Ahẹ Ụgama 146
146
Ohomorihi Ọdọzaha, avọ
1Waa kụ́ Ẹnẹyịmavara avọ nịnị.
Ẹmị ụvọta ọnị rẹ vaa kụ́ Ẹnẹyịmavara avọ.
2Mị vaa kụ́ Ẹnẹyịmavara avọ pooro nị.
Màa tịị tụ ụhwẹ, mị vaa jị ahẹ kụ́ Ohomorihi avọ.
3Asị ụ na sị ayị tụra aza ana nyị ụkata.
Mị ka asị ụ na sị ayị tụra ọzarẹyịrẹsụ ana ahịka ọ yị zụ dọ ọza há.
4Ịhị ụhwẹ ẹnịnị ọ̀ọ ta, dị ẹ varẹma nọ ịnị eteesu.
Hụrẹ ịhị ọnọọ dị avaba ịsị e vịdị ro ka ẹnị maanị vaa mẹ vara osusu.
5Aza ana ahịka Ohomorihi oni Ijekọvụ hẹkẹ aa gụ ụvọ nị ẹ̀ nyarị ịrẹsụ ọyịza.
Mị ka aza ẹnẹẹ ana ahịka Ẹnẹyịmavara ana vị Ohomorihi ẹ sị ayị tụra nị ẹ̀ nyarị ịrẹsụ ọyịza.
6 #
Ụkọ 4.24; 14.15 Ohomorihi ọnọọ ọ mẹ ẹbẹẹba ọnịrị ẹtẹ ne beri oku ọnịrị avaba ịsa ene hi ịnị anị nị.
Ọnị ọ vị Ẹnẹyịmavara ana ahịka vị ọọ̄ mẹ ịzẹyịza pooro nị.
7Ọnị ọọ̄ vụ̀ ịrẹvụụ yị aza ana aza aa mẹ ehunaa yị nị.
Ọnị ọ rẹẹ sị ịsọyịrịị yị ọza ọnị ụngwẹ aa kụ̀ nị.
Ọnị ọọ̄ hụrẹ aza ana a za hi ịnị ẹngwa nị.
8Ẹnẹyịmavara ọọ̄ há eyi ọza ene gù eyi nị, dị ọ rẹẹ sị aza ana aa hyẹdụụ kwẹẹtẹ nị.
Ẹnẹyịmavara oō sì ịrẹyị aza ana aa mẹ̀ ịsa ana vọrọ.
9Ẹnẹyịmavara vi ene ree sere ọzọga, ọnị aa mẹ ọgụvọọ yị ozi oku ọnịrị osoku nị.
Ama ịsa ana aza edivi ee ro vị ọnị ọ vaa dọ waa gara.
10Ẹnẹyịmavara ọ vị ohinọyị pooro zịna-zịna nị.
Ohomorihi awụ vị ana rị ohinọyị pooro zịna-zịna.
Waa kụ́ Ẹnẹyịmavara avọ nịnị.
Currently Selected:
Ahẹ Ụgama 146: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
