Ahẹ Ụgama 106
106
Ebira ọyịza oni Ohomorihi mẹ yị aza anị
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 107.1; 118.1; 136.1; Ijer 33.11 Waā kụ́ Ẹnẹyịmavara.
Waa kụ́ ọ avọ nịnị agụvị ka ịsa ene zoza ọ́ọ mẹ nị
Vi oō sì ịrẹyị ọza pooro nị.
2Ẹ̀nị ẹ ka ọnị ọ zụ ka ụkọrọ ẹbanyị-ẹbanyị ẹnị Ẹnẹyịmavara aa mẹ?
Ẹ̀nị ẹ vị ana zụ kụ́ ọ avọ ta?
3Aza ẹnẹ ẹ̀ yị mā mẹ irikichi, dị ahịka ịsa ana vọrọ ẹẹ̄ mẹ pooro nị ẹ̀ nyarị ịrẹsụ ọyịza.
4Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị.
Navọ ịjị wàaa dọ waa tụ́ wa va gụ mị ụvọ.
5Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ.
Navọ ẹnịrị aza awụ è ve duduu kụ́ wụ avọ.
6Ya sị ebira odivi mẹ anka ohiku ayị nịnị ẹnị mẹ̀ rẹ mẹ.
Ya sị akụvị mẹ, yâ mẹ̀ ebira ene è yi zoza.
7 #
Kụra 14.10-12
Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ.
Ẹ yị tamayị ịsa irenyi-irenyi ọnị ụ mẹ yị wa,
dị ẹ yaa kụ̀ụ hịrẹ wụ ụtọ Okuha Ịkịịkẹ nị.
8Ama wâ hụ agụvị ụbanyị ẹngụ awụ wâ dọ wa há, agụvị aza ẹ̀ yẹ ka wâ nyị ụkata ẹtẹẹtẹrẹ.
9 #
Kụra 14.21-31
Ẹnẹyịmavara mẹ̀ kara eyi hi òkū, dị ọ wụ̄ nị,
dị ọ kụ́ aza anị zi oze ini òkū na para hu anka ọza òó reree che ụnọmị nee hu avọọ nị.
10Ohomorihi ộ dọ wa tụ́ hụụnị ụvọ ọnịvị ẹnịnị, ọ yị zẹẹ ka è re wa za.
11Di enyi mụnẹ avaba ọnịvị ẹnịnị ẹnẹẹ nị, ikonyara ẹnịnị ẹ yị há.
12 #
Kụra 15.1-21
Ịjọnọọ dị Anisirẹrị sị, ayị tụra ịrẹyị oni Ohomorihi ka ọnị vaa me,
dị ẹ yaa jị ahẹ kụ́ ọ avọ nị.
13Ama ịjị ọ naa mẹ ụmẹ chee, ayị ịsa oni Ohomorihi mẹ ô hi wa,
ẹnịnị ẹ yị kụkụ jẹẹ zi ka Ohomorihi ò juwe yị ẹnị ịnị ịsa ẹnị ẹ yaa mẹ.
14 #
Ịrị 11.4-34
E mè hi ịnị ụnọmị ê nyima aa ha ọhọha ịsọyịrị, ê hi ịzọọ ẹ yaa zama Ohomorihi re.
15Ịzẹyịza dị Ohomorihi sị ịsị e yee sì yị wa, dị ọ rẹ sị ụkụ anaā wụ ọzaa ha tụ́ ọ yị wa nị.
16 #
Ịrị 16.1-35
Ẹnịnị mè hi udi, e yee pè Imosiisi kụ̀ ụhị ọnịrị Eerọnị ẹnị Ẹnẹyịmavara nyị yị ẹngụ anị.
17Dị ẹtẹ va há irenu, dị ọ mụnẹ Idotani ọnịrị avaba aza ẹnị ẹnịrị Abiramị bẹ ụvọ tụ́ ịnị ịrẹyị ọnọọ nị.
18Dị ịra hụrẹ ẹbẹẹba vẹ, dị ọ rị ogu odivi ẹnẹẹ ịra va ha nị.
