Ahẹ Ụgama 108
108
Aduwa ana a mẹ ka è si huna ọnịvị
(Ahẹ 57.7-11; 60.5-12)
(Ahẹ Idevidi)
1Ohomorihi ayị amị vị ana maanị jẹẹ geri-geri.
Avaba ụkata amị mi ve sii hú ịsa dị maa jị ahẹ kụ́ wụ avọ nị.
2Ẹnẹnẹ viri-viri vị ọnị maa kwẹẹtẹ dị ma sị àgidibò amị.
3Màa sị ọ dị maa sịị kụ́ wụ avọ, Ẹnẹyịmavara, ini eyi avaba aza.
Mị vaa jị ahẹ kụ́ wụ ịnị akakana ịnọyị.
4Wê sì ịrẹyị ọza pooro, avọọ ụ mẹ̀ rẹ nyị ịzẹyịza nị,
nyị ịsị ọza sii juwe anị.
5Ohomorihi, ẹwa nyị ụbanyị hu keekere ini ihinẹba nị.
Navọ avaba anẹhẹ è re ụbanyị awụ.
6Navọ wa sị ụkata awụ gụ yị ụvọ dị wa dọ yị tụ́.
Wàa gụ yị ụvọ, aza oni u sì ịrẹyị anị vaa há.
7Ohomorihi vị ana yà aha ọnịnị anị, dị ọ kà ịrẹyị dị ọ ka ọnị ọ nyị ẹtẹ Ịsẹkẹmị nị,
ọnị vaa sị ụkata anị dị ọnị sị gà ẹ yị aza.
Ọ kà avọọ ọnị mẹ̀ rẹ vaa gà ini ozi ana aā hị́ Isukutu nị.
8Ohomorihi rẹ ka ọnị ọ nyị Anigiriyadi, dị ọnị rẹ nyị Ịmanasẹ nị.
Ọ kà ẹkụra Ehwireemi vị ana jẹẹ yị ọnị anka amu enyusẹ-enyusẹ avọọ,
di Ijuda jẹẹ yị ụkata anị nị.
9Ohomorihi rẹ ka Imowabi vị ana yà anka ẹnya ọnị ọnị aa nyịna ụvọọ hi.
Ọ rẹ ka ọnị o reè ne adava anị na tụ́ Edomi ana sị zụ ka ọnị ọ kụkụ nyị nị.
Ọ kà ọnị aa jẹ ẹtẹẹtẹrẹ ka ọnị ọ sị ehuna Ihwirisitiya nyị.
10Ohomorihi, ẹnị ẹ vaa sị mịị nọ ịnị ẹkụra Edomi ana a jị ọvọ kara aanị?
11Ohomorihi, navọ dê! U méé si yi yi tịtẹ saka-saka nị?
Wẹ yị kụkụ saasa isoja ayị nọ ịrẹkụụ?
12Navọ wa gụ yị ụvọ dê, dị ya zụ và eyi kà ọnịvị ayị.
Wâ yẹ ka ẹ yị nyị ịzị ọgụvọ ọzarẹyịrẹsụ tụ̀.
13Ohomorihi ọ̀ọ mẹ ọgụvọ yị, ẹ yaa nyị ehuna nị.
Ọnịvị ayị vị ọnị ọ maanị aa sị ahụụ sisii za ẹtẹ nẹrẹ-nẹrẹ.
Currently Selected:
Ahẹ Ụgama 108: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 108
108
Aduwa ana a mẹ ka è si huna ọnịvị
(Ahẹ 57.7-11; 60.5-12)
(Ahẹ Idevidi)
1Ohomorihi ayị amị vị ana maanị jẹẹ geri-geri.
Avaba ụkata amị mi ve sii hú ịsa dị maa jị ahẹ kụ́ wụ avọ nị.
2Ẹnẹnẹ viri-viri vị ọnị maa kwẹẹtẹ dị ma sị àgidibò amị.
3Màa sị ọ dị maa sịị kụ́ wụ avọ, Ẹnẹyịmavara, ini eyi avaba aza.
Mị vaa jị ahẹ kụ́ wụ ịnị akakana ịnọyị.
4Wê sì ịrẹyị ọza pooro, avọọ ụ mẹ̀ rẹ nyị ịzẹyịza nị,
nyị ịsị ọza sii juwe anị.
5Ohomorihi, ẹwa nyị ụbanyị hu keekere ini ihinẹba nị.
Navọ avaba anẹhẹ è re ụbanyị awụ.
6Navọ wa sị ụkata awụ gụ yị ụvọ dị wa dọ yị tụ́.
Wàa gụ yị ụvọ, aza oni u sì ịrẹyị anị vaa há.
7Ohomorihi vị ana yà aha ọnịnị anị, dị ọ kà ịrẹyị dị ọ ka ọnị ọ nyị ẹtẹ Ịsẹkẹmị nị,
ọnị vaa sị ụkata anị dị ọnị sị gà ẹ yị aza.
Ọ kà avọọ ọnị mẹ̀ rẹ vaa gà ini ozi ana aā hị́ Isukutu nị.
8Ohomorihi rẹ ka ọnị ọ nyị Anigiriyadi, dị ọnị rẹ nyị Ịmanasẹ nị.
Ọ kà ẹkụra Ehwireemi vị ana jẹẹ yị ọnị anka amu enyusẹ-enyusẹ avọọ,
di Ijuda jẹẹ yị ụkata anị nị.
9Ohomorihi rẹ ka Imowabi vị ana yà anka ẹnya ọnị ọnị aa nyịna ụvọọ hi.
Ọ rẹ ka ọnị o reè ne adava anị na tụ́ Edomi ana sị zụ ka ọnị ọ kụkụ nyị nị.
Ọ kà ọnị aa jẹ ẹtẹẹtẹrẹ ka ọnị ọ sị ehuna Ihwirisitiya nyị.
10Ohomorihi, ẹnị ẹ vaa sị mịị nọ ịnị ẹkụra Edomi ana a jị ọvọ kara aanị?
11Ohomorihi, navọ dê! U méé si yi yi tịtẹ saka-saka nị?
Wẹ yị kụkụ saasa isoja ayị nọ ịrẹkụụ?
12Navọ wa gụ yị ụvọ dê, dị ya zụ và eyi kà ọnịvị ayị.
Wâ yẹ ka ẹ yị nyị ịzị ọgụvọ ọzarẹyịrẹsụ tụ̀.
13Ohomorihi ọ̀ọ mẹ ọgụvọ yị, ẹ yaa nyị ehuna nị.
Ọnịvị ayị vị ọnị ọ maanị aa sị ahụụ sisii za ẹtẹ nẹrẹ-nẹrẹ.
Ebira First Bible © Bible Society of Nigeria, 2014.