Ahẹ Ụgama 140
140
Ohomorihi, navọ we sere mị
(Ahẹ Idevidi ana yà ịnị ụvọ ọga ọjahẹ)
1Ẹnẹyịmavara, navọ wa dọ mị tụ́ hụụnị ụvọ aza edivi.
Asị ụ navọ ka aza ene ee sì ka ọnị ẹ̀ wụ̀ ọza ẹ̀ zụ mẹ mị ịrẹyị.
2Aza ẹnẹẹ vi ene eē ro ịrẹyị odivi ịnị ayị ẹnịnị.
Eyinị-eyinị ẹ sii chị ịrẹkụ tịtẹ nị.
3 #
Iro 3.13
Ịrẹyị irenu ẹnịnị ọ zụ wụ̀ ọza anka ẹ́wụ́ odivi avọọ.
Vị ịrẹyị ẹnẹ ẹẹ̄ kà sị mẹẹ ẹchịpa ẹwụ odivi avọọ ịnị ẹngụ ọza nị.
4Ẹnẹyịmavara, asị ụ navọ ka aza edivi è re oze mẹ mị ịrẹyị.
Aarịhịnị asị ụ zẹẹ ka aza ene ee sì ka ẹnị ẹ̀ wụ̀ ọza ẹ zụ kanyị mị
Aza ẹnẹẹ vi ene ee sì ka ẹnị ẹ̀ gụ mị hyẹdụ.
5Aza ana aa mẹ eyii zi ẹ sị ịrẹpa và ee zi mị.
Ẹ raà và ịrẹpa hi oze zi mi ka ẹnị ẹ̀ sị za mị.
6Ẹnẹyịmavara, mị ka ẹwa vị Ohomorihi amị nị.
Navọ wa vayị amị dị wa ba mị owu.
7Ẹnẹyịmavara ana vị ohinọyị ene hu keekere, ẹwa vị ọnụkata ana aā dọ mịị tụ́ nị.
Ẹwa dọ mị tụ́ ka asị a nyị ịsị ẹ mẹ̀ mị ịnị ụmẹ ịrẹkụ ọnọọ nị.
8Ẹnẹyịmavara, ịsa ana aza edivi ee ro avọọ, asị ụ sị yị wa mẹ.
Asị ụ zẹẹ ka ẹ̀ zụ mẹ ịsị e yee ro, ka à yị vị avọọ e ve wo oto.
9Asị ụ navọ ka ọnịvị amị ana kara mi è hu mi ẹtẹ.
Navọ ahịka ẹnị ẹ rẹ varẹma sị ịrẹsụ kụ́ ịsa odivi ẹnị ẹ sị irenu ẹnịnị kà nị.
10Navọ ịra ọ̀ gara kú wa.
Navọ è ne wa ngụ ịnị ahata dị asị ẹ kụkụ zụ kwẹẹtẹ.
11Asị ụ zẹẹ ka ò zoza yị aza ana aa dà irechee kú ọza.
Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị,
dị ahịka odivi ọnọọ ọ wụ̀ wa nị.
12Ẹnẹyịmavara, mâ yẹ ka ụ vaa dọ ịrazị onosiye ọnịrị oniruwa nịnịị zị.
13Mâ yẹ ka aza ana aa mẹ̀ ịsa ana vọrọ vị ana vaa kụ́ wụ avọ, dị ẹ ra ịda awụ.
Currently Selected:
Ahẹ Ụgama 140: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
