Ịrịka 10
10
Ịkakanchị enyusẹ isiriva
1Ẹnẹyịmavara ộ kà yị Imosiisi ka, 2ọ sị enyusẹ ana a hị́ isiriva tu ịkakanchị ẹẹva, dị aa sị hị́ aza gụ ọnịrị a sị tama aza ayị ka e ne ajẹngụ ẹnịnị dị ẹ kụ̀rà. 3Ee hu ịkakanchị ẹyịva ẹnẹẹ kẹnẹ, dị aza ẹ wara gụ enoze ajẹngụ Ẹnẹyịmavara. 4Àa vị ụpẹ ọnya e hu ọ nị, ọdọvịdị ịrẹsụ-ịrẹsụ Anisirẹrị ẹwụrẹva kẹnẹ aa vaa gẹ ịzọọ nị. 5Èe hu ọ ẹjịjị, avaba ịrẹsụ ene hi eyi ịzị ọyị zị hụrẹ vẹ aa kwẹẹtẹ jịnẹ tụ ẹhẹ nị. 6Èe hu ụpẹ ọhụva, dị avaba ịrẹsụ ene re hi eyi ụvẹtẹ ẹnẹ rẹ jịnẹ tụ ẹhẹ. Ẹngụ ọyị hu ịkakanchị ọnọnị vị anaā sịị hị́ aza ka ẹẹ kwẹẹtẹ. 7Ama àa hị́ avaba ịragụ gụ, dị e hu ọ ku. 8Ohirẹsụ irehi Ẹnẹyịmavara nịnị ana vị ezi Eerọnị kẹnẹ e zụ hu ọ nị. Aanị a mẹ mẹ̀ ọda ọnọọ tịtẹ tịnatibe nị. 9Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị. 10Ọ kà e hu ọ ịnị ụmẹ ọnị ẹ yaa jẹ ịrajẹ ọnịrị ịnị ụmẹ avaba eche asụsụ ịrayị ẹnịnị. E hu ọ ụhwẹ ọ sị chị, dị ẹ si hine ayị ịrẹsụ ịsọvọ anaā rị ịra ọnịrị ịsọvọ ẹngwọọrọ. Ịkakanchị ọnọọ vaa tama ọnị ayị oto ọnị wo yị wa. Ọnị ọ vị Ẹnẹyịmavara ana vị Ohomorihi ẹnịnị nị.
Anisirẹrị è nyima ụsẹ
11Ịhị ẹ tụ ọ ẹkụhị ẹwụrẹva ịnị ụhwẹ ọhụva ịnị ịrayị ọhụva ọnị ẹ hụrẹ Ijipiti, dị eguhi kwẹẹtẹ hụrẹ ịrẹsụ ajẹngụ Ẹnẹyịmavara nị 12avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị. 13Di e nyima aa zị ụsẹ anka Ẹnẹyịmavara mẹ ka Imosiisi ọ mẹ̀ ọda anị yị wa nị. 14Inasoni ozi Aminadabi ọ vị ọdọvịdị ana kụ avaba ịrẹsụ ana jị udi beri Ijuda tụ ọvịdị aza ana vọ, dị ẹ sị uyi rị ụvọ nị. 15Ịnẹtanẹrị ozi Izuwa ọ vị ọdọvịdị Aniisaka nị. 16Dị Eriyabi ozi Iheroni ọnị rẹ vị ọdọvịdị Anizeburuni nị. 17Anigesihoni ọnịrị Animerari nịnị ẹ kụ ẹnya ajẹngụ ana jị hi ẹtẹ tụ ịrẹma Anijuda nịnị nị. 18Dị Erizuri ozi Isedewu ana vị ọdọvịdị Anirubẹnị kụ wa vaka ịrẹsụ ana vọ ẹnị ẹnịrị ra vatụra Anijuda nịnị nị. 19Iserumẹrị ozi Izurisadayị ọ vị ọdọvịdị Anisimiyọnị nị. 20Eriyasahwi ozi Idewẹrị ọ vị ọdọvịdị Anigadi nị.
