Ahẹ Ụgama 32
32
Aza oni Ohomorihi vagu
(Ahẹ Idevidi ọnị ọ sị sị ịrẹyọyẹ kọ ọza)
1 #
Iro 4.7,8 Aza oni Ohomorihi ọ̀ọ raà vagu, dị ọ raà sị ayị hụụnị ịvị ẹnị ẹ mẹ nị vaa dàa jẹ kẹnẹ.
2Ọza ẹnẹ Ẹnẹyịmavara ọ̀ọ raà jị ịhị yị dị ọza ọnọọ ò yi me vene ọza nị vaa dàa jẹ kẹnẹ.
3M mè si irenu kú oku, dị mẹ̀ yị dọ ka mâ mẹ ịvị
dị avaba ẹngụ amị aa há mịị ha kẹnẹ nị agụvị ka ẹmịrị owu ọ vị pooro nị.
4Ohomorihi, ọọdụ ọnịrị ịrahụ vị ọnị ụ nyayịnẹ tana ụvọ za mị
Ẹngụ amị ộ ta vara anka avị ịnị ọhahị avọọ.
5Di mi ve nyima dị maa kụ́ irenu amị nị ka mâ rị ịvị
mẹ yị kụkụ dà ịvị amị ọnyọọnyị tẹ
Ẹnẹyịmavara, mị ka maa dọ irenuu wụ ka mâ rị ịvị
M mẹ̀ vavọọ dọ irenu, dị ụ vagu mị ịnị ịvị ọnị mị rị nị.
6Ẹngụkata ọ̀ọ vẹ, â vọrọ ka aza Ohomorihi ẹ̀ẹ mẹ̀ aduwaa hi ọ
Ẹngụkata ọnọọ ọ zụ vẹ kúkùkù
ama o yi vee tù wa.
7Ohomorihi, ịda awụ mi zwe va tẹ nọ mâ yẹ ka ụ va dọ mịị hụụnị akanya
dị maa jị ahẹ ka wa sị mị dọ tụ́.
8Di Ohomorihi kà ọnị vaa zụ̀ mi oze ana a vọrọ ka mị va zị.
Ọ kà ọnị pè mii jị uwe, di ọnị ee sere mị
9Ohomorihi rẹ ka asị mị na mẹ ụra
anka umaata ọnịrị ịkẹrịkẹtẹ ẹnẹ ẹ̀ yị mā yẹ ịrẹyị avọọ.
À yị vị a maanị sị enyusẹ chee aanị tụ́ umaata irenu, dị asị obo tụ́ ọ
ọ mā wụ́ ịrẹyị ọza.
10Aza ana aā mẹ̀ ebira odivi vaa dàa rị ụya kẹnẹ
Ama ọza ana sị ayị tụra Ẹnẹyịmavara vi oni o vee sì ịrẹyị anị pooro di ee sere e.
11Ẹwụ nịnị ana aa mẹ̀ ebira ana vọrọ waā jẹ agụvị ịsa ẹnẹ Ẹnẹyịmavara aa mẹ
Avaba ẹwụ nịnị ana aa mẹ̀ ebira ana vọrọ ini eyi Ohomorihi
mị ka waa jẹ dị waa jị ahẹ nịnị.
Currently Selected:
Ahẹ Ụgama 32: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 32
32
Aza oni Ohomorihi vagu
(Ahẹ Idevidi ọnị ọ sị sị ịrẹyọyẹ kọ ọza)
1 #
Iro 4.7,8 Aza oni Ohomorihi ọ̀ọ raà vagu, dị ọ raà sị ayị hụụnị ịvị ẹnị ẹ mẹ nị vaa dàa jẹ kẹnẹ.
2Ọza ẹnẹ Ẹnẹyịmavara ọ̀ọ raà jị ịhị yị dị ọza ọnọọ ò yi me vene ọza nị vaa dàa jẹ kẹnẹ.
3M mè si irenu kú oku, dị mẹ̀ yị dọ ka mâ mẹ ịvị
dị avaba ẹngụ amị aa há mịị ha kẹnẹ nị agụvị ka ẹmịrị owu ọ vị pooro nị.
4Ohomorihi, ọọdụ ọnịrị ịrahụ vị ọnị ụ nyayịnẹ tana ụvọ za mị
Ẹngụ amị ộ ta vara anka avị ịnị ọhahị avọọ.
5Di mi ve nyima dị maa kụ́ irenu amị nị ka mâ rị ịvị
mẹ yị kụkụ dà ịvị amị ọnyọọnyị tẹ
Ẹnẹyịmavara, mị ka maa dọ irenuu wụ ka mâ rị ịvị
M mẹ̀ vavọọ dọ irenu, dị ụ vagu mị ịnị ịvị ọnị mị rị nị.
6Ẹngụkata ọ̀ọ vẹ, â vọrọ ka aza Ohomorihi ẹ̀ẹ mẹ̀ aduwaa hi ọ
Ẹngụkata ọnọọ ọ zụ vẹ kúkùkù
ama o yi vee tù wa.
7Ohomorihi, ịda awụ mi zwe va tẹ nọ mâ yẹ ka ụ va dọ mịị hụụnị akanya
dị maa jị ahẹ ka wa sị mị dọ tụ́.
8Di Ohomorihi kà ọnị vaa zụ̀ mi oze ana a vọrọ ka mị va zị.
Ọ kà ọnị pè mii jị uwe, di ọnị ee sere mị
9Ohomorihi rẹ ka asị mị na mẹ ụra
anka umaata ọnịrị ịkẹrịkẹtẹ ẹnẹ ẹ̀ yị mā yẹ ịrẹyị avọọ.
À yị vị a maanị sị enyusẹ chee aanị tụ́ umaata irenu, dị asị obo tụ́ ọ
ọ mā wụ́ ịrẹyị ọza.
10Aza ana aā mẹ̀ ebira odivi vaa dàa rị ụya kẹnẹ
Ama ọza ana sị ayị tụra Ẹnẹyịmavara vi oni o vee sì ịrẹyị anị pooro di ee sere e.
11Ẹwụ nịnị ana aa mẹ̀ ebira ana vọrọ waā jẹ agụvị ịsa ẹnẹ Ẹnẹyịmavara aa mẹ
Avaba ẹwụ nịnị ana aa mẹ̀ ebira ana vọrọ ini eyi Ohomorihi
mị ka waa jẹ dị waa jị ahẹ nịnị.
Ebira First Bible © Bible Society of Nigeria, 2014.