Ditẹrọnọmị Suku-saakị Ẹkwẹn
Suku-saakị Ẹkwẹn
Suku-saakị Ịn kẹ Ditẹrọnọmị sịn ḍiri mẹ anie Mozizi, Mohabụ ḅẹ ama mẹ ḅụ kpoo-kpo ḅụ kọọn Izirẹlịapụ ma pịrị ẹkwẹn ma ḅẹ gbọrụ kpo, ini ịkpa ḅio ḅẹ nangwọtẹ igoni mẹnjị mẹ kọn kunoma tẹ daasịẹ anga, tẹ Kenanị ḅio sọ-mu tẹ anị ọkị anga ḅẹ-yearị anga ḅụ. Mie kụrọ tẹịn tẹ ḍiri mẹ ḅio kẹẹ wararị aḅẹrẹ ma ḅẹ jaị jaị ḍuka ma-ḅo ḅara: 1. Mozizi ḅọrọ tẹ kụra amesi ḅụ mịẹ wararị gburo-gburotẹ aị ma kẹ siin ḅiokoromam. Ò ḍuko tomi ma pịrịm, Tamụnọ ịkpa mẹ ḅio wẹrịtẹ ịn ḅọrọma toluma tẹ ḅara kẹ ḅiokoromam, mịẹtẹ ịn Tamụnọ ḅịḅị poki tẹ sịḅị-tuu ọ̀ pịrị ḅẹ ḅara. 2. Mozizi siin toluma Oyia Oloko ma ḅio ḍikim, tẹ Tarị Oloko mẹ fiearị ye ḅụ mgbọ ḅakụm, tẹ tomi ma sịn-arị ịn ḅụụ saakị KỊNỊNYANAḄỌ ḅe ngẹrị pịrị ḅẹ ḅara. Anịtẹso ò siin toluma oloko kịrị-kịrị ma ḅio tẹ minini ịn pịrị ama mẹ ḅio ḅẹrẹtọn Izirẹlị nyana ḍumo mẹ piri ḅẹ aị ma ḍikim. 3. Mozizi Tamụnọ kẹ ini na fị wararị ọḅọkụ mẹ fiearị ye kẹ tomi ma ḅiokoromam tẹ in sịnm ịn mịẹ na-iḅi aị ḅara ḅụ ịn siin ịna ḅụụ sịkị arịḅẹ amịẹaị ma pịrị mịẹ ịwọmaa. 4. Maaịn karama tẹ Tamụnọ atomi ma kẹ tọrọkọ tarị ḅarị ḅọ ḅara ḅụ ịn Jọsụwa tọnm. Gbọrụ nume suu tẹ kẹ Tamụnọ ò minini ḅara mịẹm ḅẹ alalị fị fama, tẹ Izirẹlị ḅẹ afuro ma boma fama tẹso, Mozizi Mohabụ ḅụ Jodanị Tọrụ mẹ ḅẹ ịrụa-saakịarị-anga mẹ ḅụ fịịm. Ḍiri mẹ ḅẹ opu sịḅị anie Tamụnọ ọ̀ sẹlẹ-ọkị tẹ atomi ma ḅọrọmam, tẹ in bomam, inima tẹ ọ̀ belema apụ ma; ori atomi miemẹ kẹ ḅiokoroma ḅa, tẹ ọ̀ ḅẹlẹma, tẹ ọ̀ ḅịḅị poki ḅa, mịẹtẹ in ḍumo nyana, pịkị boma nyana tọrọkọ tọrọkọ mu ḅẹ ḅara. Ḍiri mẹ ḅẹ kụrọ tẹịn ọrụ ma anie: sịḅị mẹ sonio, oru ma ini ḅụ goo mu sonio karama ọrụ la (6.4-6), tẹ ẹkwẹn-aḅịḅị ma tẹ Jizọsị kẹ oloko mamgba ḅụ ḍụḅa tẹịn oloko sịn ye mẹ anie: “Í ḅioḅẹngbọ mẹmgba, ị́ tẹmẹ mẹmgba na ị́ ịnyọ mẹmgba na kẹ KỊNỊNYANAḄỌ ị́ Tamụnọ ḅe ḅẹlẹmaa.”
Ḍiri Mẹ Ḅio Simearị-aị
1. Mozizi tarị kọn ẹkwẹn 1.1—4.49
2. Mozizi maaịn karama kọn ẹkwẹn 5.1—26.19
a. Oyia Oloko ma 5.1—10.22
b. Oloko na, tọn aḅẹrẹ na, ḅeri-nụnụ aị na 11.1—26.19
Kẹ Kenanị sọ-mu ḅẹ daa-tụkụma ẹkwẹn 27.1—28.68
In siin ọḅọkụ mẹ mịẹ ịwọmam 29.1—30.20
Mozizi kunoma ẹkwẹn-aḅịḅị 31.1—33.29
Mozizi fịị mẹ 34.1-12
Currently Selected:
Ditẹrọnọmị Suku-saakị Ẹkwẹn: KBTP
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Nigeria