Ahẹ Ụgama 57
57
Ohomorihi, navọ wa gụ mị ụvọ
1Ohomorihi, aarịhịnị kwogwo navọ wa vayị amị
Wâ yẹ ka ẹwụ mi zwe va vaka nị
Ịda awụ m maa vakaa tụ́ pooro dị avaba ẹtẹ ana aa sụ́ kúkùkù ọ̀ ta nị.
2Mê nowu na za Ohomorihi ana nẹba hu keekere
Ọnị aa mẹ avaba ịsị aa rị mị ụyaa mị nị.
3Ohomorihi vaa hụrẹ ini ihinẹba vẹ, dị ọ va dọ mị tụ́
Avaba aza ana kwẹẹtẹ tù mị vị ọnị ọ vaa mẹ ụhịị nyị
Ohomorihi vi ene vee sì ịrẹyị amị pooro, ọ yị vee vene mị.
4Aza ana kara mị vị ana yà anka idu avọọ
Ẹnịnị vi uye odivi ana aā na ọzaa rị
Ẹ zụ sị ịrẹyị irenu ẹnịnị wụ̀ ọza obobooro anka ụhwọ
Ịrẹyị ẹnịnị ọ zụ wụ̀ ọza anka ọpa ọnịrị ọha mẹ̀ẹ wụ̀ ọza avọọ.
5Ohomorihi ẹwa nyị ụbanyị hu keekere ini ihinẹba nị
Navọ avaba anẹhẹ è re ụbanyị awụ.
6Ọnịvị amị ee bè mi ka ẹnị ẹ̀ za mị
Ayị amị o si du ẹtẹẹtẹrẹ
Ọnịvị ẹ raà chị ụsị ka me zina ngụ ọ
Ama dị ahịka ẹnị ụvọta ẹ rẹ varẹma horo ngụ ụsị ọnọọ nị.
7Ohomorihi, ayị amị vị ana maanị jẹẹ geri-geri, me yi hí angwa
Mi vee hu ịsa, dị maa jị ahẹ kụ́ wụ avọ.
8Ẹnẹnẹ viri-viri vị ọnị maa kwẹẹtẹ
Maa kwẹẹtẹ dị ma sị agidibò amị.
9Màa sị ọ dị maa sịị kụ́ wụ avọ, Ẹnẹyịmavara, ini eyi avaba aza
Mị vaa jị ahẹ kụ́ wụ ịnị akakana ịnọyị.
10Wê sì ịrẹyị ọza pooro, avọọ ụ mẹ̀ rẹ nyị ịzẹyịza nị
nyị ịsị ọza sii juwe anị.
11Ohomorihi, ẹwa nyị ụbanyị hu keekere ini ihinẹba nị
Navọ avaba anẹhẹ è re ụbanyị awụ.
Currently Selected:
Ahẹ Ụgama 57: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