21Anikohati ọnị o tu, ẹ za ẹnya ịnị ajẹngụ Ẹnẹyịmavara nị. Ẹnịnị ẹ da ẹtẹ tịtẹ yi anọvịdị agụvị dị a zụ jị ajẹngụ dị e vee tu ịzọọ. 22Anihuremi ọnịrị ịrẹsụ ẹnị ẹnịrị ra gụrị ẹngụ ẹ vatụra wa nị. Erisama ozi Amihudi ọ vị ọdọvịdị Anihuremi nị. 23Igamariyẹẹrị ozi Ipedazu ọ vị ọdọvịdị Anịmanasẹ nị. 24Abidanị ozi Igidiyọnị ọ vị ọdọvịdị Ịbẹnjamịnị nị. 25Anịdanị nịnị ẹnịrị ịrẹsụ ana vọ ana ra gụrị wa e hi ịrẹma ee sere Anisirẹrị nịnị agụvị aza anaa vaa kụ ịrẹkụ vee tu wa. Uye ẹnịnị vị ọnị ẹ sị rị ụvọ. Ahiyẹza ozi Amisadayi ọ vị ọdọvịdị Anịdanị nị. 26Ipagiyeri ozi Okiranị ọ vị ọdọvịdị Anaseri nị. 27Ahira ozi Enanị ọ vị ọdọvịdị Inahwitari nị.
28Aanị Anisirẹrị nịnị mẹ mẹ eto ụsẹ ẹnịnị ụmẹ tụra ụmẹ ọnị ẹ yaa zị ụsẹ nị.
Imosiisi ka ọyẹ anị ọ saasa ọnị
29Ẹkụhị ọnya, dị Imosiisi hị́ Ihobabi ọnyara ose anị ọnọrụ ana vị ozi Iruweri ana Imediya dị ọ ka, ẹnị aa kwẹẹtẹ nọ ịzị Ẹnẹyịmavara kà ọnị aa sị yị ẹnị. Imosiisi ka ọ kwẹẹtẹ dị ọ saasa ọnị ka ẹnị vaa mẹ̀ ẹ ebira ẹtẹẹrẹ. Ẹtẹ ọnị Ẹnẹyịmavara wo oto anị yị ẹnị o zoza ẹtẹẹtẹrẹ. 30Dị Ihobabi tụ ọ ohi ka ọnị ẹ yị saasa wa nị. Ọ kà ọnị aa va nọ eehi anị. 31Dị Imosiisi ọ da ịpẹ yọ ka asị ọ para ẹnị hu agụvị ka ọnị ọ yẹ aha ana vọrọ ka ẹnị ka ahụ jẹẹ jị udi ịnị ụnọmị nị. 32Dị Imosiisi ka ọ vaa zụ ẹnị oze, dị ẹnị ga avaba ịsa ozoza ọnị Ẹnẹyịmavara vaa sị yị ẹnị.
Aza ệ hụrị Ịsịnayị
33Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́. 34Ẹkụhị-ẹkụhị vị ọnị eguhi Ẹnẹyịmavara ku wa ịrẹsụ ẹ maa zị ụsẹ na. 35#Ahẹ 68.1Ụmẹ tụra ụmẹ ọnị apoti oto aa jịnẹ, dị mẹ̀ aduwa ka Ẹnẹyịmavara ọ kwẹẹtẹ, dị ọnịvị anị nịnị ẹ gara hi ozi. Ọnịvị ẹnịnị ee zwe eyi ẹnịnị. 36Ama ụmẹ ọnị e si chi apoti oto hi ẹtẹ, dị Imosiisi rẹ mẹ̀ aduwa ka Ẹnẹyịmavara ọ vaa ka ẹnị vẹ ụpẹ otomiroku.
