Ahẹ Ụgama 124
124
Ohomorihi vi eneē sere aza anị
(Ahẹ Idevidi ana aā jị àa nọ ịnị eehi Ohomorihi)
1-2Ịsị a vọrọ ka Anisirẹrị ẹ̀ẹ kà kẹnẹ ọ vị ka ò zee ka Ẹnẹyịmavara ộ jẹẹ yị ịrẹma.
À yị vị ẹnị Ẹnẹyịmavara jẹẹ yị ịrẹma, ịjị aza ẹnẹẹ kwẹẹtẹ tù yị,
3dị ẹ yaa kụ́ ayịị hi yị,
vị ẹ yaanị gà yị rị ireyi-ireyi nị.
4Ọnịvị ayị yaanị reè hì yi hụrẹ oze anka ọhaara mèe kụ́ ẹtẹ avọọ.
Ẹnịnị yaanị sị yị mụnẹ.
5Ẹnịnị vị ana aa jị ayịị tù yị anka okuha mèe jị ayị avọọ.
Ẹ yaanị raà wara yị hụrẹ oze.
6Yâ kụ́ Ẹnẹyịmavara avọ ka ọ rẹ vaa zẹẹ ka ẹ̀ gara yị và ha pẹẹpẹrẹ.
7Ya sị tụ̀ anka inomi ọnị ịrẹpa za mẹ̀ tụ̀ avọọ.
Ịrẹpa ọnị ọnịvị ayị và zi yi o si che, ya sị tụ̀.
8Ẹnẹyịmavara aa gụ yị ụvọ nị.
Ọnị ọ mẹ ihinẹba ọnịrị ẹtẹ.
Currently Selected:
Ahẹ Ụgama 124: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
