Ahẹ Ụgama 130
130
Ọza ọnị ịrẹyị tù ộ mẹ̀ aduwa
(Ahẹ anaā jị àa nọ ini eehi Ohomorihi)
1Ịrẹyị ene tù mi o si chi mị ẹngụ, di mi nowu na za Ẹnẹyịmavara nị.
2Ẹnẹyịmavara navọ wa ba mi owu.
Navọ wa wụ́ owu ọnị maa na ka wa vayị amị.
3Ẹnẹyịmavara, wàa ka waa chẹrẹ avaba ebira odivi ọnị yaa mẹẹ tịtẹ,
ẹnị ẹ ka ọnị ọ zụ há?
4Ama ẹwụ vị ana aa vagu ọza ana àa mẹ̀ ebira odivi,
avọọ aza sịị̄ nyị angwahi awụ nị.
5Ẹnẹyịmavara mi jẹẹ ezi nị.
Maa tụra a eyi, ma sị eyi tụra ịrẹyị anị.
6Maa tụra Ẹnẹyịmavara eyi, anka oserẹtẹ mèe zi ka eyi ò wụsẹ nị̄ avọọ.
Mị nyayịnẹ ee zi ọ nị.
7Ẹwụ nịnị Anisirẹrị, sị ayị tụra Ẹnẹyịmavara nịnị.
Ẹnẹyịmavara vi ene ee sì ịrẹyị ọza pooro ọ mā tụ́ ọ,
vi o sii sì ka ọnị ọ̀ọ dọ ọzaa tụ nị.
8 #
Imt 1.21; Ịta 2.14 Ọnị ụvọta ọ vaa dọ Anisirẹrị tụ́ụ hụụnị ebira odivi ẹnị ẹ yaa mẹ nị.
Currently Selected:
Ahẹ Ụgama 130: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
