Ahẹ Ụgama 128
128
Aza ana nyị angwahi Ohomorihi vaa rị ọgụ
1Aza ana nyị angwahi Ẹnẹyịmavara dị ẹ yaa saasa ọda anị ẹ̀ nyarị ịrẹsụ ọyịza.
2Ịsị ụ wàa sị ụvọ awụ mẹ vị ọnị ụ vaa rị.
Vi o vee zee wụ ẹtẹẹtẹrẹ nị.
3Ose ẹwụ ọ yị vaa vị ọbọrịị tụ́ ini eehi awụ,
vị ọ vaa ma ozi anka ọchị ana aā hị́ ịvayịnị mẹ̀ẹ tụ́ avọọ nị.
Ezi ewu vị ana vaa gwẹtẹ anka ọchị ana aā hị́ orivi avọọ kara ịzị waa yà aa rị ịsa.
4Avọọ Ẹnẹyịmavara mẹ̀ vaa mẹ ka ò zee yị aza ana nyị angwahi anị nị.
5Ẹnẹyịmavara ana yà Ịzayọnị ọ̀ navọ ò zee wu pooro ịnị avaba ẹhẹ awụ.
Dị ọ̀ rẹ navọ wa sị eyi awụ re Ijerusarẹmị o mè zè yọ.
6U vee kú orubo di wee re ezi ẹnị ezi ewu ma.
Anisirẹrị vị ana vaa nyị ẹngwọọrọ.
Currently Selected:
Ahẹ Ụgama 128: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
