Ahẹ Ụgama 31
31
Ahẹ ọza ana sị ayị tụra Ohomorihi
(Ahẹ Idevidi ana yà ịnị ụvọ ọga ọjahẹ)
1Ẹnẹyịmavara, ẹwụ mị sị ayị tụra nọ,
aarịhịnị asị ụ mẹ̀ ụhị nyị mị.
Ẹwụ vị Ohomorihi anaā mẹ ịrẹyị ana vọrọ
navọ wa dọ mị tụ́.
2Navọ wa wụ́ ịpọda amị, dị wa wụsẹ vẹ dị wa va ba mi owu,
dị wa dọ mị tụ́ dị asị a nyị ịsị ẹ zụ va kanyị mị ịzọọ. 3Wâ yẹ ka ẹwụ ee sere mị dị wẹ̀ yị zẹẹ ka à nyị ịsị ẹ kanyị mị nị.
Navọ wa hụ agụvị ụbanyị ẹngụ awụ, wa vayị amị dị waā zụ̀ mi oze.
4Asị ụ navọ ka ịrẹpa ana a và zi mi ọ̀ za mị,
wâ yẹ ka ẹwụ mi zwe va vaka nị.
5 #
Irk 23.46
Mâ sị ẹngụ amị ve chire wụ ụvọ, ẹwụ Ẹnẹyịmavara Ohomorihi
mâ yẹ ka ịzẹyịza ụụ̄ mẹ nị.
6Ayị aza ana aā hẹkẹ ori vị ana aā kụ́ mị
ẹwụ kẹnẹ ẹmị sị ayị tụra nị.
7Ayị amị vee hine ẹtẹẹtẹrẹ agụvị ka vi ụụ̄ sì ịrẹyị ọza pooro nị
ma rẹ yẹ ka wee re ụya ọnị maa rị, wee re ayị amị mè dụ.
8Wẹ rẹ vaa navọ ka ụvọ ọnịvị ò kú mi,
wâ zẹẹ ka maa zị hwana-hwana.
9Ẹnẹyịmavara, navọ wa vayị amị
wéē re ẹngụkata ene tù mi. Mâ jị òrèrè pooro eyi amị o kú gu, ayodu aa vaa wụ̀ mị.
10Mị ka ụya ọnị maa rị ọnịrị orere ọnị maa jị eyinị-eyinị aa vaa wụ̀ mị
Ịvị ọnị mị mẹ ọ yị zẹẹ ka ma kụkụ nyị ụkata
Mâ ta mẹ sẹkẹ-sẹkẹ tịtẹ. 11Avaba ọnịvị amị ọnịrị anokokooro amị bẹẹ vị ana aa kụ́ mi isiya
Ọta mị vi ene kuku ee re mii zwe,
aza èe re mi ịnị ẹkụra di e wuse zwe kana mị.
12Ayị amị ô hi avaba aza
Mị kụkụ sị mẹẹ Anaka ọza ene wusu avọọ nị
Mị ka mị kụkụ yà anka ịsa ana a ka è ne nē ta ini eyi ẹnịnị nị.
13Maa wụ́ aza ọrụrụ-ọrụrụ mèe cheechee kú mị
dị ẹnịnị ee chire mi angwa eyi ụvọnị-ụvọnị
ẹ yaa gẹ eyi amị ka ẹnị ẹ̀ dọ mị ụhwẹ.
14Ama Ẹnẹyịmavara, ẹwụ mị sị ayị tụra nọ
Mị ka ẹwa vị Ohomorihi amị nị.
15Ẹwụ mị sị ẹngụ amị chire ụvọ pooro nị
Navọ wa dọ mị tụ́ hụụnị ụvọ ọnịvị amị ọnịrị aza ana aa dụ mị.
16Nda, aarịhịnị navọ wa mẹ ka ò zee mị, dị wa dọ mị tụ́
Mâ yẹ ka vị ụụ̄ vayị ọza pooro nị.
17Ẹnẹyịmavara, ẹwụ mi nowu va za nọ,
asị ụ navọ ka ụhị ọ̀ nyị mị
Navọ ụhị ọ̀ va sị aza ana aa mẹ̀ ebira odivi nyị
dị ẹnịnị è sú dị ayị ẹnịnị è hị́.
