Ahẹ Ụgama 105
105
Ohomorihi ọnịrị aza anị
(1 Ịtọ 16.8-22)
1Waā kụ́ Ẹnẹyịmavara avọ, dị waā kà ịrẹkụkụ anị nịnị.
Waā kà ịsa ọnị ọ mẹ yị aza nịnị.
2Waā jị ahẹ gono o, dị wa sịị kụ́ ọ avọ nịnị.
Waā kà ịtọmatọpa ọnị ọ mẹ yị aza nịnị.
3Waa jẹ nịnị ka wâ vị aza anị nịnị.
Avaba aza ana aa hẹkẹ Ẹnẹyịmavara ẹ̀ẹ jẹ.
4Wē nee tù Ẹnẹyịmavara kà ọ̀ gụ wụ nịnị ụvọ, dị waa hẹkẹ ẹnịnị pooro.
5-6Ẹwụ nịnị ezi Abụrahamị, ana vị ozi ahụ Ẹnẹyịmavara, ẹwụ nịnị ezi Ijekọvụ ọnị ọ nyị
tamayị ụkọrọ ịvọpa irenyi-irenyi ẹnị Ẹnẹyịmavara mẹ
ọnịrị ọ mẹmẹ jị ịvị yị ọnịvị nịnị.
7Ẹnẹyịmavara ọ vị Ohomorihi ayị nị,
ọda amị vị ọnị ọ mẹ yị avaba anẹhẹ.
8Ộ tamayị ịrẹyị ọnị ọ kà tịtẹ ka ọnị vaa mẹ.
Ịrẹyị ọnọọ o mē jesi pooro,
Ịrẹyị ọnọọ vị ana jị jẹẹ yị ezi ịrẹma-ịrẹma ana vanaa vẹ.
9 #
Oyn 12.7; 17.8;
Oyn 26.3
Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.
10 #
Oyn 28.13
Ộ vana tenyi ahụ ịrẹyị ọnọọ jẹẹ yị Ijekọvụ
dị ọ mẹ̀ ẹ ọda ka Anisirẹrị nịnị ka ẹ̀ si eyi pè e pooro zịna-zịna nị.
11Ộ kà a yị wa ka ẹnị ọnị vaa sị ẹtẹ Ikenanii yị nị,
dị ahịka ẹnị ẹ kụkụ nyị ịzọọ nị.
12Anisirẹrị nịnị vịdị aa chee aanị, ẹ yị nyị ẹ yà, 13dị ahịka vị ẹ yaa ngụ ẹkụraa zị nị. Ẹnịnị vị anaā hụụnị ẹtẹ ọnyị naa ngụ ịnị ẹtẹ ọsa.
14 #
Oyn 20.3-7
Ohomorihi ọ yị zẹẹ ka ọza ọnyị ọza ọnyị ọ̀ mẹ ehuna yị wa.
Ộ hụ ụvị ẹnịnị kà ohinọyị ọ̀nọ̀ ka
15asị ẹ sị ụvọ kanyị aza anị.
Ọ rẹ ka asị a nyị ịsị ẹ sị mẹ ọnịsẹ anị.
16 #
Oyn 41.53-57
Ohomorihi ộ kụ́ ụngwẹ na ngụ ịnị ẹtẹ Anijipiti, di o du avaba ịsọyịrị ẹnịnị ha nị.
17 #
Oyn 37.28; 45.5 Ama Ohomorihi ộ vịdị raà tụ́ ọza ịnya dọ ọvịdị. Anisirẹrị nịnị.
Ọza ọnọọ ọ rị Ijosẹẹhụ nị, ẹnị ẹ vịdị ná ọrịhị.
18 #
Oyn 39.20—40.23
Ẹ mẹ̀ kụ́ ịchẹkẹchẹkẹ hi Ijosẹẹhụ ahụ, ẹ kụ́ ọ tụ̀ ụnava.
Ẹnịnị vị ana rẹ sị enyusẹ tụ́ ọ ọbẹ.
