Ahẹ Ụgama 107
107
Iwe 5
(Ahẹ 107—150)
Ọyị ga Ohomorihi agụvị ọyịza ọnị ọ mẹ
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 106.1; 118.1; 136.1; Ijer 33.11 Waā kụ́ Ẹnẹyịmavara avọ nịnị, agụvị ka ịsa ene zoza ọọ̄ mẹ nị.
Vi oō sì ịrẹyị ọza pooro kẹnẹ nị.
2Avaba aza ẹnị Ẹnẹyịmavara raà dọ tụ́ ẹ̀ vavọọ sịị jị ahẹ.
Ọnị ọ dọ wụ nịnị tụ́ hụụnị ụvọ ọnịvị awụ nịnị nị.
3Dị ọ kụ́ wụ nịnị hụrẹ avaba ẹhẹ vavẹ nị.
4Aza ẹnyị awụ nịnị vị ana aa doodo zị ịnị ụnọmị odivi, e yi re ẹkụra ịzị a vọrọ ka ẹ̀ ra.
5Ụngwẹ ộ kụ̀ wa, di enyi rẹ kụ̀ wa, dị ọ sị vọ chee è wusu nị.
6Ẹ́ mẹ̀ vavọọ aa rị ụya, di e re nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.
7Di Ohomorihi va zụ̀ wa oze ana vọrọ na ngụ ịnị ẹkụra ana vọrọ ka ẹ̀ ra nị.
8Â vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ẹnịnị pooro nị.
Ịsa ana aa mẹẹ yị aza vị ẹbanyị-ẹbanyị.
9Aza ọnị ụngwẹ ọnịrị ónyi aa kụ̀ vị ọnị ọ sị ịsa ozoza yị, dị ịnẹ há wa.
10Aza ẹnyị vi ene hi ịnị ẹngwa, dị ụya aa rị wa, dị ẹhẹ ẹnịnị kụkụ vị ịrahụ chakuu.
A raà tụ́ wa ẹba.
11Ịsị ẹ kụ́ ọ tụ́ wa ọ vị ka ẹ yaa kụ́ụ hịrẹ ịrẹyị Ohomorihi, ẹ yị rẹ dọ iwọjị anị.
12Di Ohomorihi mẹ ka ẹ̀ẹ mẹ̀ ụkọrọ dị ẹ̀ẹ re osiye nị.
Ẹ yaa hyẹdụ, e yi re ọza mẹ ọgụvọ yị wa.
13Ẹ́ mẹ̀ vavọọ aa rị ụya di e ve nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.
14Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.
15Â vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ọza pooro nị.
Ịsa ana aa mẹẹ yị ọza vị ẹbanyị-ẹbanyị.
16Ukere enyusẹ-enyusẹ ene e si chire oze vị ọnị ọ chaka và ha. 17Aza ẹnyị màa kụ́ụ hịrẹ Ohomorihi ẹ sị vara ọnụra,
ụya ộ rị wa agụvị ebira odivi ẹnị ẹ yaa mẹ.
18Avaba ịsọyịrị vi ene du wa eyi, dị ọ sị vọ chee è wusu.
19Ẹ́ mẹ̀ vavọọ aa rị ụya di e ve nowu na za Ẹnẹyịmavara,
dị ọ va dọ wa tụ́ hụụnị ụya ẹnị ẹ yaa rị nị.
20Ohomorihi ộ mẹ̀ ka à kà ịrẹyị anị yị wa ana mẹ ka ẹngụ ẹnịnị ọ̀ ta,
dị ọ̀ yị rẹ vaa zaa ka è sú nị.
21Â vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ọza pooro nị.
Ịsa ana aa mẹẹ yị aza vi ẹbanyị-ẹbanyị.
22Â vọrọ ka ẹ̀ sị ịsa va mẹ̀ ịsọvọ dị ẹ̀ sị kụ́ ọ avọ,
dị ẹ̀ẹ sị ịrajẹẹ jị ahẹ dị ẹ̀ẹ kà a yị aza ịsa ẹbanyị-ẹbanyị oni Ohomorihi aa mẹ.
23Aza ẹnyị aa ngụ ẹpaa jịnẹ ini enyi, dị ahịka oze ini òkū ẹ yaa sẹ̀ ohu nị.
24Ẹnịnị ê re ụkọrọ Ẹnẹyịmavara.
