Ahẹ Ụgama 21
21
Ohinọyị ộ kụ́ avọ ka Ohomorihi ộ mẹ̀ ka ọnị ọ̀ nyị ehuna
(Ahẹ ọnị Idevidi jị ana ya ịnị ụvọ ọga ọjahẹ)
1Ẹnẹyịmavara, ịnẹ ohinọyị ee hine kẹnẹ agụvị ka wâ sị ụkata yọ
Ụ́ mẹ̀ mẹ ka ọ̀ nyị ehuna ọnịvị anị, dị aa jẹ kẹnẹ nị.
2Ohomorihi avaba ịsị ohinọyị ee sì vị ọnị ụ sị yọ
mị ka avaba ịsị ọ ka wa sị yị ọnị vị ọnị ụ sị yọ
ẹ yị nyị ikonya ana vọ ẹtẹ.
3Wâ kụ́ ogu ozoza-ozoza va yọ
dị ụ sị amu ohinọyị ana a sị igooru obooro mẹ di u si kú ọ ịrẹsụ nị.
4Ohinọyị ộ pà ka wa sị ụhwẹ ọgọdọ yị ọnị
ịzẹyịza dị ụ sị yọ nị
Wâ sị ụhwẹ ọgọdọọ yọ ka ọ̀ yàra pooro zịna-zịna.
5Ụ mẹ̀ gụ ọ ụvọ, dị ọ rẹ nyị ụbanyị hu avọọ nị.
Wa raà mẹ ka ọ̀ ngụrẹyị, dị ọ̀ nyị ụbanyị.
6Wa raà mẹ ka ò zee yọ pooro zịna-zịna
Ohinọyị ộ yẹ ka ịda awụ ọnị yà nị
agụvị avọọ dị ịnẹ anị ee hine kẹnẹ nị.
7Ohinọyị vị ana sị ayị tụra Ẹnẹyịmavara
Ộ yẹ ka Ẹnẹyịmavara vi ene eē sì ịrẹyị ọza pooro agụvị avọọ dị angwa ò yi hí ọ nị.
8Ohomorihi, ụ vaa tana ụvọọ za ọnịvị awụ
ụ vaa sị ụkata awụụ pa ịvaa yị wa.
9Ịhị wàa vẹ, ụ vaa mẹ ka ẹngụ ọnịvị awụ ọ̀ kà ịra anka èe rere ne ọza ngụ ịra avọọ.
Ẹwụ Ẹnẹyịmavara vaa sị ọyịkụ-ọyịkụ dị ụ sị wụ̀ wa
dị ụ rị wa ịra và ha.
10Ịsị aa hị́ ịpa ẹnịnị vị oni u vee vú ẹtẹ hụụnị ẹhẹ
ọza o mē vene re obooro ẹnịnị ịnị ẹhẹ pàá.
11Ẹnịnị vaa gẹ eyi, di e yee sì oze ka ẹnị ẹ̀ mẹ wụ́ ịrẹyị odivi
ama ẹnịnị ẹ yị va zụụ mẹ̀ ẹ.
12Ịjị wèe ne wa ọpa ẹnịnị vaa va ịrẹma tụ́, di e yee zwe.
13Ẹnẹyịmavara, yaa kụ́ wụ avọ
agụvị ka wâ nyị ụkata
Ụkata awụ ọnọọ vị ịrẹyị ọnị ị vaa sị jị ahẹ gono wụ.
Currently Selected:
Ahẹ Ụgama 21: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