19Avọọ ẹ mẹ̀ mẹ Ijosẹẹhụ pooro dị ịrẹyị ọnị ọ kà tịtẹ sị sẹ nị.
Ịrẹyị Ẹnẹyịmavara ộ sị zụ̀ ka Ijosẹẹhụ vị ana aa kà ịzẹyịza.
20 #
Oyn 41.14
Ohinọyị anẹkụra ọnọọ ộ tụ́ ka à na sị Ijosẹẹhụ dị à hụrẹ ẹ hụụnị ẹngwa.
21 #
Oyn 41.39-41
Di ohinọyị ọnọọ sị Ijosẹẹhụ mẹ ọga irehi anị,
dị ahịka Ijosẹẹhụ ọ kụkụ sị eyi pè avaba ogu ọnị ọ nyị nị.
22Ijosẹẹhụ ọ kụkụ aa sị ịsaa zụ̀ ezi ohinọyị, dị aa kọ azọkụ nịnị ịrẹyọyẹ nị.
23 #
Oyn 46.6;
Oyn 47.11
Di Ijekọvụ va na Ijipiti, dị ọ na vị ọzọga tụ́ Ihami nị.
24 #
Kụra 1.7-14
Ẹnẹyịmavara ộ mẹ̀ ka aza anị ọ̀ rụrụ ẹtẹẹtẹrẹ, ệ hyakụ sị ụkata nyị huna ọnịvị ẹnịnị.
25Ohomorihi ộ mẹ̀ ka Anijipiti ẹ̀ kụkụụ kụ́ ayị Anisirẹrị, dị ẹ hyakụ ee vene wa bẹẹ nị.
26 #
Kụra 3.1—4.17
Di Ohomorihi va tụ́ Imosiisi ozi ahụ anị ọnịrị Eerọnị ọnị nyị,
27dị ẹ na mẹ̀ ụkọrọ ịvọpa ẹbanyị-ẹbanyị ịda Anijipiti nịnị ịnị ẹtẹ Ihami nị.
28 #
Kụra 10.21-23
Ohomorihi ộ mẹ̀ ka etohozi ò chi kú ẹtẹ ẹnịnị, ẹnịnị ẹ yị zụ họ̀ ọ use.
29 #
Kụra 7.17-21
Ohomorihi ộ rẹ vara avaba enyi ẹnịnị, di ivovo ene hi ịnị anị sú và ha nị.
30 #
Kụra 8.1-6
Iruvu ọ va chaka hi ịnị ẹtẹ Anijipiti, dị ẹ hyakụ aa hịrẹ ịbẹẹdị ohinọyị ẹnịnị bẹẹ nị.
31 #
Kụra 8.20-24;
Kụra 8.16,17 Ohomorihi ộ mẹ̀ ọda, di isi nịnị kọ̀mi vẹ ịnị ẹtẹ Ijipiti, di ikukurumi gwẹtẹ kẹnẹ nị.
32 #
Kụra 9.22-25
Ohomorihi ọ rẹ mẹ ka orihi ana aa zụ̀ ọ̀ vara ata ihinẹba,
dị apaana ihinẹba aa há ịnị avaba ẹtẹ ẹnịnị nị.
33Ọchị ịvayịnị ọnịrị ihwigi vị ana apaana ihinẹba du ha neberi ọchị ana vọ ene hi ịnị ẹkụra ẹnịnị.
34 #
Kụra 10.12-15
Di Ohomorihi rẹ kà ịrẹyị, dị akụvarịva ọnịrị ịchacha chaka hi ịnị ẹtẹ ọnọọ nị.
35Dị ẹ za avaba avị ohwoohu ene hi ịnị ẹtẹ ọnọọ, dị ẹ rị ọ za ẹtẹ nị.
Ịsa ịnị aarẹ vị ẹnị ẹ rị saka-saka.
36 #
Kụra 12.29
Di Ohomorihi va za avaba ozi ịpaapa Anijipiti dị ọ wụ̀ wa nị dị ọ wụ̀ wa nị.
Avaba ozi ịpaapa ẹnịnị ọ wụ nị.