19 #
Kụra 32.1-14
Anisirẹrị mè hi Ịhọrẹbị, ệ sị enyusẹ tụ́ imaaru, di e nyima ee kú ẹtẹẹ kụ́ ọ nị.
20Ẹ raà sị imaaru anaā rị avị ana a sị enyusẹ mẹ, dọ ịrẹsụ Ohomorihi ana nyị ụbanyị.
21Ẹnịnị ê hi ayị Ohomorihi ana dọ wa tụ́, dị ọ vavọọ mẹ ịvọpa ịnị ẹtẹ Ijipiti,
22ọnịrị ịnị ẹtẹ Ihami,
Dị ọ rẹ ma ịtọmatọpa ụtọ okuha ịkịịkẹ.
23Ohomorihi vi ana ka ọnị ọ̀ yaanị wụ̀ wa va ha,
à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.
24 #
Ịrị 14.1-35
Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa,
dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.
25Di e nyima aa rị ihuhu ịnị ajẹngụ ẹnịnị, dị ẹ̀ yị kụkụ zẹẹ ka ẹnị ẹ̀ wú ịrẹyị Ohomorihi nị.
26Di Ohomorihi va hị́ eku ka vị ọnị aa wụ waa vaa hi ịnị ụnọmị nị,
27 #
Ire 26.33
di ezi ẹnịnị sú và hi ịnị ẹtẹ anẹkụra, dị ọnị gara ẹnị ana vọ hị́ avaba ẹhẹ.
28 #
Ịrị 25.1-13
Aza Ohomorihi mè hi Ịpẹyọ, e yee pè aza ẹnẹẹ hẹkẹ ori anaā hị́ Ịbaarị-Ịpẹyọ,
Dị ẹ yaa rị ịsa ana a sị mẹ̀ ịsọvọ yị ori ẹnẹẹ ẹnẹ ẹ̀ yị nyị ụhwẹ nị.
29Ebira odivi ẹnị ẹ mẹ ọ raà mẹ ka ayị ọ̀ kụ́ Ẹnẹyịmavara, dị ụkụ odivi chaka kú wa nị.
30Di Ihwinehasi va kwẹẹtẹ dị aa dá ịpẹẹ yị Ohomorihi, dị ụkụ ọnọọ va tá hụrẹ ẹtẹ nị.
31Ohomorihi ộ kà a ka ịsa oni Ihwinehasi mẹ avọọ ộ vọrọ.
Vi aa sị sịị tamayị anị pooro zịna-zịna nị.
32 #
Ịrị 20.2-13
Anisirẹrị mè re tù ini okuha Imeriba, ẹ rẹ mẹ ayị kụ́ Ẹnẹyịmavara.
Imosiisi ộ nyị ẹngụkata agụvị ẹnịnị.
33Ẹnịnị ệ kụ̀ hịrẹ Ohomorihi ana mẹ ka Imosiisi ò nyee eyi kà ịrẹyị.
34 #
Ọdọ 2.1-3; 3.5,6 Aza ẹnẹẹ ẹ yị rẹ wụ̀ avaba aza ẹnị Ẹnẹyịmavara mẹ ọda yị wa ka ẹ̀ wụ.
35Ama dị ẹ và hara aza ẹnẹẹ, dị ẹ yaa hama waa mẹ̀ ebira nị.
36Ẹ kụkụ aa mẹ ori aza ẹnẹẹ.
Ọnọọ ộ vana kụ́ ẹngụkata tù wa ẹnẹmẹhị.
37 #
2 Ohi 17.17
Dị Anisirẹrị nịnị kụkụ aa kụ́ ezi ẹnịnịị mẹ̀ ịsọvọ yi ori nị.
38 #
Ịrị 35.33
Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ,
avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị.
Ẹ raà sị du ẹtẹ ọnọọ ẹngụ.
39Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ,
ẹnịnị ẹ yị kụkụ sị ayị ọnya yị Ohomorihi.
