Ahẹ Ụgama 99
99
1 #
Kụra 25.22
Ẹnẹyịmavara ọ vị ohinọyị nị.
 nyị ka angwa òo hi anẹhẹ, dị ẹ̀ẹ dá ẹgahị.
Ẹnẹyịmavara vị ana yaayịtẹ ịnị akakana icherubi nịnị, dị ẹhẹ ee henyi jigi-jigi.
2Ẹnẹyịmavara ộ nyị ụbanyị tụ́,
ọnị ọ nyị ụbanyị huna avaba anẹhẹ nị.
3Avaba aza vaa sị ụbanyịị yị ịrẹha anị ana maanị ngụ ịrẹyị.
Ọnịnị ọ vị nị.
4Ohomorihi ohinọyị vị ana nyị ụkata,
oō sì ka asị a mẹ apẹ.
Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.
5Waā kụ́ Ẹnẹyịmavara ana vi Ohomorihi ayị,
tana tụra ẹtẹ ọvịdị anị ịzị ọ yaayịtẹ agụvị ka ọnịnị ọ vị nị.
6Imosiisi ọnịrị Eerọnị yà ịnị aza ana vị ohirẹsụ irehi Ohomorihi.
Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.
7 #
Kụra 33.9
Ohomorihi vị ana yà ini eguhi ana dà jẹẹ anka ọhẹ avọọ di ee pè wa kà ịrẹyị.
Avaba ọda oni Ohomorihi mẹ yị aza ẹnẹẹ vị eni e si eyi pè.
8Ẹnẹyịmavara ana vị Ohomorihi ayị, wê tụ́ ohi aduwa ẹnịnị.
Ịzẹyịza ụụ̄ sị ụyaa rị wa,
ana ụ rẹẹ̄ vagu, wa ini ịsa edivi ẹnị ẹ̀ẹ mẹ.
9Waā sị ụbanyịị yị Ẹnẹyịmavara ana vi Ohomorihi ayị,
di wa nọ ịnị ataba anị dị waa tanaa tụra ẹtẹẹ kụ́ ọ nịnị.
Yẹ nịnị ka Ẹnẹyịmavara ana vị Ohomorihi ayị, ẹ yị nyị ẹngụ anị.
Currently Selected:
Ahẹ Ụgama 99: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