37 #
Kụra 12.33-36
Dị ọ kụ́ Anisirẹrị jịnẹ,
dị ọ hara igooru ọnịrị ẹkẹhị nị,
nyị ikonya ẹnịnị ẹnị ẹngụ zị.
38Angwa Anisirẹrị vi ene ee hi Anijipiti, agụvị avọọ Anijipiti vị ana aa jẹ ka Anisirẹrị ệ vụrị si hu.
39 #
Kụra 13.21,22 Di Ohomorihi gana eguhi kú Anisirẹrị, dị ọ sị ịra yị wa ka è sii re ẹtẹ nị.
40 #
Kụra 16.2-15
Anisirẹrị ka ẹnị aa rị uye, di Ohomorihi kụ́ irekwose va yị wa nị.
Ộ sị ịsọyịrị ihinẹba va yị wa ệ rị, ịnẹ ộ há wa.
41 #
Kụra 17.1-7; Ịrị 20.2-13 Ohomorihi ộ há ịrẹta irenu, dị enyi aa káa jịnẹ, di ee sì anka okuha avọọ ịnị ụnọmị nị.
42Ohomorihi ộ vavọọ mẹ agụvị ka ộ tamayị ịrẹyị ọnị ọ kà yị Abụrahamị ozi ahụ anị ka ọnị vaa mẹ.
43Ohomorihi mẹ̀ kụ́ aza anị oni ọ sị nyị jịnẹ hụrẹ Ijipiti, ẹnịnị vị ana aa jẹ di e yee nowu.
44 #
Ijos 11.16-23
Ohomorihi ộ sị ẹtẹ anẹkụra ọsa yị wa, dị ahịka ẹnị ẹ vana kụ́ ogu ana aza ẹnẹsa re osiye anị nị.
45Ohomorihi ộ vavọọ mẹ agụvị aza anị ẹ̀ zụ sị eyi pè ọda anị, dị ẹ̀ẹ saasa a.
À vẹ vị yaa kụ́ Ẹnẹyịmavara.
Currently Selected:
Ahẹ Ụgama 105: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ahẹ Ụgama 105
105
Ohomorihi ọnịrị aza anị
(1 Ịtọ 16.8-22)
1Waā kụ́ Ẹnẹyịmavara avọ, dị waā kà ịrẹkụkụ anị nịnị.
Waā kà ịsa ọnị ọ mẹ yị aza nịnị.
2Waā jị ahẹ gono o, dị wa sịị kụ́ ọ avọ nịnị.
Waā kà ịtọmatọpa ọnị ọ mẹ yị aza nịnị.
3Waa jẹ nịnị ka wâ vị aza anị nịnị.
Avaba aza ana aa hẹkẹ Ẹnẹyịmavara ẹ̀ẹ jẹ.
4Wē nee tù Ẹnẹyịmavara kà ọ̀ gụ wụ nịnị ụvọ, dị waa hẹkẹ ẹnịnị pooro.
5-6Ẹwụ nịnị ezi Abụrahamị, ana vị ozi ahụ Ẹnẹyịmavara, ẹwụ nịnị ezi Ijekọvụ ọnị ọ nyị
tamayị ụkọrọ ịvọpa irenyi-irenyi ẹnị Ẹnẹyịmavara mẹ
ọnịrị ọ mẹmẹ jị ịvị yị ọnịvị nịnị.
7Ẹnẹyịmavara ọ vị Ohomorihi ayị nị,
ọda amị vị ọnị ọ mẹ yị avaba anẹhẹ.
8Ộ tamayị ịrẹyị ọnị ọ kà tịtẹ ka ọnị vaa mẹ.
Ịrẹyị ọnọọ o mē jesi pooro,
Ịrẹyị ọnọọ vị ana jị jẹẹ yị ezi ịrẹma-ịrẹma ana vanaa vẹ.
9 #
Oyn 12.7; 17.8;
Oyn 26.3
Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.
10 #
Oyn 28.13
Ộ vana tenyi ahụ ịrẹyị ọnọọ jẹẹ yị Ijekọvụ
dị ọ mẹ̀ ẹ ọda ka Anisirẹrị nịnị ka ẹ̀ si eyi pè e pooro zịna-zịna nị.
