Ahẹ Ụgama 19
19
Ịsa oni Ohomorihi mẹ ệ sị ụbanyị anị zụ̀
(Ahẹ Idevidi ana yị ini ụvọ ọga ọjahẹ)
1Avaba ihinẹba aa sịị zụ̀ ka ụbanyị Ohomorihi ộ dẹngụ
Aa mẹ ka avaba aza è re ụkọrọ oni Ohomorihi sị ụvọ anị mẹ.
2Eyi ana nị̄, vi ana aa nọ ọ booro-booro
Ịrahụ ene hi aa sị ịrẹyọyẹ anịị zụ̀
3Ịzẹyịza ẹ yị há irenu ịrẹyị ọnyị-ọnyị
Ọza ọ yị wụ́ ọngwẹ ẹnịnị vụrụ-vụrụ
4 #
Iro 10.18
Ama ịrẹyị ẹnịnị ê tù ịzị ẹhẹ tù
Mị ka avaba ẹhẹ ệ wụ́ ọ ịsa ẹnị ẹ yaa kà
5Ọyị mẹ jịnẹẹ hụụnị aku anị vẹ, inohine anị ộ banyị
Ọ si me anka ọmụha ana jẹ ka echi ọyị zwe o si tù.
6Ọ mẹ̀ hụrẹ hụrị eyi ọnyara dị ọ na ngụ ẹtẹ tụ́ eyi ọsa nị.
Avaba ịsa ana yà oze anị, ọnị oō há kú nị.
7Ọda Ẹnẹyịmavara ộ gụ ọ zụ sị ụkata ọza vị ọwọọwa
Ọda Ẹnẹyịmavara ộ nị̄, ẹ yị nyị ireche ịnị anị.
8Avaba ọda anị vị ana vọrọ, ọza ana sị eyi pe è, ẹ vaa jẹ
Ọda Ẹnẹyịmavara ộ gụ, ọ zụ sị eyi ọza hweyi.
9Waa sị ụbanyị yị Ẹnẹyịmavara, ịsị e zoza ọ vị ọnọọ nị.
Ụbanyị Ẹnẹyịmavara eni e zụ zizi ọ ịnị ẹhẹ kẹ!
10Ọkarẹyị Ẹnẹyịmavara ô zoza huna igooru
A yi nyị igooru ịnị ẹhẹ eni e zụ si juwe anị.
Avọọ ọ mẹ̀ re hine hu ẹhụ nị, ẹhụ ene ee sì ini ụpaha.
11Ọkarẹyị awụ aa kà aza ọnọ, ọza ana wụ́ chire vee re ọgụ ọbanyị.
12Ọza ọnị ụvọta ọ mā yẹ akụvị ẹngụ anị,
Akụvị oni mee weree mẹ, Ẹnẹyịmavara dọ mi tụ́ ịnị anị.
13Ịsị mị yẹ ka ô divi, navọ asị mị nyayịnẹ mẹ̀ ọnị
Ịsa ene divi navọ asị e zụ hú mị ẹtẹ
Wàa vavọọ mẹ, ẹhẹ amị ọ yị vaa nyị akụvị
Dị ụ sị dọ mị ha hụụnị ebira akụvị-akụvị.
14Ẹnẹyịmavara, ịda awụ mị vaka tụ́ nị
Navọ wa dọ ịrẹyị ọnị maa kà ọnịrị ịrẹyị ọnị mee ro.
Currently Selected:
Ahẹ Ụgama 19: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