40 #
Ọdọ 2.14-18
Ọnọọ ộ mẹ̀ ka Ẹnẹyịmavara ọ̀ kụ́ ayị hi aza anị, dị ọ kụkụ nyị ịhyẹrẹ ẹnịnị nị.
41Dị ọ kụ́ wa yị anẹkụra ọsa ana vị ọnịvị ẹnịnị, dị ẹ yaa mẹ ọdaa tụra wa nị.
42Ọnịvị ẹnịnị ẹnẹẹ ệ mẹ ehuna yị wa, dị ahịka ọda ene zee wa eyi kẹnẹ ẹ yaa mẹẹ tụra wa nị.
43Ụmẹ tụra ụmẹ Ohomorihi sịị dọ waa tụ́ nị, ama dị ẹ yaa kịị kụ̀ụ hịrẹ ẹ.
Dị ẹnịnị vavọọ sú và hi ini ebira odivi ẹnịnị nị.
44Ama ẹ yaa rị ụya, di e yee nowu nị, di Ohomorihi rẹ wụ́, dị ọba wa owu.
45Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ,
dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.
46Dị ọ mẹ ka avaba aza ana za wa ọrịhị ẹ̀ vayị ẹnịnị nị.
47 #
1 Ịtọ 16.35,36 Ẹnẹyịmavara, ana vị Ohomorihi ayị, navọ wa dọ yị tụ́.
Dị wa tọ̀ọ́ yị hụụnị avaba ẹkụra vabẹ dị ya zụụ kụ́ wụ avọ, dị yaa ga wụ.
48À vẹ vị yaa kụ́ Ẹnẹyịmavara ana vị Ohomorihi ana Anisirẹrị aa hẹkẹ avọ pooro zịna-zịna.
Avaba aza ẹ̀ kà a ka Aamị.
À vẹ yaa kụ́ Ẹnẹyịmavara.
Currently Selected:
Ahẹ Ụgama 106: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 106
106
Ebira ọyịza oni Ohomorihi mẹ yị aza anị
1 #
1 Ịtọ 16.34; 2 Ịtọ 5.13; 7.3; Ẹzị 3.11; Ahẹ 100.5; 107.1; 118.1; 136.1; Ijer 33.11 Waā kụ́ Ẹnẹyịmavara.
Waa kụ́ ọ avọ nịnị agụvị ka ịsa ene zoza ọ́ọ mẹ nị
Vi oō sì ịrẹyị ọza pooro nị.
2Ẹ̀nị ẹ ka ọnị ọ zụ ka ụkọrọ ẹbanyị-ẹbanyị ẹnị Ẹnẹyịmavara aa mẹ?
Ẹ̀nị ẹ vị ana zụ kụ́ ọ avọ ta?
3Aza ẹnẹ ẹ̀ yị mā mẹ irikichi, dị ahịka ịsa ana vọrọ ẹẹ̄ mẹ pooro nị ẹ̀ nyarị ịrẹsụ ọyịza.
4Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị.
Navọ ịjị wàaa dọ waa tụ́ wa va gụ mị ụvọ.
5Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ.
Navọ ẹnịrị aza awụ è ve duduu kụ́ wụ avọ.
6Ya sị ebira odivi mẹ anka ohiku ayị nịnị ẹnị mẹ̀ rẹ mẹ.
Ya sị akụvị mẹ, yâ mẹ̀ ebira ene è yi zoza.
7 #
Kụra 14.10-12
Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ.
Ẹ yị tamayị ịsa irenyi-irenyi ọnị ụ mẹ yị wa,
dị ẹ yaa kụ̀ụ hịrẹ wụ ụtọ Okuha Ịkịịkẹ nị.
8Ama wâ hụ agụvị ụbanyị ẹngụ awụ wâ dọ wa há, agụvị aza ẹ̀ yẹ ka wâ nyị ụkata ẹtẹẹtẹrẹ.
9 #
Kụra 14.21-31
Ẹnẹyịmavara mẹ̀ kara eyi hi òkū, dị ọ wụ̄ nị,
dị ọ kụ́ aza anị zi oze ini òkū na para hu anka ọza òó reree che ụnọmị nee hu avọọ nị.