Currently Selected:
Ịrịka 10: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 10
10
Ịkakanchị enyusẹ isiriva
1Ẹnẹyịmavara ộ kà yị Imosiisi ka, 2ọ sị enyusẹ ana a hị́ isiriva tu ịkakanchị ẹẹva, dị aa sị hị́ aza gụ ọnịrị a sị tama aza ayị ka e ne ajẹngụ ẹnịnị dị ẹ kụ̀rà. 3Ee hu ịkakanchị ẹyịva ẹnẹẹ kẹnẹ, dị aza ẹ wara gụ enoze ajẹngụ Ẹnẹyịmavara. 4Àa vị ụpẹ ọnya e hu ọ nị, ọdọvịdị ịrẹsụ-ịrẹsụ Anisirẹrị ẹwụrẹva kẹnẹ aa vaa gẹ ịzọọ nị. 5Èe hu ọ ẹjịjị, avaba ịrẹsụ ene hi eyi ịzị ọyị zị hụrẹ vẹ aa kwẹẹtẹ jịnẹ tụ ẹhẹ nị. 6Èe hu ụpẹ ọhụva, dị avaba ịrẹsụ ene re hi eyi ụvẹtẹ ẹnẹ rẹ jịnẹ tụ ẹhẹ. Ẹngụ ọyị hu ịkakanchị ọnọnị vị anaā sịị hị́ aza ka ẹẹ kwẹẹtẹ. 7Ama àa hị́ avaba ịragụ gụ, dị e hu ọ ku. 8Ohirẹsụ irehi Ẹnẹyịmavara nịnị ana vị ezi Eerọnị kẹnẹ e zụ hu ọ nị. Aanị a mẹ mẹ̀ ọda ọnọọ tịtẹ tịnatibe nị. 9Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị. 10Ọ kà e hu ọ ịnị ụmẹ ọnị ẹ yaa jẹ ịrajẹ ọnịrị ịnị ụmẹ avaba eche asụsụ ịrayị ẹnịnị. E hu ọ ụhwẹ ọ sị chị, dị ẹ si hine ayị ịrẹsụ ịsọvọ anaā rị ịra ọnịrị ịsọvọ ẹngwọọrọ. Ịkakanchị ọnọọ vaa tama ọnị ayị oto ọnị wo yị wa. Ọnị ọ vị Ẹnẹyịmavara ana vị Ohomorihi ẹnịnị nị.
Anisirẹrị è nyima ụsẹ
11Ịhị ẹ tụ ọ ẹkụhị ẹwụrẹva ịnị ụhwẹ ọhụva ịnị ịrayị ọhụva ọnị ẹ hụrẹ Ijipiti, dị eguhi kwẹẹtẹ hụrẹ ịrẹsụ ajẹngụ Ẹnẹyịmavara nị 12avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị. 13Di e nyima aa zị ụsẹ anka Ẹnẹyịmavara mẹ ka Imosiisi ọ mẹ̀ ọda anị yị wa nị. 14Inasoni ozi Aminadabi ọ vị ọdọvịdị ana kụ avaba ịrẹsụ ana jị udi beri Ijuda tụ ọvịdị aza ana vọ, dị ẹ sị uyi rị ụvọ nị. 15Ịnẹtanẹrị ozi Izuwa ọ vị ọdọvịdị Aniisaka nị. 16Dị Eriyabi ozi Iheroni ọnị rẹ vị ọdọvịdị Anizeburuni nị. 17Anigesihoni ọnịrị Animerari nịnị ẹ kụ ẹnya ajẹngụ ana jị hi ẹtẹ tụ ịrẹma Anijuda nịnị nị. 18Dị Erizuri ozi Isedewu ana vị ọdọvịdị Anirubẹnị kụ wa vaka ịrẹsụ ana vọ ẹnị ẹnịrị ra vatụra Anijuda nịnị nị. 19Iserumẹrị ozi Izurisadayị ọ vị ọdọvịdị Anisimiyọnị nị. 20Eriyasahwi ozi Idewẹrị ọ vị ọdọvịdị Anigadi nị.