11Ộ kà a yị wa ka ẹnị ọnị vaa sị ẹtẹ Ikenanii yị nị,
dị ahịka ẹnị ẹ kụkụ nyị ịzọọ nị.
12Anisirẹrị nịnị vịdị aa chee aanị, ẹ yị nyị ẹ yà, 13dị ahịka vị ẹ yaa ngụ ẹkụraa zị nị. Ẹnịnị vị anaā hụụnị ẹtẹ ọnyị naa ngụ ịnị ẹtẹ ọsa.
14 #
Oyn 20.3-7
Ohomorihi ọ yị zẹẹ ka ọza ọnyị ọza ọnyị ọ̀ mẹ ehuna yị wa.
Ộ hụ ụvị ẹnịnị kà ohinọyị ọ̀nọ̀ ka
15asị ẹ sị ụvọ kanyị aza anị.
Ọ rẹ ka asị a nyị ịsị ẹ sị mẹ ọnịsẹ anị.
16 #
Oyn 41.53-57
Ohomorihi ộ kụ́ ụngwẹ na ngụ ịnị ẹtẹ Anijipiti, di o du avaba ịsọyịrị ẹnịnị ha nị.
17 #
Oyn 37.28; 45.5 Ama Ohomorihi ộ vịdị raà tụ́ ọza ịnya dọ ọvịdị. Anisirẹrị nịnị.
Ọza ọnọọ ọ rị Ijosẹẹhụ nị, ẹnị ẹ vịdị ná ọrịhị.
18 #
Oyn 39.20—40.23
Ẹ mẹ̀ kụ́ ịchẹkẹchẹkẹ hi Ijosẹẹhụ ahụ, ẹ kụ́ ọ tụ̀ ụnava.
Ẹnịnị vị ana rẹ sị enyusẹ tụ́ ọ ọbẹ.
19Avọọ ẹ mẹ̀ mẹ Ijosẹẹhụ pooro dị ịrẹyị ọnị ọ kà tịtẹ sị sẹ nị.
Ịrẹyị Ẹnẹyịmavara ộ sị zụ̀ ka Ijosẹẹhụ vị ana aa kà ịzẹyịza.
20 #
Oyn 41.14
Ohinọyị anẹkụra ọnọọ ộ tụ́ ka à na sị Ijosẹẹhụ dị à hụrẹ ẹ hụụnị ẹngwa.
21 #
Oyn 41.39-41
Di ohinọyị ọnọọ sị Ijosẹẹhụ mẹ ọga irehi anị,
dị ahịka Ijosẹẹhụ ọ kụkụ sị eyi pè avaba ogu ọnị ọ nyị nị.
22Ijosẹẹhụ ọ kụkụ aa sị ịsaa zụ̀ ezi ohinọyị, dị aa kọ azọkụ nịnị ịrẹyọyẹ nị.
23 #
Oyn 46.6;
Oyn 47.11
Di Ijekọvụ va na Ijipiti, dị ọ na vị ọzọga tụ́ Ihami nị.
24 #
Kụra 1.7-14
Ẹnẹyịmavara ộ mẹ̀ ka aza anị ọ̀ rụrụ ẹtẹẹtẹrẹ, ệ hyakụ sị ụkata nyị huna ọnịvị ẹnịnị.
25Ohomorihi ộ mẹ̀ ka Anijipiti ẹ̀ kụkụụ kụ́ ayị Anisirẹrị, dị ẹ hyakụ ee vene wa bẹẹ nị.
26 #
Kụra 3.1—4.17
Di Ohomorihi va tụ́ Imosiisi ozi ahụ anị ọnịrị Eerọnị ọnị nyị,
27dị ẹ na mẹ̀ ụkọrọ ịvọpa ẹbanyị-ẹbanyị ịda Anijipiti nịnị ịnị ẹtẹ Ihami nị.