10Ohomorihi ộ dọ wa tụ́ hụụnị ụvọ ọnịvị ẹnịnị, ọ yị zẹẹ ka è re wa za.
11Di enyi mụnẹ avaba ọnịvị ẹnịnị ẹnẹẹ nị, ikonyara ẹnịnị ẹ yị há.
12 #
Kụra 15.1-21
Ịjọnọọ dị Anisirẹrị sị, ayị tụra ịrẹyị oni Ohomorihi ka ọnị vaa me,
dị ẹ yaa jị ahẹ kụ́ ọ avọ nị.
13Ama ịjị ọ naa mẹ ụmẹ chee, ayị ịsa oni Ohomorihi mẹ ô hi wa,
ẹnịnị ẹ yị kụkụ jẹẹ zi ka Ohomorihi ò juwe yị ẹnị ịnị ịsa ẹnị ẹ yaa mẹ.
14 #
Ịrị 11.4-34
E mè hi ịnị ụnọmị ê nyima aa ha ọhọha ịsọyịrị, ê hi ịzọọ ẹ yaa zama Ohomorihi re.
15Ịzẹyịza dị Ohomorihi sị ịsị e yee sì yị wa, dị ọ rẹ sị ụkụ anaā wụ ọzaa ha tụ́ ọ yị wa nị.
16 #
Ịrị 16.1-35
Ẹnịnị mè hi udi, e yee pè Imosiisi kụ̀ ụhị ọnịrị Eerọnị ẹnị Ẹnẹyịmavara nyị yị ẹngụ anị.
17Dị ẹtẹ va há irenu, dị ọ mụnẹ Idotani ọnịrị avaba aza ẹnị ẹnịrị Abiramị bẹ ụvọ tụ́ ịnị ịrẹyị ọnọọ nị.
18Dị ịra hụrẹ ẹbẹẹba vẹ, dị ọ rị ogu odivi ẹnẹẹ ịra va ha nị.
19 #
Kụra 32.1-14
Anisirẹrị mè hi Ịhọrẹbị, ệ sị enyusẹ tụ́ imaaru, di e nyima ee kú ẹtẹẹ kụ́ ọ nị.
20Ẹ raà sị imaaru anaā rị avị ana a sị enyusẹ mẹ, dọ ịrẹsụ Ohomorihi ana nyị ụbanyị.
21Ẹnịnị ê hi ayị Ohomorihi ana dọ wa tụ́, dị ọ vavọọ mẹ ịvọpa ịnị ẹtẹ Ijipiti,
22ọnịrị ịnị ẹtẹ Ihami,
Dị ọ rẹ ma ịtọmatọpa ụtọ okuha ịkịịkẹ.
23Ohomorihi vi ana ka ọnị ọ̀ yaanị wụ̀ wa va ha,
à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.
24 #
Ịrị 14.1-35
Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa,
dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.
25Di e nyima aa rị ihuhu ịnị ajẹngụ ẹnịnị, dị ẹ̀ yị kụkụ zẹẹ ka ẹnị ẹ̀ wú ịrẹyị Ohomorihi nị.
26Di Ohomorihi va hị́ eku ka vị ọnị aa wụ waa vaa hi ịnị ụnọmị nị,
27 #
Ire 26.33
di ezi ẹnịnị sú và hi ịnị ẹtẹ anẹkụra, dị ọnị gara ẹnị ana vọ hị́ avaba ẹhẹ.
28 #
Ịrị 25.1-13
Aza Ohomorihi mè hi Ịpẹyọ, e yee pè aza ẹnẹẹ hẹkẹ ori anaā hị́ Ịbaarị-Ịpẹyọ,
Dị ẹ yaa rị ịsa ana a sị mẹ̀ ịsọvọ yị ori ẹnẹẹ ẹnẹ ẹ̀ yị nyị ụhwẹ nị.
29Ebira odivi ẹnị ẹ mẹ ọ raà mẹ ka ayị ọ̀ kụ́ Ẹnẹyịmavara, dị ụkụ odivi chaka kú wa nị.
