Ahẹ Ụgama 33
33
Ahẹ ana jị ga Ohomorihi
1Ẹwụ nịnị ana nyị ebira ana vọrọ, waā tụ́ ọga booro-booro
Wa vavọọ tụ́ ọ agụvị Ẹnẹyịmavara
Aza ana nyị ebira ana vọrọ e rere ka ẹ̀ẹ kụ́ Ohomorihi nị.
2Sị àgidibò irenyi-irenyi wa sịị hị́ Ẹnẹyịmavara
ọnịrị agidibò ọnyị orupa ẹẹwụ wa sịị jị ahẹ kụ́ ọ.
3Ẹwa jị ahẹ ọwọọwa idi wee sii gono ọnị
Ẹwụ nịnị ò hú ịsa ẹtẹẹrẹ, dị waa tụ́ ọga yọ nịnị.
4Ịrẹyị Ẹnẹyịmavara, ọnị ộ vọrọ oo nịnị!
Avaba ụkọrọ anị, ịzẹyịza a sịị mẹ̀ ọnị nị.
5Ẹnẹyịmavara, ịzẹyịza o sì nị ee
Ẹnẹyịmavara, avaba aza ụ vayị anị nị.
6Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị.
Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.
7Ộ kụ́ enyi ini òkū gụ, ọgụgụrụgụ vene ataba
Avaba enyi ini òkū, ọ wara gụ tụ́ aha ọnya nị.
8Ẹwụ nịnị anẹhẹ, sị ụbanyị yị Ẹnẹyịmavara
 vọrọ ka avaba anẹhẹ, ẹnịnị ẹ nyị angwahi anị.
9Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro!
Ọda ọnị ọnị mẹ, ọnị ọ mā vara oo!
10Anẹhẹ ẹ̀ẹ sị̀ gụ dị ẹya gẹ eyi, Ẹnẹyịmavara sị ọ gara.
Ịsị anẹhẹ ro, ọ kụ́ ọ vazi, nyẹẹnyẹ
11Ịsị Ẹnẹyịmavara kà ọnị aa mẹ ẹ yị nyị ịsị e zụ zizi ọ, avọọ ọ màa yà nị, ee!
12Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o!
Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!
13Ẹnẹyịmavara yà ẹbẹẹba ee rii re avaba anẹhẹ
14Ọ yà ịda anị, ee re avaba aza ene hi ẹhẹ
15Ọnị ọ mẹ ka aza è zụ ro ịrẹyị, Ộ yẹ avaba ịsa ẹnị ẹ yaa mẹ.
16Vị isoja mẹ̀ sị rụrụ, ohinọyị sị rị ịrẹkụ Ộ!
vị ụkata isoja ọ zụ mẹ ka asị ịrẹkụ rị ọnị.
17Umaata vị ịyẹyẹ, ọ mā dọ ọza tụ́ o!
Ẹ̀ẹ rụrụ dị ẹ nyị ụkata, ẹ mā dọ ọza tụ́ o!
18Ẹnẹyịmavara ô si eyi pè aza avaba ene ee hí angwa anị
Avaba aza ana jẹẹ zi ọ, dị ẹ sị ayị tụra ayamva anị.
19Ọ yị vaa navọ ka ịsụ ọ̀ sị wa, ẹnịnị vaa há ịnị ụmẹ ụngwẹ
20Ẹnẹyịmavara, o, ẹ yaa sị ayị tụra ọnị
Ọnị ọ gụ yị ụvọ ịnị avaba ụmẹ ọnị ịnya ọ vị ogonto ayị nị.
21Ọnị ọ mẹ ka ya jẹ ịrajẹ nị, ụvị ka ya sị ayị tụra ọnị.
22Ẹnẹyịmavara, ẹwụ kẹnẹ ị sị ayị tụra nị, waa va vayị ayị pooro!
