Ahẹ Ụgama 142
142
Ẹnẹyịmavara, ba mi owu
(Ahẹ ịrẹyọyẹ oni Idevidi jị ọ mẹ̀ yà ịnị ụtẹha Aduwa)
1Mê nowu na za Ẹnẹyịmavara.
Maa ká owuu ha ka ọ̀ navọ ọ̀ vayị amị.
2Mâ kà avaba ịrẹyị ẹngụ amị zụ̀ ọ.
Mị ka avaba akanya amị mị kà zụ̀ ọ nị.
3Ịjị o kú du mị eyi, Ẹnẹyịmavara ộ yẹ ịsị avọrọ ka ma mẹ.
Aza vị ana và ịrẹpa ee zi mi ózee ọnị maa zị.
4M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị,
me yi re aha zwe na tẹ̀, ẹ yị nyị ọza ana aa tẹsị amị.
5Ẹnẹyịmavara, mê nowu va za wụ.
Mị ka ẹwa zụ dọ mị tụ́ nị.
Ẹwa vị ogu ọnị mị nyị ịnị ẹhẹ ọnọnị nị.
6Navọ wa ba mi owu ka ọ kụ́ mị tụ́.
Navọ wa dọ mị tụ́ ka aza ana aa dụ mị ẹ sị ụkata nyị huna mị.
7Navọ wa ngwa mị hụụnị ẹsụ ana sụ́ mị aanị,
Wàa sị mị ngwa, mị vaa kụ́ wụ avọ ịzị aza awụ ẹ̀ẹ kụ́ gụ hi
agụvị ịsa ozoza ọnị ụ mẹ mị.
Currently Selected:
Ahẹ Ụgama 142: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