30Di Ihwinehasi va kwẹẹtẹ dị aa dá ịpẹẹ yị Ohomorihi, dị ụkụ ọnọọ va tá hụrẹ ẹtẹ nị.
31Ohomorihi ộ kà a ka ịsa oni Ihwinehasi mẹ avọọ ộ vọrọ.
Vi aa sị sịị tamayị anị pooro zịna-zịna nị.
32 #
Ịrị 20.2-13
Anisirẹrị mè re tù ini okuha Imeriba, ẹ rẹ mẹ ayị kụ́ Ẹnẹyịmavara.
Imosiisi ộ nyị ẹngụkata agụvị ẹnịnị.
33Ẹnịnị ệ kụ̀ hịrẹ Ohomorihi ana mẹ ka Imosiisi ò nyee eyi kà ịrẹyị.
34 #
Ọdọ 2.1-3; 3.5,6 Aza ẹnẹẹ ẹ yị rẹ wụ̀ avaba aza ẹnị Ẹnẹyịmavara mẹ ọda yị wa ka ẹ̀ wụ.
35Ama dị ẹ và hara aza ẹnẹẹ, dị ẹ yaa hama waa mẹ̀ ebira nị.
36Ẹ kụkụ aa mẹ ori aza ẹnẹẹ.
Ọnọọ ộ vana kụ́ ẹngụkata tù wa ẹnẹmẹhị.
37 #
2 Ohi 17.17
Dị Anisirẹrị nịnị kụkụ aa kụ́ ezi ẹnịnịị mẹ̀ ịsọvọ yi ori nị.
38 #
Ịrị 35.33
Ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ wụ̀ ọ,
avọọ ẹ mẹ̀ raa wụ ezi ẹnịnị, dị ẹ yaa sịị mẹ ịsọvọọ yi ori Anikenaani nị.
Ẹ raà sị du ẹtẹ ọnọọ ẹngụ.
39Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ,
ẹnịnị ẹ yị kụkụ sị ayị ọnya yị Ohomorihi.
40 #
Ọdọ 2.14-18
Ọnọọ ộ mẹ̀ ka Ẹnẹyịmavara ọ̀ kụ́ ayị hi aza anị, dị ọ kụkụ nyị ịhyẹrẹ ẹnịnị nị.
41Dị ọ kụ́ wa yị anẹkụra ọsa ana vị ọnịvị ẹnịnị, dị ẹ yaa mẹ ọdaa tụra wa nị.
42Ọnịvị ẹnịnị ẹnẹẹ ệ mẹ ehuna yị wa, dị ahịka ọda ene zee wa eyi kẹnẹ ẹ yaa mẹẹ tụra wa nị.
43Ụmẹ tụra ụmẹ Ohomorihi sịị dọ waa tụ́ nị, ama dị ẹ yaa kịị kụ̀ụ hịrẹ ẹ.
Dị ẹnịnị vavọọ sú và hi ini ebira odivi ẹnịnị nị.
44Ama ẹ yaa rị ụya, di e yee nowu nị, di Ohomorihi rẹ wụ́, dị ọba wa owu.
45Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ,
dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.
46Dị ọ mẹ ka avaba aza ana za wa ọrịhị ẹ̀ vayị ẹnịnị nị.
47 #
1 Ịtọ 16.35,36 Ẹnẹyịmavara, ana vị Ohomorihi ayị, navọ wa dọ yị tụ́.
Dị wa tọ̀ọ́ yị hụụnị avaba ẹkụra vabẹ dị ya zụụ kụ́ wụ avọ, dị yaa ga wụ.
48À vẹ vị yaa kụ́ Ẹnẹyịmavara ana vị Ohomorihi ana Anisirẹrị aa hẹkẹ avọ pooro zịna-zịna.
Avaba aza ẹ̀ kà a ka Aamị.
À vẹ yaa kụ́ Ẹnẹyịmavara.
Ebira First Bible © Bible Society of Nigeria, 2014.