Ịzakaraya 7

Ẹnẹyịmavara o yi sì ịrẹyị awẹ ẹnẹ ẹ yị nyị ịzẹyịza.

1Ịnị ẹkụhị ọhụna ịnị ụhwẹ ịhịịna ana a hị́ Ichisirevi, ịnị ịrayị ọhụna ọnị Ịdarịyọsị sị rị ohinọyị, Ẹnẹyịmavara kà ịrẹyị yị Ịzakaraya nị. 2Aza ana ra Ịbẹtẹrị ệ tụ́ Ịsarẹzẹrị ọnịrị Ịrẹgẹmị-Ịmẹrẹkị beri anọrụ ẹnịnị ka ẹ vẹ ịnị irehi Ẹnẹyịmavara Ochẹtẹẹngụ ka ẹ na da ịpẹ ka Ẹnẹyịmavara ọ vayị ẹnịnị. 3Dị ẹ rẹ họ̀ ohirẹsụ irehi Ohomorihi ọnịrị ọnịsẹ nịnị use ka, “Áá vọrọ ka ẹnị ẹ́ẹ́ zị ẹngụ, dị asị ẹnị rị ịsa ịnị ụhwẹ ẹẹhị ịrayị anka a mẹẹ̄ vịdị mẹ̀ ẹ ịnị ịrayị ọrụrụ-ọrụrụ ana para hu?” 4Dị Ẹnẹyịmavara Ochẹtẹẹngụ ô pe Ịzakaraya ka ịrẹyị nị. 5Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu. 6Ẹnịnị àa rị, di e yee hu, aa vị agụvị ịnẹha ẹngụ ẹnịnị. 7Ụtụ ọnọnị Ẹnẹyịmavara vịdị tụ́ ọnịsẹ nịnị hi wa ịnị ụmẹ ọnị o zee yị Ijerusarẹmị, dị aza hi chi ẹngụ ọnịrị ẹkụra-ẹkụra ana kara a beri Ịnẹgẹvị, eyi ụvẹtẹ anị ọnịrị eyi ịzị ọyịị̄ ngụ ẹtẹ, uruvo ataba nịnị.

Akamawụ ộ mẹ̀ ka a za aza ọrịhị nọ Ịbabịrọnị nị.

8Ẹnẹyịmavara ộ sị enube ọnọnị yị Ịzakaraya: 9Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva. 10Asị ẹ mẹ ẹvaya yị osoku a vị ozi oku ọnịrị ọzọga a vị ọnụya. Asị ẹ sị ịrẹyị odivi ọza tụ́ ịnị ayị. 11Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị. 12Ẹnịnị ệ mẹ ayị ẹnịnị katẹngụ hu ịrẹta agụvị asị ẹ wụ́ ọda ọnịrị ịrẹyị ọnị Ẹnẹyịmavara Ochẹtẹẹngụ raà sị ụhwẹ tụ ịnị ayị ọnịsẹ ịpaapa nịnị ka ẹ ka yị wa. Agụvị avọọ Ẹnẹyịmavara Ochẹtẹẹngụ kụ́ ayị hi wa nị. 13Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa. 14Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.

Currently Selected:

Ịzakaraya 7: EBTP

Highlight

Copy

Compare