Ahẹ Ụgama 82
82
Ohomorihi ọ vị ohinọyị ene hu nị.
(Ahẹ Asahwi).
1Ori nịnị mẹ̀ ta wara gụ, di Ohomorihi jẹẹ ịnị akakana ẹnịnị dị ọ mẹ̀ ọkarẹyị yị wa nị.
2Ẹwụ nịnị ana nyị ụkata, sị ẹ vẹ dị waa sị ịrẹyịị gụ ọza ana aa mẹ̀ ebira odivi nịnị?
Sị ẹ vẹ dị wee sima ọkarẹyị mẹ ka wa sị gụ aza edivi nịnị?
3Ọkụmị ọnịrị ozi oku vị ana vọrọ ka waa ba owu nịnị.
Oniruwa ọnịrị aza ana aa mẹ ehuna yị vị ana vọrọ ka wa dọ ịrẹvụ ẹnịnị vụ̀.
4Navọ wa dọ ọkụmị ọnịrị onosiye nịnị tụ́.
Dọ wa hụụnị ụvọ aza edivi.
5Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ?
Ụkọrọ odivi kẹnẹ ụ waa mẹẹ zị nịnị,
wa sị ẹhẹ và ịrẹsụ chi nịnị.
6 #
Ịjọ 10.34
Emi e si o ro ka wâ nyị ụkata nịnị,
dị ẹmị aa hị́ ka avaba awụ nịnị vị ozi Ohomorihi ana yà ẹbẹẹba keekere nị.
7Ama vi u vee sú nịnị kẹnẹ anka ọzarẹyịrẹsụ avọọ nị.
Óohinọyị ana vọ mẹ̀ vịdị ta, avọọ ẹ́wụ nịnị mẹ̀ rẹ vaa ta nị.
8Ohomorihi, navọ wa kwẹẹtẹ dị wa mẹ̀ ọkarẹyị anẹhẹ.
Ẹwa nyị avaba anẹhẹ nị.
Currently Selected:
Ahẹ Ụgama 82: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