Ê re ịsa ẹbanyị-ẹbanyị ana aa mẹ ini òkū
25Ohomorihi mẹ̀ kà ịrẹyị, dị ahị nyima aa tụ́ dị òkū nyima aa dà nị.
26Enyi ộ dà gụgụrụgụ na ngụ ini ihinẹba, dị ọ rẹ chaka varẹma tụ́ ini òkū nị
Aza ene hi ini òkū ê re ka ịrẹyị odivi ộ vẹ, angwahi ọ kụ́ ngụ wa ẹngụ.
27Ẹnịnị ẹ kụ́ và angga, ẹ yaa mẹ rọgọ-rọgọ ọ́za eni echee aa mẹrị avọọ.
Avaba ịsị ẹ ka ẹnị ệ yẹ ộ ta hi wa ụvọ
28Ẹ́ mẹ̀ vavọọ aa rị ụya, di e ve nowu na za Ẹnẹyịmavara,
dị ọva dọ wa tụ́ hụụnị ụya ọnị ẹ yaa rị nị.
29Ohomorihi ộ za ahị ana vịdị aa tụ́ụ jẹẹ, di enyi kụkụ tịtẹ hẹẹ nị.
30Ịjị aza enee re ka enyi kụkụ tịtẹ hẹẹ, ẹ yaa jẹ.
Di Ohomorihi sị wa na ngụ ịzị a vọrọ ka ẹpa ẹnịnị ọ̀ jẹẹ nị.
31Â vọrọ ka ẹ̀ẹ kụ́ Ẹnẹyịmavara avọ, agụvị ka vi óō sị ịrẹyị aza pooro nị.
Ịsa ana a mẹẹ yị aza vị ẹbanyị-ẹbanyị.
32Aza ẹ̀ẹ maanị ta wara gụ, ẹnịnị ẹ̀ẹ kà a ka Ohomorihi ộ nyị ụbanyị,
dị ẹ̀ẹ kụ́ ọ avọ ọdọvịdị nịnị ẹ̀ẹ maanị sị gụ.
33Ohomorihi ộ mẹ̀ ka okuha ene ee sì ọnịrị aha ene enyi aa tụ̀ụ hụrẹ ẹ vara ọpaapara,
34dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa.
Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.
35Di Ohomorihi rẹ za ẹtẹ ọpaapara dị ọ vara okuha ene ee sì ọnịrị ịzị enyi aa tụ̀ụ hụrẹ nị.
36Dị ọ kụ́ aza ọnị ụngwẹ vịdị aa kụ̀ ka ẹ̀ va ra hị́ ịzọọ,
dị ẹkụkụ dà ẹkụra tụ́ ịzọọ, dị ẹ hi ịzọọ nị.
37Ẹ yaa dà aarẹ, e yee chire ịsa hi ịzọọ dị aa mẹẹ yị wa ẹtẹẹtẹrẹ nị.
38Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ.
Ọ yị hyakụ zẹẹ ka ịsụpa ẹnịnị ẹ̀ jị ha.
39Ụpẹ ọnya kẹnẹ di e nyima aa jịị ha nị, dị ịrẹyị odivi tù wa, dị ẹ rị ụya nị.
Dị ịrẹyị ẹnẹẹ và wa nọ ẹtẹ nị.
40Ohomorihi anaā sịị eyi oweyii re aza ana ka ẹnị ệ nyị ụbanyị
ộ mẹ̀ ka ẹẹ vaa chi vaa hịrẹ ịnị ẹtẹ ọpaapara ịzị ẹ̀ yị nyị oze.
41Ama, dị ọ sị oniruwa hụụnị ụya ẹnị ẹ yaa rị,
dị ọ mẹ ka aneehi anị ẹ̀ rụrụ anka ịsụpa mẹ̀ẹ há, avọọ nị.
42Aza ana aa mẹ̀ ebira ana vọrọ ệ vavọọ re e, dị ẹ yaa jẹ nị.
Dị aza ana aà mẹ̀ ebira edivi sị irenu ẹnịnị kú oku nị.
43Aza ana àa yẹ ịrẹyị, ẹ̀ sị eyi pè ịrẹyị ẹnẹnị,
di è re Ẹnẹyịmavara mẹmẹ sì ịrẹyị ọza na za.
