Iruutu ỌYỊSỊZỤ
ỌYỊSỊZỤ
Iwe Iruutu vị iwe ịtọpa ịsa ana mẹ ịnị ụmẹ ọnị Anisirẹrị nịnị nyị ẹngụkata ịnị ụmẹ Ọdọvịdị nịnị. Ụmẹ ọnọọ ụngwẹ ộ kụ̀ ịnị ẹtẹ Isirẹrị. Â nyị ọnọrụ ọnya aanị ana aa hị́ Ẹrịmẹrẹkị ana vị Anịbẹtịrẹhẹmị ịnị ẹtẹ Ijuda. Agụvị ụngwẹ ộ sị ose anị Inawomi ọnịrị ezi anị ẹẹva Imahironi ọnịrị Ikiriyoni zwe na ra Imowabi nị. Ezi anị ệ nyị anẹẹ Animowabi. Ịrẹma ịrayị ẹẹwụ, dị avaba anọrụ ẹnẹẹ su, dị ọ sị vọ Inawomi ọnịrị ese ezi anị nị. Ose ozi ọnya ana aā hị́ Ọpa ộ varẹma ka anda ẹnịnị na, ama Iruutu ọnị saasa ọnyị ọva anị varẹma na Ịbẹtịrẹhẹmị ịzị anda ọva anị Ibowazị ya kụ́ ọ ogu. Iruutu ô ma ozi ana vị ọdọmịrẹsụ ọva anị ene su. Ozi anị vị ọnya ịnị ohiku Idevidi ọnịrị Ijeesu pooro tu ajịnị. Iruutu ộ mẹ̀ ebira ọnị ayị anị ẹ yị zụ hí ịnị ịtọpa Anisirẹrị nịnị.
Eyi Ịrẹyị
Iruutu ộ saasa Inawomi nọ Ịbẹtịrẹhẹmị 1.1-22
Iruutu ọnịrị Ibowazị 2.1—3.18
Ibowazị ộ nyị Iruutu 4.1-22
Currently Selected:
Iruutu ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.