18Navọ wa za onireche ẹnẹẹ irenu kú oku
Ẹnịnị vị ana aā mẹ eyi dị ẹ yaa sị eyii wụ̀ aza ana aa mẹ̀ ebira ana vọrọ ini eyi Ohomorihi
Dị ẹnịnị aa kà ịrẹyị oni irenu ẹnịnị e yi tù.
19Wâ dà mẹ ka ò zee yi aza ana sị ụbanyị yị wụ kẹnẹ
Aza ene èe zwe va tẹ ịda awụ, avọọ ụ mẹẹ̄ mẹ ka ò zee yi wa ini eyi avaba aza nị.
20Ẹwụ ụvọta ọ sị wa tẹ dị wẹ̀ yị zẹẹ ka aza ene ee bè wa è re wa za nị
Wâ sị wa tẹ ịda awụ, wẹ yị zẹẹ ka à nyị ịsị irenu ọnịvị zụ mẹ wa.
21Ẹnẹyịmavara maa kụ́ wụ avọ agụvị ka wê sì ịrẹyị amị ẹtẹẹtẹrẹ ọnịvị mẹ̀ kara mị dị ẹ yaa dụ mị.
22Angwa ô hi mi ịjị ọnọọ, dị mị ka te, vị a sị mị dụ hụụ ịda awụ aanị nọ
Ama m mẹ̀ vavọọ nowu va za wụ ka wa ba mi owu, dị ụ vayị amị nị.
23Ẹwụ nịnị aza Ohomorihi, weē sì ịrẹyị Ẹnẹyịmavara nịnị
Ọ yị vaa zẹẹ ka à nyị ịsị ẹ mẹ̀ ọnịzẹyịza
ama aza ene ee woo zi vị ọnị ọ vaa sị ụyaa rị anka ọ mẹ̀ vọrọ.
24Avaba ẹwụ nịnị ana sị ayị tụra Ẹnẹyịmavara,
asị u hí angwa nịnị vụrụ-vụrụ.
Currently Selected:
Ahẹ Ụgama 31: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 31
31
Ahẹ ọza ana sị ayị tụra Ohomorihi
(Ahẹ Idevidi ana yà ịnị ụvọ ọga ọjahẹ)
1Ẹnẹyịmavara, ẹwụ mị sị ayị tụra nọ,
aarịhịnị asị ụ mẹ̀ ụhị nyị mị.
Ẹwụ vị Ohomorihi anaā mẹ ịrẹyị ana vọrọ
navọ wa dọ mị tụ́.
2Navọ wa wụ́ ịpọda amị, dị wa wụsẹ vẹ dị wa va ba mi owu,
dị wa dọ mị tụ́ dị asị a nyị ịsị ẹ zụ va kanyị mị ịzọọ. 3Wâ yẹ ka ẹwụ ee sere mị dị wẹ̀ yị zẹẹ ka à nyị ịsị ẹ kanyị mị nị.
Navọ wa hụ agụvị ụbanyị ẹngụ awụ, wa vayị amị dị waā zụ̀ mi oze.
4Asị ụ navọ ka ịrẹpa ana a và zi mi ọ̀ za mị,
wâ yẹ ka ẹwụ mi zwe va vaka nị.
5 #
Irk 23.46
Mâ sị ẹngụ amị ve chire wụ ụvọ, ẹwụ Ẹnẹyịmavara Ohomorihi
mâ yẹ ka ịzẹyịza ụụ̄ mẹ nị.
6Ayị aza ana aā hẹkẹ ori vị ana aā kụ́ mị
ẹwụ kẹnẹ ẹmị sị ayị tụra nị.
7Ayị amị vee hine ẹtẹẹtẹrẹ agụvị ka vi ụụ̄ sì ịrẹyị ọza pooro nị
ma rẹ yẹ ka wee re ụya ọnị maa rị, wee re ayị amị mè dụ.
8Wẹ rẹ vaa navọ ka ụvọ ọnịvị ò kú mi,
wâ zẹẹ ka maa zị hwana-hwana.