Currently Selected:
Ahẹ Ụgama 107: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 107
107
Iwe 5
(Ahẹ 107—150)
Ọyị ga Ohomorihi agụvị ọyịza ọnị ọ mẹ
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 106.1; 118.1; 136.1; Ijer 33.11 Waā kụ́ Ẹnẹyịmavara avọ nịnị, agụvị ka ịsa ene zoza ọọ̄ mẹ nị.
Vi oō sì ịrẹyị ọza pooro kẹnẹ nị.
2Avaba aza ẹnị Ẹnẹyịmavara raà dọ tụ́ ẹ̀ vavọọ sịị jị ahẹ.
Ọnị ọ dọ wụ nịnị tụ́ hụụnị ụvọ ọnịvị awụ nịnị nị.
3Dị ọ kụ́ wụ nịnị hụrẹ avaba ẹhẹ vavẹ nị.
4Aza ẹnyị awụ nịnị vị ana aa doodo zị ịnị ụnọmị odivi, e yi re ẹkụra ịzị a vọrọ ka ẹ̀ ra.
5Ụngwẹ ộ kụ̀ wa, di enyi rẹ kụ̀ wa, dị ọ sị vọ chee è wusu nị.
6Ẹ́ mẹ̀ vavọọ aa rị ụya, di e re nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.
7Di Ohomorihi va zụ̀ wa oze ana vọrọ na ngụ ịnị ẹkụra ana vọrọ ka ẹ̀ ra nị.
8Â vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ẹnịnị pooro nị.
Ịsa ana aa mẹẹ yị aza vị ẹbanyị-ẹbanyị.
9Aza ọnị ụngwẹ ọnịrị ónyi aa kụ̀ vị ọnị ọ sị ịsa ozoza yị, dị ịnẹ há wa.
10Aza ẹnyị vi ene hi ịnị ẹngwa, dị ụya aa rị wa, dị ẹhẹ ẹnịnị kụkụ vị ịrahụ chakuu.
A raà tụ́ wa ẹba.
11Ịsị ẹ kụ́ ọ tụ́ wa ọ vị ka ẹ yaa kụ́ụ hịrẹ ịrẹyị Ohomorihi, ẹ yị rẹ dọ iwọjị anị.
12Di Ohomorihi mẹ ka ẹ̀ẹ mẹ̀ ụkọrọ dị ẹ̀ẹ re osiye nị.
Ẹ yaa hyẹdụ, e yi re ọza mẹ ọgụvọ yị wa.
13Ẹ́ mẹ̀ vavọọ aa rị ụya di e ve nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.
14Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.
15Â vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ọza pooro nị.
Ịsa ana aa mẹẹ yị ọza vị ẹbanyị-ẹbanyị.
16Ukere enyusẹ-enyusẹ ene e si chire oze vị ọnị ọ chaka và ha. 17Aza ẹnyị màa kụ́ụ hịrẹ Ohomorihi ẹ sị vara ọnụra,
ụya ộ rị wa agụvị ebira odivi ẹnị ẹ yaa mẹ.
18Avaba ịsọyịrị vi ene du wa eyi, dị ọ sị vọ chee è wusu.
19Ẹ́ mẹ̀ vavọọ aa rị ụya di e ve nowu na za Ẹnẹyịmavara,
dị ọ va dọ wa tụ́ hụụnị ụya ẹnị ẹ yaa rị nị.
20Ohomorihi ộ mẹ̀ ka à kà ịrẹyị anị yị wa ana mẹ ka ẹngụ ẹnịnị ọ̀ ta,
dị ọ̀ yị rẹ vaa zaa ka è sú nị.
21Â vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ọza pooro nị.
Ịsa ana aa mẹẹ yị aza vi ẹbanyị-ẹbanyị.
22Â vọrọ ka ẹ̀ sị ịsa va mẹ̀ ịsọvọ dị ẹ̀ sị kụ́ ọ avọ,
dị ẹ̀ẹ sị ịrajẹẹ jị ahẹ dị ẹ̀ẹ kà a yị aza ịsa ẹbanyị-ẹbanyị oni Ohomorihi aa mẹ.
23Aza ẹnyị aa ngụ ẹpaa jịnẹ ini enyi, dị ahịka oze ini òkū ẹ yaa sẹ̀ ohu nị.
24Ẹnịnị ê re ụkọrọ Ẹnẹyịmavara.