Currently Selected:
Ahẹ Ụgama 33: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 33
33
Ahẹ ana jị ga Ohomorihi
1Ẹwụ nịnị ana nyị ebira ana vọrọ, waā tụ́ ọga booro-booro
Wa vavọọ tụ́ ọ agụvị Ẹnẹyịmavara
Aza ana nyị ebira ana vọrọ e rere ka ẹ̀ẹ kụ́ Ohomorihi nị.
2Sị àgidibò irenyi-irenyi wa sịị hị́ Ẹnẹyịmavara
ọnịrị agidibò ọnyị orupa ẹẹwụ wa sịị jị ahẹ kụ́ ọ.
3Ẹwa jị ahẹ ọwọọwa idi wee sii gono ọnị
Ẹwụ nịnị ò hú ịsa ẹtẹẹrẹ, dị waa tụ́ ọga yọ nịnị.
4Ịrẹyị Ẹnẹyịmavara, ọnị ộ vọrọ oo nịnị!
Avaba ụkọrọ anị, ịzẹyịza a sịị mẹ̀ ọnị nị.
5Ẹnẹyịmavara, ịzẹyịza o sì nị ee
Ẹnẹyịmavara, avaba aza ụ vayị anị nị.
6Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị.
Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.
7Ộ kụ́ enyi ini òkū gụ, ọgụgụrụgụ vene ataba
Avaba enyi ini òkū, ọ wara gụ tụ́ aha ọnya nị.
8Ẹwụ nịnị anẹhẹ, sị ụbanyị yị Ẹnẹyịmavara
 vọrọ ka avaba anẹhẹ, ẹnịnị ẹ nyị angwahi anị.
9Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro!
Ọda ọnị ọnị mẹ, ọnị ọ mā vara oo!
10Anẹhẹ ẹ̀ẹ sị̀ gụ dị ẹya gẹ eyi, Ẹnẹyịmavara sị ọ gara.
Ịsị anẹhẹ ro, ọ kụ́ ọ vazi, nyẹẹnyẹ
11Ịsị Ẹnẹyịmavara kà ọnị aa mẹ ẹ yị nyị ịsị e zụ zizi ọ, avọọ ọ màa yà nị, ee!
12Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o!
Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!
13Ẹnẹyịmavara yà ẹbẹẹba ee rii re avaba anẹhẹ
14Ọ yà ịda anị, ee re avaba aza ene hi ẹhẹ
15Ọnị ọ mẹ ka aza è zụ ro ịrẹyị, Ộ yẹ avaba ịsa ẹnị ẹ yaa mẹ.
16Vị isoja mẹ̀ sị rụrụ, ohinọyị sị rị ịrẹkụ Ộ!
vị ụkata isoja ọ zụ mẹ ka asị ịrẹkụ rị ọnị.
17Umaata vị ịyẹyẹ, ọ mā dọ ọza tụ́ o!
Ẹ̀ẹ rụrụ dị ẹ nyị ụkata, ẹ mā dọ ọza tụ́ o!
18Ẹnẹyịmavara ô si eyi pè aza avaba ene ee hí angwa anị
Avaba aza ana jẹẹ zi ọ, dị ẹ sị ayị tụra ayamva anị.
19Ọ yị vaa navọ ka ịsụ ọ̀ sị wa, ẹnịnị vaa há ịnị ụmẹ ụngwẹ
20Ẹnẹyịmavara, o, ẹ yaa sị ayị tụra ọnị
Ọnị ọ gụ yị ụvọ ịnị avaba ụmẹ ọnị ịnya ọ vị ogonto ayị nị.
21Ọnị ọ mẹ ka ya jẹ ịrajẹ nị, ụvị ka ya sị ayị tụra ọnị.
22Ẹnẹyịmavara, ẹwụ kẹnẹ ị sị ayị tụra nị, waa va vayị ayị pooro!
Ebira First Bible © Bible Society of Nigeria, 2014.