28 #
Kụra 10.21-23
Ohomorihi ộ mẹ̀ ka etohozi ò chi kú ẹtẹ ẹnịnị, ẹnịnị ẹ yị zụ họ̀ ọ use.
29 #
Kụra 7.17-21
Ohomorihi ộ rẹ vara avaba enyi ẹnịnị, di ivovo ene hi ịnị anị sú và ha nị.
30 #
Kụra 8.1-6
Iruvu ọ va chaka hi ịnị ẹtẹ Anijipiti, dị ẹ hyakụ aa hịrẹ ịbẹẹdị ohinọyị ẹnịnị bẹẹ nị.
31 #
Kụra 8.20-24;
Kụra 8.16,17 Ohomorihi ộ mẹ̀ ọda, di isi nịnị kọ̀mi vẹ ịnị ẹtẹ Ijipiti, di ikukurumi gwẹtẹ kẹnẹ nị.
32 #
Kụra 9.22-25
Ohomorihi ọ rẹ mẹ ka orihi ana aa zụ̀ ọ̀ vara ata ihinẹba,
dị apaana ihinẹba aa há ịnị avaba ẹtẹ ẹnịnị nị.
33Ọchị ịvayịnị ọnịrị ihwigi vị ana apaana ihinẹba du ha neberi ọchị ana vọ ene hi ịnị ẹkụra ẹnịnị.
34 #
Kụra 10.12-15
Di Ohomorihi rẹ kà ịrẹyị, dị akụvarịva ọnịrị ịchacha chaka hi ịnị ẹtẹ ọnọọ nị.
35Dị ẹ za avaba avị ohwoohu ene hi ịnị ẹtẹ ọnọọ, dị ẹ rị ọ za ẹtẹ nị.
Ịsa ịnị aarẹ vị ẹnị ẹ rị saka-saka.
36 #
Kụra 12.29
Di Ohomorihi va za avaba ozi ịpaapa Anijipiti dị ọ wụ̀ wa nị dị ọ wụ̀ wa nị.
Avaba ozi ịpaapa ẹnịnị ọ wụ nị.
37 #
Kụra 12.33-36
Dị ọ kụ́ Anisirẹrị jịnẹ,
dị ọ hara igooru ọnịrị ẹkẹhị nị,
nyị ikonya ẹnịnị ẹnị ẹngụ zị.
38Angwa Anisirẹrị vi ene ee hi Anijipiti, agụvị avọọ Anijipiti vị ana aa jẹ ka Anisirẹrị ệ vụrị si hu.
39 #
Kụra 13.21,22 Di Ohomorihi gana eguhi kú Anisirẹrị, dị ọ sị ịra yị wa ka è sii re ẹtẹ nị.
40 #
Kụra 16.2-15
Anisirẹrị ka ẹnị aa rị uye, di Ohomorihi kụ́ irekwose va yị wa nị.
Ộ sị ịsọyịrị ihinẹba va yị wa ệ rị, ịnẹ ộ há wa.
41 #
Kụra 17.1-7; Ịrị 20.2-13 Ohomorihi ộ há ịrẹta irenu, dị enyi aa káa jịnẹ, di ee sì anka okuha avọọ ịnị ụnọmị nị.
42Ohomorihi ộ vavọọ mẹ agụvị ka ộ tamayị ịrẹyị ọnị ọ kà yị Abụrahamị ozi ahụ anị ka ọnị vaa mẹ.
43Ohomorihi mẹ̀ kụ́ aza anị oni ọ sị nyị jịnẹ hụrẹ Ijipiti, ẹnịnị vị ana aa jẹ di e yee nowu.
44 #
Ijos 11.16-23
Ohomorihi ộ sị ẹtẹ anẹkụra ọsa yị wa, dị ahịka ẹnị ẹ vana kụ́ ogu ana aza ẹnẹsa re osiye anị nị.
45Ohomorihi ộ vavọọ mẹ agụvị aza anị ẹ̀ zụ sị eyi pè ọda anị, dị ẹ̀ẹ saasa a.
À vẹ vị yaa kụ́ Ẹnẹyịmavara.
Ebira First Bible © Bible Society of Nigeria, 2014.