Ê re ịsa ẹbanyị-ẹbanyị ana aa mẹ ini òkū
25Ohomorihi mẹ̀ kà ịrẹyị, dị ahị nyima aa tụ́ dị òkū nyima aa dà nị.
26Enyi ộ dà gụgụrụgụ na ngụ ini ihinẹba, dị ọ rẹ chaka varẹma tụ́ ini òkū nị
Aza ene hi ini òkū ê re ka ịrẹyị odivi ộ vẹ, angwahi ọ kụ́ ngụ wa ẹngụ.
27Ẹnịnị ẹ kụ́ và angga, ẹ yaa mẹ rọgọ-rọgọ ọ́za eni echee aa mẹrị avọọ.
Avaba ịsị ẹ ka ẹnị ệ yẹ ộ ta hi wa ụvọ
28Ẹ́ mẹ̀ vavọọ aa rị ụya, di e ve nowu na za Ẹnẹyịmavara,
dị ọva dọ wa tụ́ hụụnị ụya ọnị ẹ yaa rị nị.
29Ohomorihi ộ za ahị ana vịdị aa tụ́ụ jẹẹ, di enyi kụkụ tịtẹ hẹẹ nị.
30Ịjị aza enee re ka enyi kụkụ tịtẹ hẹẹ, ẹ yaa jẹ.
Di Ohomorihi sị wa na ngụ ịzị a vọrọ ka ẹpa ẹnịnị ọ̀ jẹẹ nị.
31Â vọrọ ka ẹ̀ẹ kụ́ Ẹnẹyịmavara avọ, agụvị ka vi óō sị ịrẹyị aza pooro nị.
Ịsa ana a mẹẹ yị aza vị ẹbanyị-ẹbanyị.
32Aza ẹ̀ẹ maanị ta wara gụ, ẹnịnị ẹ̀ẹ kà a ka Ohomorihi ộ nyị ụbanyị,
dị ẹ̀ẹ kụ́ ọ avọ ọdọvịdị nịnị ẹ̀ẹ maanị sị gụ.
33Ohomorihi ộ mẹ̀ ka okuha ene ee sì ọnịrị aha ene enyi aa tụ̀ụ hụrẹ ẹ vara ọpaapara,
34dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa.
Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.
35Di Ohomorihi rẹ za ẹtẹ ọpaapara dị ọ vara okuha ene ee sì ọnịrị ịzị enyi aa tụ̀ụ hụrẹ nị.
36Dị ọ kụ́ aza ọnị ụngwẹ vịdị aa kụ̀ ka ẹ̀ va ra hị́ ịzọọ,
dị ẹkụkụ dà ẹkụra tụ́ ịzọọ, dị ẹ hi ịzọọ nị.
37Ẹ yaa dà aarẹ, e yee chire ịsa hi ịzọọ dị aa mẹẹ yị wa ẹtẹẹtẹrẹ nị.
38Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ.
Ọ yị hyakụ zẹẹ ka ịsụpa ẹnịnị ẹ̀ jị ha.
39Ụpẹ ọnya kẹnẹ di e nyima aa jịị ha nị, dị ịrẹyị odivi tù wa, dị ẹ rị ụya nị.
Dị ịrẹyị ẹnẹẹ và wa nọ ẹtẹ nị.
40Ohomorihi anaā sịị eyi oweyii re aza ana ka ẹnị ệ nyị ụbanyị
ộ mẹ̀ ka ẹẹ vaa chi vaa hịrẹ ịnị ẹtẹ ọpaapara ịzị ẹ̀ yị nyị oze.
41Ama, dị ọ sị oniruwa hụụnị ụya ẹnị ẹ yaa rị,
dị ọ mẹ ka aneehi anị ẹ̀ rụrụ anka ịsụpa mẹ̀ẹ há, avọọ nị.
42Aza ana aa mẹ̀ ebira ana vọrọ ệ vavọọ re e, dị ẹ yaa jẹ nị.
Dị aza ana aà mẹ̀ ebira edivi sị irenu ẹnịnị kú oku nị.
43Aza ana àa yẹ ịrẹyị, ẹ̀ sị eyi pè ịrẹyị ẹnẹnị,
di è re Ẹnẹyịmavara mẹmẹ sì ịrẹyị ọza na za.
Ebira First Bible © Bible Society of Nigeria, 2014.