Ahẹ Ụgama 132
132
Ụbanyị ana a sị yị irehi Ohomorihi
1Ẹnẹyịmavara, navọ asị u hi ayị Idevidi ọnịrị avaba ẹngụkata ọnị ọ sị ẹngụ dọ.
2Ẹnẹyịmavara, tamayị ka Idevidi ô hị́ eku yị ẹwụ Ohomorihi Ochẹtẹẹngụ,
ẹwụ Ohomorihi oni Ijekọvụụ̄ hẹkẹ.
3Idevidi ka oni ọ yị vaa ngụ eehi anị, ọnị ọ yị rẹ vaa hịrẹ ịbẹẹdị anị.
4Ọ kà ọnị ọ yị rẹ yaa sịị sụ ara
5pooro di oni ò tenyi aha ọnya yị Ẹnẹyịmavara,
Ọnị ọ vị Ohomorihi Ochẹtẹẹngụ oni Ijekọvụụ̄ hẹkẹ nị.
6 #
2 Ịtọ 6.41,42 I mè hi Ehwirati, yâ wụ́ ịrẹyị Apoti ịrẹyị oni Ohomorihi kà tịtẹ,
di i ve ne tù apoti ọnọọ Ijaari nị.
7Di i va ka à vẹ ya nọ ini eehi Ẹnẹyịmavara, dị ya na tana tụra ẹtẹ ịzị ọ yà, dị ya kụ́ ọ nị.
8Ẹnẹyịmavara, navọ wa kwẹẹtẹ dị wa vẹ ịzị ụụ̄ yà.
Navọ ẹwụrị apoti ọnọọ ana jẹẹ yị ụkata awụ ọ̀ dudu vẹ.
9Navọ ahịka ebira ana vọrọ ohirẹsụ irehi awụ nịnị vaa mẹ pooro nị
Dị aza awụ ẹ̀ẹ jị ahẹ ịrajẹ.
10Navọ wa hụ agụvị Idevidi ozi ahụ awụ asị u yi ohinọyị ọnị ụsị nyị tịtẹ.
11 #
2 Ịsa 7.12-16; 1 Ịtọ 17.11-14; Ahẹ 89.3,4; Ụkọ 2.30 Wâ vịdị raà hị́ eku yị Idevidi, wẹ yị kụkụ vaa vara a vụrụ-vụrụ.
Wâ kà a yọ ka irima ezi anị ọ vaa vị ohinọyịị dọ ọ ịrẹsụ nị.
12Ọ kà ozi anị ọnọọ ọ̀ọ saasa ọda anị ọnịrị ịrẹyị ọnị ọnị sị zụ̀ ọ,
dị ahịka obooro ẹnịnị ẹ kụkụ aa rị ohinọyị ọnọọ pooro zịna-zịna nị.
13Ẹnẹyịmavara ọ sị nyị, ọ ka ịzọọ ọnị vaa sị mẹ eehi anị nị.
14Ọ kà a ka ịzọọ ọnị vaa yà pooro nị.
Ọ kà ịzọọ ọnị vaa yàa mẹ ohinọyị nị.
15Ọ rẹ ka ọnị vaa mẹ ka ò zee yọ ẹtẹẹtẹrẹ,
dị ọnị mẹ ka onosiye ene hi ịzọọ è re ịsa rị dị ịnẹ ọ̀ há wa.
16Ẹnẹyịmavara rẹ ka ohirẹsụ irehi anị ene hi
vị ọnị ọnị vaa mẹ ka ò zee yi ẹtẹẹtẹrẹ,
dị aza anị ene hi ịzọọ aa jị ahẹ ịrajẹ.
17 #
1 Ohi 11.36
Ọ rẹ ka ọnị vaa si ozi Idevidi ọnya ịzọọ, dị ọnị vara ohinọyị ana nyị ụkata.
Dị ọnị rẹ mẹ ka ohinọyị ọnọọ ọnị ọnị nyị avọọ, ọ̀ vị ohinọyị pooro zịna-zịna nị.
18Ọ kà ọnịvị ozi Idevidi ọnọọ vị ọnị ọnị vaa mẹ̀ ụhị nyị ẹtẹẹtẹrẹ,
ama dị ọnị mẹ ka ohinọyị, ọnị ozi Idevidi ọnọọ aa mẹ ọ vị ohinọyị ize ọnịrị ụbanyị.
Currently Selected:
Ahẹ Ụgama 132: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
