opu ama tẹ ò ḅii ye mẹ ịn nwẹn kẹ ọ̀ pịrịm; tẹ ọ̀ nwẹnị siin opu ama mẹ nama tẹ anị ḅio kuro anga. 51Ma ma anie sime anga ma tẹ Ẹlịyeza, agbamịẹḅọ ḅe na, Jọsụwa, Nọnị owiḅọtụḅọ ḅe na Izirẹlịapụ ma afuro ma ḅẹ ḍa awarị-warị ḅẹ asịḅịdapụ ma na Silo ḅụ KỊNỊNYANAḄỌ ḅe tọrọkọ, kobiri Akpụrụ-warị mẹ ḅọkọ mẹ ḅụ apịan sụa ḅara ḅụ ḍiem ḅẹ aị ma. Mị-ḅara mie ịn kẹ kiri mẹ ḍie fama ḅara.
Currently Selected:
Jọsụwa 19: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria