Ịzakaraya 9

Ọkarẹyị ọnịvị Anisirẹrị nịnị

1 # Ayị 17.1-3; Ijer 49.23-27; Emọ 1.3-5 # Ayị 23.1-18; Ezk 26.1—28.26; Ijow 3.4-8; Emọ 1.9,10; Imt 11.21,22; Irk 10.13,14 Ịrẹyị ọnị Ẹnẹyịmavara kà a kà yị anẹkụra Ihadiraki ọnịrị Ịdamasịkọsị yị. Ẹnẹyịmavara kà ọnị vaa tụhwọ Ịdamasịkọsị. Ọnị vaa sị eyi pè avaba anẹhẹ anka avaba ịrẹsụ ene hi Isirẹrị. 2Ọ kà Ihamati ana gụrị Ihadiraki rẹ vị anị. Avọọ ẹkụra Ịtaya ọnịrị Ịsịdọnị beri eyohweyi anị. 3Ịtaya ọ raà jị ọvọ kara ẹngụ anị. Avọọ ọ mẹ gu ẹkẹhị ọnịrị igooru ẹnẹmẹhị jẹẹ anka ezi ini eteesu avọọ nị. 4Ẹnẹyịmavara kà ọnị va dọ avaba ogu anị ẹnẹẹ, dị ọnị va hi òkù, dị ọnị rị ẹkụra ọnọọ ịra za eteesu. 5#Ayị 14.29-31; Ijer 47.1-7; Ezk 25.15-17; Ijow 3.4-8; Emọ 1.6-8; Ịzhw 2.4-7Anẹkụra Asikeroni vee re e, dị angwa ee hi wa. Anẹkụra Igaza vee re e dị ọ zị wa ẹngụ ẹtẹẹtẹrẹ. Avọọ ọ mẹ vaa zị anẹkụra Ekironi agụvị ka ịsị e si eyi tụra vaa ta. A vaa wụ̀ ohinọyị Igaza. Asikeroni vị ana vaa tụ osusu. 6Anẹkụra irenyi-irenyi nịnị vaa dọ ẹtẹ Asidodi dị ẹ ra ịnị anị nị. Ẹnẹyịmavara kà ọnị vaa mẹ̀ ụhị nyị Anihwirisiti agụvị ka ẹ sị ẹngụ ẹnịnị tụ ẹba. 7Ẹnẹyịmavara kà ọnị vaa dọ wa uye anya-anya hụrẹ wa irenu agụvị ka ịsa enyisi ẹ yaa rị nị. Aza ana ha vaa vị ya ịnị aza anị anka ịrẹsụ ọnya ịnị Ijuda. Ekironi vaa sị mẹ anka Ijebu avọọ nị. 8Ama ọnị vaa sere ẹtẹ anị, dị ẹ yị nyị isoja ana nyayịnẹ para a hu. Ọnị ẹ yị kụkụ vaa zẹ ka anayịchama ọ vaa mẹ ẹvaya yị aza anị agụvị ka ọnị vee sere wa. 9#Imt 21.5; Ịjọ 12.15Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị. 10#Ahẹ 72.8Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Ohomorihi vaa va aza anị nọ udi ẹnịnị

11 # Kụra 24.8 Ẹnẹyịmavara kà agụvị eku ọnị ọnị sị anya ịsọvọ hị́ beri wa, ọnị vaa dọ wa ha hụrẹ ụvọ aza ana za wa ọrịhị. Udi ọrịhị ẹnịnị sị mẹẹ anka ọza ọ̀ọ jị ọza ẹngwa tụ ịnị ịkangga osusu avọọ nị. 12Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva. 13Ọ kà ọnị vaa kara Ijuda anka ọkịta ọkụrẹkụ avọọ, dị ọnị mẹ Ehwireemi anka ọpa, dị Ịzayọnị ọnị sị mẹ anka ụhwọ ọnyeyẹẹva avọọ. Aza ẹnẹnị ọnị vaa sị beri anọrụ Anigirisi nịnị kụ̀ ịrẹkụ nị. 14Ẹnẹyịmavara vaa sị ẹngụ zụ akẹbẹẹba aza anị, di ee ne ọpa ana zẹtẹ anka ịnyanya avọọ. Ẹnẹyịmavara Ananyịwa vee hu ịkakanchị, dị zị ụsẹ tụ ọvịdị ịnị opomi hụrị ẹyị ụvẹtẹ vẹ. 15Ẹnẹyịmavara Ochẹtẹẹngụ vee sere aza anị, di e vu ọnịvị ẹnịnị ẹtẹ. Ẹnịnị vee nowu eyi ịrẹkụ anka aza ene hu eche avọọ. Ẹ vaa dọ ọnịvị ẹnịnị anya vaa ha, di e sii anka anya ịsa ịsọvọ ana a và hí ịrẹsụ ụta hụụnị ẹnya avọọ. 16Ịhị ẹkụhị ọnọọ òo si tu, Ẹnẹyịmavara vaa dọ aza anị ha anka oseratẹmẹ mẹẹ dọ ịsụpa anị tụ hụụnị ụvọ uswọọza avọọ. Ẹnịnị vaa zẹtẹ ịnị ẹkụra anị anka ọmọ ohinọyị avọọ. 17Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Currently Selected:

Ịzakaraya 9: EBTP

Highlight

Copy

Compare