21Anikohati ọnị o tu, ẹ za ẹnya ịnị ajẹngụ Ẹnẹyịmavara nị. Ẹnịnị ẹ da ẹtẹ tịtẹ yi anọvịdị agụvị dị a zụ jị ajẹngụ dị e vee tu ịzọọ. 22Anihuremi ọnịrị ịrẹsụ ẹnị ẹnịrị ra gụrị ẹngụ ẹ vatụra wa nị. Erisama ozi Amihudi ọ vị ọdọvịdị Anihuremi nị. 23Igamariyẹẹrị ozi Ipedazu ọ vị ọdọvịdị Anịmanasẹ nị. 24Abidanị ozi Igidiyọnị ọ vị ọdọvịdị Ịbẹnjamịnị nị. 25Anịdanị nịnị ẹnịrị ịrẹsụ ana vọ ana ra gụrị wa e hi ịrẹma ee sere Anisirẹrị nịnị agụvị aza anaa vaa kụ ịrẹkụ vee tu wa. Uye ẹnịnị vị ọnị ẹ sị rị ụvọ. Ahiyẹza ozi Amisadayi ọ vị ọdọvịdị Anịdanị nị. 26Ipagiyeri ozi Okiranị ọ vị ọdọvịdị Anaseri nị. 27Ahira ozi Enanị ọ vị ọdọvịdị Inahwitari nị.
28Aanị Anisirẹrị nịnị mẹ mẹ eto ụsẹ ẹnịnị ụmẹ tụra ụmẹ ọnị ẹ yaa zị ụsẹ nị.
Imosiisi ka ọyẹ anị ọ saasa ọnị
29Ẹkụhị ọnya, dị Imosiisi hị́ Ihobabi ọnyara ose anị ọnọrụ ana vị ozi Iruweri ana Imediya dị ọ ka, ẹnị aa kwẹẹtẹ nọ ịzị Ẹnẹyịmavara kà ọnị aa sị yị ẹnị. Imosiisi ka ọ kwẹẹtẹ dị ọ saasa ọnị ka ẹnị vaa mẹ̀ ẹ ebira ẹtẹẹrẹ. Ẹtẹ ọnị Ẹnẹyịmavara wo oto anị yị ẹnị o zoza ẹtẹẹtẹrẹ. 30Dị Ihobabi tụ ọ ohi ka ọnị ẹ yị saasa wa nị. Ọ kà ọnị aa va nọ eehi anị. 31Dị Imosiisi ọ da ịpẹ yọ ka asị ọ para ẹnị hu agụvị ka ọnị ọ yẹ aha ana vọrọ ka ẹnị ka ahụ jẹẹ jị udi ịnị ụnọmị nị. 32Dị Imosiisi ka ọ vaa zụ ẹnị oze, dị ẹnị ga avaba ịsa ozoza ọnị Ẹnẹyịmavara vaa sị yị ẹnị.
Aza ệ hụrị Ịsịnayị
33Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́. 34Ẹkụhị-ẹkụhị vị ọnị eguhi Ẹnẹyịmavara ku wa ịrẹsụ ẹ maa zị ụsẹ na. 35#Ahẹ 68.1Ụmẹ tụra ụmẹ ọnị apoti oto aa jịnẹ, dị mẹ̀ aduwa ka Ẹnẹyịmavara ọ kwẹẹtẹ, dị ọnịvị anị nịnị ẹ gara hi ozi. Ọnịvị ẹnịnị ee zwe eyi ẹnịnị. 36Ama ụmẹ ọnị e si chi apoti oto hi ẹtẹ, dị Imosiisi rẹ mẹ̀ aduwa ka Ẹnẹyịmavara ọ vaa ka ẹnị vẹ ụpẹ otomiroku.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.