Ahẹ Ụgama 149
149
Ahẹ ana a jị kụ́ Ohomorihi avọ
1Waa kụ́ Ẹnẹyịmavara avọ nịnị.
Waa jị ahẹ ọwọọwa gono Ẹnẹyịmavara nịnị.
Waa jị ahẹ kụ́ ọ avọ ịzị aza anị ẹ̀ẹ maanị kụ́ gụ hi.
2Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị.
Ẹwụ nịnị Anịzayọnị, waa jẹ agụvị ohinọyị awụ nịnị.
3Wee hú ọkangga ọnịrị àgidibò, dị waa nyị ẹzẹ dị waa kụ́ ọ avọ nịnị.
4Ịnẹ Ẹnẹyịmavara vi ene hine tù aza anị.
Aza ana kà ẹngụ ẹnịnị chi vị ọnị ọọ̄ mẹ ka ẹ̀ nyị ehuna ọnịvị ẹnịnị.
5Ẹwụ nịnị aza Ohomorihi, waa jẹ ka wa si ọnịvị awụ nịnị huna.
Wàa yà ịnị ịbẹẹdị awụ nịnị, waa jẹ nịnị.
6Wee nowuu kụ́ Ohomorihi awụ avọ nịnị,
di we tenyi ụhwọ ọ̀ nyị eyi ẹẹva awụ nịnị rị ụvọ.
7Dị wa sị sị ụya rị anẹkụra nịnị.
8Dị ụ za ohinọyị ẹnịnị, dị ụ sị ẹba sụ́ wa,
dị ụ rẹ kụ́ ịchẹkẹchẹkẹ tụ́ aza ẹbanyị ẹnịnị ahụ.
9Dị ụ vavọọ sị ụya rị anẹkụra nịnị anka Ohomorihi mẹ vịdị chẹrẹ ẹ tịtẹ.
Aanị avaba aza Ohomorihi mẹ̀ vaa nyị ehuna nị.
Waa kụ́ Ẹnẹyịmavara avọ nịnị.
Currently Selected:
Ahẹ Ụgama 149: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
