Ahẹ Ụgama 122
122
Ijerusarẹmị vi ẹkụra ozoza
(Ahẹ Idevidi ana aā jị àa hịrẹ nọ ini eehi Ohomorihi)
1Mâ jẹ pooro á mẹ̀ va kà a ka ma vẹ ya nọ ini eehi Ẹnẹyịmavara.
2Ịzọọ i hi aanị nị, ya sị ngụ Ijerusarẹmị gẹdẹ-gẹdẹ.
3Ijerusarẹmị vị ana a dà, di o zoza, dị ịsa ọzọza yà aha anị tee-tee.
4Ịzẹnaanị aza Ẹnẹyịmavara hịrẹẹ nọ, dị ẹ na kụ́ ọ avọ nị.
Avọ Ohomorihi mẹ̀ mẹ̀ ẹ ọda yị Anisirẹrị nị.
5Ịzọọ ohinọyị Anisirẹrị nịnị yà dị ẹ yaa mẹ̀ ọkarẹyị yị aza nị.
Ẹnị ana vị ịpa Idevidi.
6Waā mẹ̀ aduwa ka ẹngwọọrọ ọ yà Ijerusarẹmị.
Ohomorihi ọ̀ navọ ò zee yị aza ene sì ịrẹyị Ijerusarẹmị.
7Ẹngwọọrọ vị ana vaa yà ịnị ẹkụra Ijerusarẹmị.
A yi nyị ịsị e vee chire ọza angwa ini ohweje ohinọyị.
8Mị vaa hụ agụvị ẹyịnyara amị ọnịrị ọta amịị mẹ̀ aduwa
ka ẹngwọọrọ ọ̀ yà ịnị ẹkụra Ijerusarẹmị.
9Mị vaa mẹ̀ aduwa ka ò zee wu agụvị irehi Ẹnẹyịmavara
ana vị Ohomorihi ayị ana yà ịzẹnị.
Currently Selected:
Ahẹ Ụgama 122: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