9Ẹnẹyịmavara, navọ wa vayị amị
wéē re ẹngụkata ene tù mi. Mâ jị òrèrè pooro eyi amị o kú gu, ayodu aa vaa wụ̀ mị.
10Mị ka ụya ọnị maa rị ọnịrị orere ọnị maa jị eyinị-eyinị aa vaa wụ̀ mị
Ịvị ọnị mị mẹ ọ yị zẹẹ ka ma kụkụ nyị ụkata
Mâ ta mẹ sẹkẹ-sẹkẹ tịtẹ. 11Avaba ọnịvị amị ọnịrị anokokooro amị bẹẹ vị ana aa kụ́ mi isiya
Ọta mị vi ene kuku ee re mii zwe,
aza èe re mi ịnị ẹkụra di e wuse zwe kana mị.
12Ayị amị ô hi avaba aza
Mị kụkụ sị mẹẹ Anaka ọza ene wusu avọọ nị
Mị ka mị kụkụ yà anka ịsa ana a ka è ne nē ta ini eyi ẹnịnị nị.
13Maa wụ́ aza ọrụrụ-ọrụrụ mèe cheechee kú mị
dị ẹnịnị ee chire mi angwa eyi ụvọnị-ụvọnị
ẹ yaa gẹ eyi amị ka ẹnị ẹ̀ dọ mị ụhwẹ.
14Ama Ẹnẹyịmavara, ẹwụ mị sị ayị tụra nọ
Mị ka ẹwa vị Ohomorihi amị nị.
15Ẹwụ mị sị ẹngụ amị chire ụvọ pooro nị
Navọ wa dọ mị tụ́ hụụnị ụvọ ọnịvị amị ọnịrị aza ana aa dụ mị.
16Nda, aarịhịnị navọ wa mẹ ka ò zee mị, dị wa dọ mị tụ́
Mâ yẹ ka vị ụụ̄ vayị ọza pooro nị.
17Ẹnẹyịmavara, ẹwụ mi nowu va za nọ,
asị ụ navọ ka ụhị ọ̀ nyị mị
Navọ ụhị ọ̀ va sị aza ana aa mẹ̀ ebira odivi nyị
dị ẹnịnị è sú dị ayị ẹnịnị è hị́.
18Navọ wa za onireche ẹnẹẹ irenu kú oku
Ẹnịnị vị ana aā mẹ eyi dị ẹ yaa sị eyii wụ̀ aza ana aa mẹ̀ ebira ana vọrọ ini eyi Ohomorihi
Dị ẹnịnị aa kà ịrẹyị oni irenu ẹnịnị e yi tù.
19Wâ dà mẹ ka ò zee yi aza ana sị ụbanyị yị wụ kẹnẹ
Aza ene èe zwe va tẹ ịda awụ, avọọ ụ mẹẹ̄ mẹ ka ò zee yi wa ini eyi avaba aza nị.
20Ẹwụ ụvọta ọ sị wa tẹ dị wẹ̀ yị zẹẹ ka aza ene ee bè wa è re wa za nị
Wâ sị wa tẹ ịda awụ, wẹ yị zẹẹ ka à nyị ịsị irenu ọnịvị zụ mẹ wa.
21Ẹnẹyịmavara maa kụ́ wụ avọ agụvị ka wê sì ịrẹyị amị ẹtẹẹtẹrẹ ọnịvị mẹ̀ kara mị dị ẹ yaa dụ mị.
22Angwa ô hi mi ịjị ọnọọ, dị mị ka te, vị a sị mị dụ hụụ ịda awụ aanị nọ
Ama m mẹ̀ vavọọ nowu va za wụ ka wa ba mi owu, dị ụ vayị amị nị.
23Ẹwụ nịnị aza Ohomorihi, weē sì ịrẹyị Ẹnẹyịmavara nịnị
Ọ yị vaa zẹẹ ka à nyị ịsị ẹ mẹ̀ ọnịzẹyịza
ama aza ene ee woo zi vị ọnị ọ vaa sị ụyaa rị anka ọ mẹ̀ vọrọ.
24Avaba ẹwụ nịnị ana sị ayị tụra Ẹnẹyịmavara,
asị u hí angwa nịnị vụrụ-vụrụ.
Ebira First Bible © Bible Society of Nigeria, 2014.